നേന്ത്രപ്പഴം നമ്മുടെ വീട്ടില്‍ ഒഴിച്ചുകൂടാനാവാത്ത ഒന്നാണ്. പ്രത്യേകിച്ച് നല്ല പഴുത്ത പഴമാണെങ്കില്‍ ആരും  തിന്നാതെ അതവിടെ തന്നെ കിടക്കുന്നുണ്ടാവും. എന്നാല്‍ അതുകൊണ്ട് നമുക്ക് കിടിലന്‍ ടേസ്റ്റില്‍ ഒരു കേയ്ക്ക് തയാറാക്കാം. കുട്ടികള്‍ക്കും മുതിര്‍ന്നവര്‍ക്കുമൊക്കെ ഒരുപാടിഷ്ടമാവുകയും ചെയ്യും. 

നേന്ത്രപ്പഴം പഴുത്തത് - 2
തേങ്ങ- ഒന്ന്
അരിപ്പൊടി - അര കപ്പ്
കോഴിമുട്ട- 1
പഞ്ചസാര-രണ്ട് കപ്പ്'

ALSO READ: റാഗി പൊടിക്കൊണ്ട് കിടിലന്‍ രുചിയില്‍ തയാറാക്കാം ബനാന കേക്ക്

ഉണ്ടാക്കുന്ന വിധം

പഴുത്ത നേന്ത്രപ്പഴം ആവിയില്‍ വേവിച്ചെടുക്കുക. ചൂടു കുറഞ്ഞാല്‍ ഇത് കട്ട് ചെയ്ത് വയ്ക്കുക. തേങ്ങയുടെ ഒന്നാം പാലും രണ്ടാം പാലും എടുത്തുവയ്ക്കുക. ഇനി മിക്‌സിയുടെ ജാറിലേക്ക് ആദ്യം മുറിച്ചുവച്ച പഴവും കുറച്ചു പാലും ചേര്‍ത്ത് അരച്ചെടുക്കുക. ശേഷം ഇതിലേക്ക് വീണ്ടും അരിപ്പൊടിയും കോഴിമുട്ടയും ഏലയ്ക്കാപൊടിയും പഞ്ചസാരയും തേങ്ങാപാലും ചേര്‍ത്ത് നന്നായി ഒന്നു കൂടെ മിക്‌സിയില്‍ അടിച്ചെടുക്കുക.

അടിച്ചെടുത്ത ശേഷം ഇത് ഒരു ബൗളിലേക്ക് അരിച്ചെടുക്കുക. ഇനി ഒരു ഫ്രൈ പാന്‍ ചൂടാക്കി അതിലേക്ക് ഈ കൂട്ടൊഴിച്ചു കൊടുത്തു ഒന്നു കുറുക്കിയെടുക്കുക. ഏകദേശം നല്ല കട്ടിയോടെ കുറുകിവരുമ്പോള്‍ കുറച്ച് നെയ്യും കൂടെ ചേര്‍ത്ത് തീ ഓഫ് ചെയ്യുക. ഇത് ഒരു സ്റ്റീല്‍ പാത്രത്തിലേക്ക് കുറച്ച് നെയ് തടവി അതിലേക്ക് ഈ കൂട്ട് ഒഴിച്ച് ആവിചെമ്പില്‍ വേവിച്ചെടുക്കുക. കിടിലന്‍ രുചിയില്‍ കേയ്ക്ക് റെഡി.