ന്യൂയോര്‍ക്ക്: പതിനേഴുകാരന്റെ വെടിവെപ്പില്‍ അക്ഷരാര്‍ഥത്തില്‍ നടുങ്ങി ന്യൂയോര്‍ക്ക്. ടൈം സ്‌ക്വയറില്‍ 44ാം സ്ട്രീറ്റിനും, 7ാം അവന്യൂവിനും സമീപമാണ് വെടിവെപ്പുണ്ടായത്. സംഭവത്തില്‍ 3 പേര്‍ക്ക് പരിക്കേറ്റതായാണ് റിപ്പോര്‍ട്ട്. പ്രതിയെ പൊലിസ് പിടികൂടി. ഇയാളെ കുറിച്ച് കൂടുതല്‍ വിവരങ്ങള്‍ ന്യൂയോര്‍ക്ക് പൊലീസ് പുറത്തുവിട്ടിട്ടില്ല.

ശനിയാഴ്ച്ച പുലര്‍ച്ചെ 1.20 ഓടെയാണ് വെടിവെപ്പുണ്ടായത്. 19 വയസുള്ള ഒരു യുവാവുമായുണ്ടായ വാക്കുതര്‍ക്കത്തിനിടെ പതിനേഴുകാരന്‍ വെടിയുതിര്‍ക്കുകയായിരുന്നു. സമീപത്തുണ്ടായിരുന്ന രണ്ട് പുരുഷന്‍മാര്‍ക്കും, ഒരു യുവതിക്കുമാണ് പരിക്കേറ്റത്. ഇവരുടെ ആരോഗ്യ നില ഗുരുതരമല്ലെന്ന് പൊലിസ് അറിയിച്ചു. 

പ്രതി ഉപയോഗിച്ച തോക്ക് സംഭവ സ്ഥലത്ത് നിന്ന് പൊലിസ് കണ്ടെടുത്തു. വെടിവെപ്പിലേക്ക് നയിച്ച കാരണമെന്തെന്ന് വ്യക്തമായിട്ടില്ല. പ്രതിയും പരിക്കേറ്റവരും തമ്മില്‍ മുന്‍ വൈരാഗ്യമുണ്ടോയെന്ന് പൊലിസ് അന്വേഷിക്കുന്നുണ്ട്. സംഭവത്തില്‍ അന്വേഷണം തുടരുകയാണെന്ന് ന്യൂയോര്‍ക്ക് പൊലിസ് ഡിപ്പാര്‍ട്ട്‌മെന്റ് അറിയിച്ചു.

ALSO READ: ധര്‍മ്മസ്ഥലയിലെ കൂട്ടക്കുഴിമാടം ; അന്വേഷണം അട്ടിമറിക്കാന്‍ ശ്രമം; നിര്‍ണായക മേഖലയില്‍ മണ്ണും, മാലിന്യങ്ങളും തള്ളിയതായി കണ്ടെത്തി

A shooting by a 17-year-old near 44th Street and 7th Avenue in New Yorks Times Square injured three people The suspect has been arrested but police have not released further details