മൊറാദാബാദ്: അനധികൃതമെന്നാരോപിച്ച് മുസ്‌ലിംകളുടെ വീടുകളും സ്ഥാപനങ്ങളും തകര്‍ക്കുന്നിതിടയില്‍ ഒരു ബി.ജെ.പി പ്രവര്‍ത്തകന്റെ കടയും നീക്കി ബുള്‍ഡോസര്‍. പിന്നാലെ ബി.ജെ.പി പ്രവര്‍ത്തകന്‍ ചേതന്‍ സൈനി ആത്മഹത്യ ചെയ്തു. ബി.ജെപി മണ്ഡലം വൈസ് പ്രസിഡന്റ്  ഗജേന്ദ്ര സിങ്ങിന്റെ മൂത്ത സഹോദരന്‍ ആണ് കമ്മീഷന്‍ ഏജന്റ് കൂടിയായ സൈനി. രണ്ട് പതിറ്റാണ്ടിലേറെയായി മജ്‌ഹോലയിലെ മണ്ഡി മേഖലയില്‍ ഫ്രൂട്ട് ബിസിനസ് നടത്തുകയായിരുന്നു സൈനി. 

ഇയാളുടെ പിതാവിന്റെ പേരിലുള്ളതായിരുന്നു കട. യാതൊരു മുന്നറിയിപ്പുമില്ലാതെയാണ് ഇയാളുടെ കട പൊളിച്ചു മാറ്റിയത്. അതിനാല്‍ എന്തെങ്കിലും സംവിധാനങ്ങള്‍ ഒരുക്കാനോ മുന്‍കരുതലെടുക്കാനോ സൈനിക്ക് കഴിഞ്ഞില്ല. ഇത് ഇയാളെ സമ്മര്‍ദ്ദത്തിലാക്കിയിരുന്നു. കട പൊളിച്ച ദിവസം രാത്രി വീടിന് മുകളില്‍ നിന്ന് താഴേക്ക് എടുത്തു ചാടിയാണ് ഇയാല്‍ ജീവനൊടുക്കിയതെന്നും ദൃക്‌സാക്ഷികള്‍ പറയുന്നു. മൃതദേഹം പോസ്റ്റ്മോര്‍ട്ടത്തിനായി അയച്ചിരിക്കുകയാണ്. സംഭവത്തില്‍ പൊലിസ് അന്വേഷണം ആരംഭിച്ചു.

ALSO READ: 2008 മലേഗാവ് സ്‌ഫോടനം: പ്രഗ്യാസിങ് ഉള്‍പ്പെടെ മുഴുവന്‍ പ്രതികളേയും വെറുതെ വിട്ട് എന്‍.ഐ.എ കോടതി;  ഗൂഢാലോചനക്ക് തെളിവില്ലെന്ന് 

അനധികൃത നിര്‍മാണങ്ങള്‍ ലക്ഷ്യം വെച്ചാണ് നടപടിയെന്ന് ഉദ്യോഗസ്ഥര്‍ വിശദീകരിക്കുന്നു. നടക്രമങ്ങളിലെ അപാകതയും ഇരകള്‍ക്ക് മാനസിക പിന്തുണ ലഭിക്കാത്തതുമാണ് ആത്മഹത്യ പോലുള്ള ഘട്ടത്തിലേക്ക് എത്തിക്കുന്നതെന്നും ഉദ്യോഗസ്ഥര്‍ വ്യക്തമാക്കി. 

അതേസമയം, നീക്കത്തിനെതിരെ ബി.ജെ.പി രംഗത്തെത്തി. നേരത്തെ നോട്ടിസ് നല്‍കിയിരുന്നോ എന്ന് ചേദ്യമുയര്‍ത്തി ബി.ജെ.പി പ്രവര്‍ത്തകര്‍ ഭരണപരമായ ക്രൂരത എന്ന് നടപടിയെ അപലപിച്ചു. 

Chetan Saini, a BJP worker and brother of BJP Mandal Vice President Gajendra Singh, died by suicide after his shop was demolished without prior notice in Moradabad. The demolition drive, allegedly targeting illegal constructions, has sparked criticism from within the BJP.