ദുബൈ: എമിറേറ്റിലെ വിവിധ കോടതികളിലെ 35 പുതിയ ജഡ്ജിമാരുടെ സത്യപ്രതിജ്ഞ യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ അധ്യക്ഷതയില്‍ ദുബൈ യൂണിയന്‍ ഹൗസിലെ അല്‍ മുദൈഫ് മജ്‌ലിസില്‍ നടന്നു.

നീതിയും സമഗ്രതയും ഉയര്‍ത്തിപ്പിടിക്കേണ്ടതിന്റെ പ്രാധാന്യം ഊന്നിപ്പറഞ്ഞ് പുതിയ ജഡ്ജിമാര്‍ക്ക് അവരുടെ ചുമതലകളില്‍ ശൈഖ് മുഹമ്മദ് വിജയം ആശംസിച്ചു. സാമൂഹിക സ്ഥിരത ഉറപ്പാക്കാനും, ജനങ്ങളുടെ അവകാശങ്ങള്‍ സംരക്ഷിക്കാനും സ്വതന്ത്രമായ ജുഡീഷ്യറി അനിവാര്യമാണെന്നും അദ്ദേഹം അഭിപ്രായപ്പെട്ടു. നിയമ വാഴ്ച ഉയര്‍ത്തിപ്പിടിക്കുന്നതിലും, നീതി നടപ്പാക്കുന്നതിലും, ദേശീയ വികസനത്തെ പിന്തുണയ്ക്കുന്നതിലും ജഡ്ജിമാരുടെ പ്രധാന പങ്ക് അദ്ദേഹം എടുത്തുപറഞ്ഞു. നീതി, വിശ്വാസം, സമൃദ്ധി എന്നിവയില്‍ സ്ഥാപിതമായ ഒരു സമൂഹം കെട്ടിപ്പടുക്കാന്‍ ന്യായമായ വിധികള്‍ സഹായിക്കുമെന്ന് ചൂണ്ടിക്കാട്ടിയ ദുബൈ ഭരണാധികാരി, പുതുതായി നിയമിതരായ ജഡ്ജിമാര്‍ തങ്ങളില്‍ അര്‍പ്പിച്ച വിശ്വാസത്തിന് നന്ദി പ്രകടിപ്പിക്കുകയും; നീതിയുടെയും നിയമവാഴ്ചയുടെയും തത്വങ്ങള്‍ ഉയര്‍ത്തിപ്പിടിക്കാനുള്ള പ്രതിബദ്ധത ആവര്‍ത്തിച്ചുറപ്പിക്കുകയും ചെയ്തു.

ദുബൈ റൂളേഴ്‌സ് കോര്‍ട്ട് ഡയരക്ടര്‍ ജനറലും ജുഡീഷ്യല്‍ കൗണ്‍സില്‍ ഡെപ്യൂട്ടി ചെയര്‍മാനുമായ മുഹമ്മദ് ഇബ്രാഹിം അല്‍ ശൈബാനി, ദുബൈ കോര്‍ട്‌സ് ഡയരക്ടര്‍ ജനറല്‍ ഡോ. സൈഫ് ഗാനിം അല്‍ സുവൈദി, ദുബൈ ജുഡീഷ്യല്‍ കൗണ്‍സില്‍ സെക്രട്ടറി ജനറല്‍ ഡോ. അബ്ദുല്ല സെയ്ഫ് അല്‍ സബൂസി എന്നിവര്‍ ചടങ്ങില്‍ പങ്കെടുത്തു.

Sheikh Mohammed bin Rashid Al Maktoum, Vice President and Prime Minister of the UAE and Ruler of Dubai, presided over the swearing-in ceremony of 35 new judges at Dubai Courts. The ceremony took place at Al Mudaif Majlis in Union House in Dubai.