ദുബൈ: ദുബൈ മല്ലത്തോണിനിടെ ഓട്ടക്കാരെ ഞെട്ടിച്ച് യൂണിട്രീ ഹ്യുമനോയിഡ് റോബോട്ട്. മിർദിഫ് സിറ്റി സെന്ററിൽ പ്രഭാത ഓട്ടത്തിനിടെ, ഫിറ്റ്നസ് പ്രേമികൾക്കൊപ്പം ഓടിയ ഈ റോബോട്ടിന്റെ വീഡിയോകൾ സോഷ്യൽ മീഡിയയിൽ വൈറലാണ്.

ശനിയാഴ്ച നടന്ന മല്ലത്തോണിൽ, ഹ്യുമനോയിഡ് റോബോട്ടിനൊപ്പം ഒരു റോബോഡോഗും ഓട്ടത്തിൽ പങ്കെടുത്തു. ഓട്ടക്കാർ ഇവരെ പ്രോത്സാഹിപ്പിക്കുകയും സെൽഫികൾ എടുക്കുകയും ചെയ്തു. റോബോട്ട് ആളുകൾക്ക് കൈ കൊടുക്കുന്നതിന്റെയും കൈവീശി അഭിവാദ്യം ചെയ്യുന്നതിന്റെയും ദൃശ്യങ്ങൾ സോഷ്യൽ മീഡിയയിൽ വളരെ പെട്ടെന്നാണ് വൈറലായത്.

ALSO READ: 'പോസ്റ്റ്‌ മാത്രമല്ല കമന്റും, ഓരോ വാക്കും റെക്കോർഡ് ചെയ്യപ്പെടുന്നു': പരിധിവിട്ട സോഷ്യൽ മീഡിയ ഇടപെടൽ ഒരു കോടി രൂപയിൽ അധികം പിഴയ്ക്ക് കാരണം ആകും; മുന്നറിയിപ്പ് ആവർത്തിച്ചു യുഎഇ

യൂണിട്രീ ജി1 ഹ്യുമനോയിഡ് റോബോട്ട് അടുത്തിടെ ദുബൈ ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മക്തൂമിനെ കണ്ടുമുട്ടിയും നഗരത്തിന്റെ തെരുവുകളിലൂടെ ഓടിയും വാർത്തകളിൽ ഇടംനേടിയിരുന്നു. ദുബൈ ഫ്യൂച്ചർ ലാബ്സിന്റെ യൂണിയൻ ഹൗസിൽ നടന്ന തത്സമയ പ്രദർശനത്തിനിടെ, ഈ റോബോട്ട് മജ്ലിസിനുള്ളിൽ കൈവീശുകയും ഓടുകയും ചെയ്തിരുന്നു.

നേരത്തെ, ഇൻസ്റ്റാഗ്രാം ഉപയോക്താവ് നാസിഷ് ഖാൻ പങ്കുവെച്ച വൈറൽ വീഡിയോയിൽ, ദുബൈ റോഡുകളിൽ ഓടുന്ന റോബോട്ടിനെ കാണാമായിരുന്നു. റോബോട്ട് ഒരു റോഡിന് കുറുകെ വേഗത്തിൽ പോകുന്നതും, നടപ്പാതയിൽ നിന്ന് ചുറ്റും നോക്കുന്നതും, പ്ലാറ്റ്ഫോമിലൂടെ ഓടുന്നതും വീഡിയോയിൽ കാണാം.

ദുബൈ മല്ലത്തോൺ: ഫിറ്റ്നസിന്റെ പുതിയ മുഖം

ദുബൈ കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ആരംഭിച്ച ‘ദുബൈ മല്ലത്തോൺ’, മാളുകളെ ഫിറ്റ്നസിന് വേണ്ടി ഉപയോ​ഗിക്കാനുള്ള സംരഭമാണ്. ഓഗസ്റ്റ് മാസത്തിൽ ആരംഭിച്ച ഈ പദ്ധതി, എല്ലാ ദിവസവും രാവിലെ 7 മുതൽ 10 വരെ താമസക്കാർക്കും വിനോദസഞ്ചാരികൾക്കും മാളുകളിൽ നടക്കാനും ഓടാനും അവസരമൊരുക്കുന്നു.

ALSO READ: ദേശാടന പക്ഷികളുടെ പ്രിയ കേന്ദ്രം; പ്രതിവര്‍ഷം 20 ദശലക്ഷം പക്ഷികളെത്തുന്ന യുഎഇയിലെ ആ എമിറേറ്റിത്

ദുബൈ മാൾ, ദുബൈ ഹിൽസ് മാൾ, സിറ്റി സെന്റർ ദൈറ, സിറ്റി സെന്റർ മിർദിഫ്, മാൾ ഓഫ് ദി എമിറേറ്റ്സ്, ദുബൈ മറീന മാൾ, ദി സ്പ്രിംഗ്സ് സൂക്ക് എന്നിവിടങ്ങളിൽ പൂർണസജ്ജമായ പാതകൾ ഓട്ടത്തിനും നടത്തത്തിനും ലഭ്യമാണ്.

മ്യൂസിയം ഓഫ് ദി ഫ്യൂച്ചറിൽ ഉടൻ പ്രദർശനത്തിനെത്തുന്ന ഈ റോബോട്ട്, സന്ദർശകരെ സ്വാഗതം ചെയ്യുകയും നൂതന സാങ്കേതികവിദ്യ പ്രദർശിപ്പിക്കുകയും ചെയ്യും. ദുബൈ മല്ലത്തോണിൽ ഹ്യുമനോയിഡ് റോബോട്ടിന്റെ സാന്നിധ്യം, നഗരത്തിന്റെ സാങ്കേതിക പുരോഗതിയുടെയും ഫിറ്റ്നസ് സംസ്കാരത്തിന്റെയും സമന്വയത്തിന്റെ തെളിവാണ്.

A Unitree humanoid robot stole the show at Dubai’s Mallathon, running alongside fitness enthusiasts and sparking viral videos. Joined by a robodog, the robot engaged runners at Mirdif City Centre, showcasing Dubai’s blend of fitness and cutting-edge technology. Learn more about this futuristic fitness initiative.