ദുബൈ: കുവൈത്ത് പൗരന്മാർക്കും ജിസിസി പൗരന്മാർക്കും സ്വകാര്യ ഡ്രൈവിംഗ് ലൈസൻസിന്റെ സാധുത 15 വർഷമായും, പ്രവാസി താമസക്കാർക്ക് അഞ്ച് വർഷമായും നീട്ടി. അൽ അൻബ അറബിക് ദിനപത്രമാണ് ഇക്കാര്യം റിപ്പോർട്ട് ചെയ്തത്.

പൗരന്മാർക്കും ജിസിസി പൗരന്മാർക്കും പ്രവാസി താമസക്കാർക്കും ഡ്രൈവിംഗ് ലൈസൻസിന്റെ സാധുതാ കാലാവധി നീട്ടിക്കൊണ്ട് ഒരു മന്ത്രിതല തീരുമാനം പുറപ്പെടുവിച്ചു. ഇത് രാജ്യത്തിന്റെ ലൈസൻസിംഗ് നിയമങ്ങളിൽ ഒരു സുപ്രധാന മാറ്റം വരുത്തുന്നുവെന്ന് ഒന്നാം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് അൽ സബാഹ് വ്യക്തമാക്കി.

ALSO READ: നിയമവിരുദ്ധ പ്രവർത്തനങ്ങൾ; അൽ നഹ്ദി എക്സ്ചേഞ്ചിന്റെ ലൈസൻസ് റദ്ദാക്കി യുഎഇ സെൻട്രൽ ബാങ്ക്

പുതിയ നിയമങ്ങൾ പ്രകാരം, പ്രവാസികൾക്കുള്ള ലൈസൻസിന്റെ സാധുത മൂന്ന് വർഷത്തിൽ നിന്ന് അഞ്ച് വർഷമായി വർധിപ്പിച്ചു. കുവൈത്ത് പൗരന്മാർക്കും ഗൾഫ് പൗരന്മാർക്കും ലൈസൻസിന്റെ കാലാവധി 10 വർഷത്തിൽ നിന്ന് 15 വർഷമായി നീട്ടി. പൗരത്വമില്ലാത്ത താമസക്കാർക്ക്, അവരുടെ തിരിച്ചറിയൽ രേഖകളുടെ സാധുതയുമായി ബന്ധപ്പെട്ടാണ് ലൈസൻസിന്റെ കാലാവധി.

കുവൈത്ത് പൗരന്മാർക്ക് പരമ്പരാഗതമായി ലൈസൻസിന്റെ കാലാവധി 10 വർഷമായിരുന്നു. അതേസമയം പ്രവാസികൾക്ക് ഒരു ഘട്ടത്തിൽ ഇത് ഒരു വർഷമായി കുറച്ചിരുന്നു. ഏതാനും മാസങ്ങൾക്ക് മുമ്പ്, ഷെയ്ഖ് ഫഹദ് അൽ സബാഹ് പ്രവാസികളുടെ ലൈസൻസിന്റെ സാധുത മൂന്ന് വർഷമായി വർധിപ്പിച്ചിരുന്നു. പുതിയ പ്രഖ്യാപനം പ്രാബല്യത്തിൽ വരുന്നതോടെ ഇത് അഞ്ച് വർഷമായി മാറും.

ALSO READ: ഒക്ടോബർ മുതൽ ഈ ന​ഗരങ്ങളിലേക്ക് പുതിയ സർവിസുകൾ ആരംഭിക്കുമെന്ന് എയർ അറേബ്യ

പ്രവാസികൾക്ക് ഡ്രൈവിംഗ് ലൈസൻസിനായി അപേക്ഷിക്കുന്നതിന് കുവൈത്ത് കർശനമായ നിബന്ധനകൾ മുന്നോട്ടു വച്ചിട്ടുണ്ട്. ഇതിൽ ഒരു യൂണിവേഴ്സിറ്റി ബിരുദം ഉണ്ടായിരിക്കണമെന്നതും ഉൾപ്പെടുന്നു. രാജ്യത്ത് നിയമപരമായി രണ്ട് വർഷം താമസിച്ചതിന് ശേഷം മാത്രമേ പുതുതായി എത്തുന്നവർക്ക് ലൈസൻസിന് അപേക്ഷിക്കാൻ അർഹതയുള്ളൂ.

Kuwait has extended the validity of private driving licenses to 15 years for Kuwaiti citizens and GCC nationals, while expatriate residents will now receive licenses valid for 5 years. This change aims to streamline bureaucracy and align with regional norms. The new regulations, effective immediately, apply to various license categories, including private, general, motorcycle, and vocational licenses