ഡൽഹി: ഡൽഹിയിലെ കരവാൽ നഗർ പ്രദേശത്ത് ഭാര്യയെയും രണ്ട് പെൺമക്കളെയും കൊലപ്പെടുത്തി ഭർത്താവ്. കരവാൽ നഗറിലെ വീട്ടിൽ വെച്ച് പ്രദീപ് എന്നയാൾ തന്റെ ഭാര്യയെയും അഞ്ചും ഏഴും വയസ്സുള്ള രണ്ട് പെൺമക്കളെയും കൊലപ്പെടുത്തിയതായി ഡൽഹി പോലീസ് അറിയിച്ചു. പ്രതിയായ പ്രദീപ് ഒളിവിലാണ്.

സംഭവം നടന്നത് വെള്ളിയാഴ്ച രാത്രിയിലാണ്. 28-കാരിയായ ഭാര്യ ജയശ്രീയുമായുള്ള ദീർഘകാല വഴക്കുകളാണ് കൊലപാതകത്തിന് കാരണമായതെന്ന് പോലീസ് സംശയിക്കുന്നു.

"രാവിലെ 6 മണിക്കാണ് സംഭവം ശ്രദ്ധയിൽപ്പെട്ടത്. വാതിൽ തുറന്നപ്പോൾ ജയശ്രീയും രണ്ട് പെൺകുട്ടികളും കട്ടിലിൽ മരിച്ച നിലയിൽ കാണപ്പെട്ടു. ദമ്പതികൾക്കിടയിൽ നിരന്തരം വഴക്കുകൾ ഉണ്ടായിരുന്നു," അയൽവാസി പറഞ്ഞതായി എൻഡിടിവി റിപ്പോർട്ട് ചെയ്തു.

കൊലപാതകത്തിന്റെ കൃത്യമായ കാരണങ്ങൾ പോലീസ് അന്വേഷിച്ചു വരികയാണ്. പ്രദീപിനെ പിടികൂടാൻ കേസ് രജിസ്റ്റർ ചെയ്ത് തിരച്ചിൽ ആരംഭിച്ചു. മൂന്ന് മൃതദേഹങ്ങളും പോസ്റ്റ്‌മോർട്ടത്തിനായി ജിടിബി ആശുപത്രിയിലേക്ക് അയച്ചു.

In Delhi's Karawal Nagar, Pradeep allegedly killed his 28-year-old wife, Jayashree, and their two daughters, aged 5 and 7, on Friday night. The accused is absconding, and Delhi Police have launched a manhunt. Ongoing marital disputes are suspected as the motive. The bodies were found on Saturday morning and sent to GTB Hospital for post-mortem.