കണ്ണൂര്‍: പയ്യാമ്പലത്ത് കടലില്‍ കുളിക്കാനിറങ്ങിയ സംഘത്തിലെ മൂന്നുപേര്‍ മുങ്ങിമരിച്ചു. ഞായറാഴ്ച്ച രാവിലെയാണ് സംഭവം.ബംഗളരുവിലെ മെഡിക്കല്‍ വിദ്യാര്‍ഥികളായ അഫ്‌നാന്‍, റഹാനുദ്ദീന്‍, അഫ്‌റാസ് എന്നിവരാണ് മരിച്ചത്.

കര്‍ണാടകയില്‍ നിന്നുള്ള എട്ടുപേരടങ്ങുന്ന സംഘം ഇന്ന് രാവിലെയാണ് കടലില്‍ കുളിക്കാനിറങ്ങിയത്. ഇതിനിടെ മൂന്നുപേര്‍ തിരയില്‍പെടുകയായിരുന്നു. രണ്ടുപേരെ നാട്ടുകാര്‍ ചേര്‍ന്ന് രക്ഷപ്പെടുത്തി ആശുപത്രിയിലത്തിച്ചെങ്കിലും ജീവന്‍ രക്ഷിക്കാനായില്ല. ഫയര്‍ഫോഴ്‌സും പൊലിസും മത്സ്യത്തൊഴിലാളികളും നടത്തിയ തെരച്ചിലിലാണ് മൂന്നാമത്തെയാളുടെ മൃതദേഹം കണ്ടെത്തിയത്.