അബൂദബി: 2004ൽ യുഎഇ പ്രസിഡന്റായി ശൈഖ് ഖലീഫ ബിൻ സായിദ് അൽ നഹ്‌യാൻ അധികാരമേറ്റതിന്റെ വാർഷികത്തോടനുബന്ധിച്ച് ആരംഭിച്ച യുഎഇ പതാകാ ദിനം നാളെ (നവംബർ 3) വിപുലമായി ആഘോഷിക്കും. ആഘോഷത്തിൻ്റെ ഭാഗമായി ദുബൈയിലെ ഗ്ലോബൽ വില്ലേജിൽ നാളെ പ്രത്യേക ഡ്രോൺ ഷോ സംഘടിപ്പിക്കും. ശനിയാഴ്ചയാണ് (2025 നവംബർ 1) ഗ്ലോബൽ വില്ലേജ് അധികൃതർ ഇക്കാര്യം വ്യക്തമാക്കിയത്. 

നൂറുകണക്കിന് ഡ്രോണുകൾ പങ്കെടുക്കുന്ന ഈ പരിപാടി നാളെ (2025 നവംബർ 3) രാത്രി 8:30-നാണ് നടക്കുന്നത്. ഡ്രോണുകൾ ഉപയോഗിച്ച് യുഎഇയുടെ ദേശീയ പതാക ഉൾപ്പെടെ നിരവധി കാഴ്ചകൾ നാളെ ഗ്ലോബൽ വില്ലേജിൻ്റെ ആകാശത്ത് തെളിയിക്കും.

ALSO READ: ഫിഫ അറബ് കപ്പ് ഖത്തർ 2025: ആവേശത്തിൽ ഖത്തർ; പന്തുരുളാൻ ഇനി ഒരു മാസം

രാജ്യത്തിന്റെ ഭൂത-വർത്തമാന-ഭാവി കാലങ്ങളെ ആദരിക്കാനായി 2013ൽ യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമാണ് പതാകാ ദിനം സ്ഥാപിച്ചത്.

പതാകാ ദിനത്തിന്റെ ഭാ​ഗമായി യു.എ.ഇയിലെ എല്ലാ സർക്കാർ-സ്വകാര്യ സ്ഥാപനങ്ങളിലും സ്കൂളുകളിലും തിങ്കളാഴ്ച രാവിലെ 11 മണിക്ക് ദേശീയ പതാക ഉയർത്തും. രാജ്യത്തെ പൗരന്മാരോടും താമസക്കാരോടും സ്ഥാപനങ്ങളോടും രാവിലെ കൃത്യം 11 മണിക്ക് പതാക ഉയർത്താനാണ് ശൈഖ് മുഹമ്മദ് ആഹ്വാനം ചെയ്തിട്ടുള്ളത്.

പതാകദിനത്തിന്റെ ഭാഗമായി യു.എ.ഇയിലെ കടകളും, വീടുകളും, തെരുവുകളും പതാകകൾ കൊണ്ടലങ്കരിക്കുന്നതാണ്. പതാക പ്രദർശിപ്പിക്കുമ്പോൾ, അത് ശരിയായി ആദരിക്കപ്പെടുന്നുണ്ടെന്ന് ഉറപ്പാക്കാൻ ചില നിയമങ്ങൾ പാലിക്കേണ്ടത് പ്രധാനമാണ്.

ALSO READ: ദുബൈ: ഇൻ്റർനാഷണൽ അക്കാദമിക് സിറ്റിയിൽ പെയ്ഡ് പാർക്കിം​ഗ് അവതരിപ്പിച്ച് പാർക്കിൻ

യു.എ.ഇ പതാകാ ദിനം ഒരു പൊതു അവധി ദിനമല്ല. മറിച്ച്, ഡിസംബറിൽ ഈദ് അൽ ഇത്തിഹാദി(ദേശീയ ദിനത്തി)ന് മുന്നോടിയായി നടക്കുന്ന ഒരു മാസത്തെ ആഘോഷങ്ങളുടെ തുടക്കമാണ്.

നേരത്തെ, 'ദേശീയ മാസം' ദുബൈ പ്രഖ്യാപിച്ചിരുന്നു. തുടർച്ചയായ രണ്ടാം വർഷവും പതാകാ ദിനം മുതൽ 2025 ഡിസംബർ 2ന് ഈദ് അൽ ഇത്തിഹാദ് വരെ യു.എ.ഇയുടെ ദേശീയ അവസരങ്ങളുടെ എമിറേറ്റിലെ വ്യാപകമായ ആഘോഷമായാണിത് നടക്കുക.

The UAE Flag Day will be celebrated on November 3, with a spectacular drone show at Global Village in Dubai. The event will feature hundreds of drones lighting up the night sky with stunning visuals.