കോട്ടയം: ബസ് ഡ്രൈവർ കുഴഞ്ഞുവീണതിനെ തുടർന്ന് സ്വകാര്യ ബസിന്റെ നിയന്ത്രണം നഷ്ടമായി അപകടം. ബസ് ഓട്ടോ സ്റ്റാൻഡിലേക്ക് ഇടിച്ചു കയറി. അപകടത്തിൽ ആർക്കും പരുക്കില്ല. ദേഹാസ്വാസ്ഥ്യത്തെ തുടർന്നാണ് വാഹനം ഓടിച്ചുകൊണ്ടിരിക്കെ ഡ്രൈവർ കുഴഞ്ഞുവീണത്. ഡ്രൈവറെ ഉടൻ ആശുപത്രിയിലേക്ക് മാറ്റി.
കോട്ടയം പാമ്പാടിയിൽ ഇന്നു രാവിലെ 11.30 ഓടെയായിരുന്നു അപകടം. പൊൻകുന്നം ഭാഗത്തുനിന്നും കോട്ടയത്തേക്ക് വരികയായിരുന്ന ബസിലെ ഡ്രൈവറാണ് കുഴഞ്ഞുവീണ് അപകടമുണ്ടായത്. സ്റ്റാൻഡിൽ നിന്നും ഇറങ്ങിയ ബസ് നിയന്ത്രണം നഷ്ടമായി നേരെ ഓട്ടോ സ്റ്റാൻഡിലേക്ക് ഇടിച്ചു കയറുകയായിരുന്നു. അപകടത്തിൽ നിന്നും ഓട്ടോ ഡ്രൈവർമാർ ഭാഗ്യം കൊണ്ടാണ് രക്ഷപ്പെട്ടത്. ബസിന് വലിയ വേഗത ഇല്ലാതിരുന്നതും വൻ അപകടം ഒഴിവാക്കി. പിന്നീട് ബസ് ഡ്രൈവറെ നാട്ടുകാർ ചേർന്ന് പാമ്പാടി താലൂക്ക് ആശുപത്രിയിൽ പ്രവേശിപ്പിച്ചു.
A private bus lost control after the bus driver collapsed due to illness while driving. The bus veered off course and crashed into an auto stand. Thankfully, no one was injured in the incident. The driver was promptly rushed to the hospital following the collapse.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."
