ദുബൈ: മദ്യപിച്ച് വാഹനം ഓടിച്ച് അപകടം ഉണ്ടാക്കിയ പ്രവാസിക്ക് 25,000 ദിർഹം പിഴ വിധിച്ച് ദുബൈ കോടതി. ഇയാളുടെ ലൈസൻസ് മൂന്ന് മാസത്തേക്ക് സസ്‌പെന്റ് ചെയ്യുകയും ചെയ്തിട്ടുണ്ട്. മദ്യത്തിന്റെ സ്വാധീനത്തിൽ വാഹനമോടിക്കുക, പൊതു സ്വത്തിന് കേടുപാടുകൾ വരുത്തുക, നിയമപരമായി അനുമതിയില്ലാത്ത സാഹചര്യങ്ങളിൽ മദ്യം കഴിക്കുക എന്നീ മൂന്ന് കുറ്റങ്ങൾ പ്രോസിക്യൂട്ടർമാർ ഇയാൾക്കെതിരെ ചുമത്തിയത്.

ALSO READ: 'പോസ്റ്റ്‌ മാത്രമല്ല കമന്റും, ഓരോ വാക്കും റെക്കോർഡ് ചെയ്യപ്പെടുന്നു': പരിധിവിട്ട സോഷ്യൽ മീഡിയ ഇടപെടൽ ഒരു കോടി രൂപയിൽ അധികം പിഴയ്ക്ക് കാരണം ആകും; മുന്നറിയിപ്പ് ആവർത്തിച്ചു യുഎഇ

കോടതി രേഖകൾ പ്രകാരം, യുവാവ് മദ്യപിച്ച് വാഹനമോടിക്കുന്നതിനിടെ വാഹനത്തിന്റെ നിയന്ത്രണം നഷ്ടപ്പെടുകയായിരുന്നു. ഇതേ തുടർന്ന്, പബ്ലിക് റോഡിലെ ലോഹ തൂണിൽ ഇടിച്ച് തൂണിനും കാറിനും കാര്യമായ കേടുപാടുകൾ സംഭവിക്കുകയായിരുന്നു. ട്രാഫിക് അപകട വിദഗ്ധന്റെ റിപ്പോർട്ടും പ്രതിയുടെ കുറ്റസമ്മതവും അടിസ്ഥാനമാക്കിയാണ് കോടതി വിധി പ്രസ്താവിച്ചത്. കേസിന്റെ സാഹചര്യങ്ങളും പ്രതി കുറ്റം സമ്മതിച്ചതും പരിഗണിച്ച് ജഡ്ജിമാർ ശിക്ഷയിൽ ഇളവ് അനുവദിച്ചു.

"നിയമം ലംഘിച്ച് മദ്യപിച്ച് വാഹനമോടിക്കുന്നത് ഗുരുതരമായ കുറ്റമാണ്. ഇത് പൊതുസുരക്ഷയെ ബാധിക്കുന്ന വിഷയമാണ്," കോടതി വ്യക്തമാക്കി.

An expatriate in Dubai has been fined Dh25,000 by the court for drunk driving and causing a traffic accident, highlighting the UAE’s strict road safety laws.