പ്രാതലിന് നമ്മള്‍ മുട്ട റോസ്റ്റ് പലഹാരത്തിനൊപ്പം കഴിക്കാറുണ്ട്. അപ്പമോ വെള്ളയപ്പമോ പത്തിരിയോ എന്താണെങ്കിലും അടുക്കളയിലെ പെട്ടെന്നുണ്ടാക്കാന്‍ പറ്റുന്ന വിഭവമാണ് മുട്ടറോസ്റ്റ്. എന്നാല്‍ ഈ പ്രാവശ്യം വറൈറ്റിയായി അഫ്ഗാന്‍ മുട്ട റോസ്റ്റ് ഒന്നു ട്രൈ ചെയ്താലോ.... 

മുട്ട - 4
സവാള- 1
ഇഞ്ചി - ഒരു കഷണം
വെളുത്തുള്ളി - 5 അല്ലി
പച്ചമുളക്- 3
അണ്ടിപരിപ്പ്-6

ALSO READ: വെറും അഞ്ചു മിനിറ്റ് മതി...! ഇപ്പോഴത്തെ ട്രന്‍ഡി ബ്രഡ് ആന്റ് എഗ് സ്‌നാക്‌സ് റെഡി

മുളകുപൊടി,മഞ്ഞ പൊടി -ഒരു സ്പൂണ്‍
ഗ്രാമ്പു, പട്ട, ഏലയ്ക്ക -2 വീതം
മല്ലിയില- രണ്ട് കപ്പ് 

ഉണ്ടാക്കുന്ന വിധം

ഒരുപാനില്‍ വെളിച്ചെണ്ണ ഒഴിച്ച് അതിലേക്ക് സവാള ഇട്ട് വഴറ്റുക. ശേഷം ഇഞ്ചിയും വെളുത്തുള്ളിയും പച്ചമുളകും അണ്ടിപ്പരിപ്പും ചേര്‍ത്ത് വഴറ്റിയെടുക്കുക. ഇത് ഒന്നു തണുത്ത ശേഷം മിക്‌സിയുടെ ജാറിലേക്കിട്ട് നന്നായി അടിച്ചെടുക്കുക. ഇതിലേക്ക് കുറച്ചധികം മല്ലിയിലയും കൂടെ ചേര്‍ത്ത് നന്നായി അരച്ചെടുക്കുക. 

ഒരു ഫ്രൈ പാന്‍ ചൂടാക്കി അതിലേക്ക് കുറച്ച് എണ്ണ ഒഴിച്ച് പുഴുങ്ങിയ മുട്ട വരയിട്ടതിനു ശേഷം ഒന്നു ഫ്രൈ ചെയ്‌തെടുത്ത് മാറ്റി വയ്ക്കുക. ഇതേ പാനിലേക്ക് പാന്‍ ചൂടാക്കി അതിലേക്ക് കുറച്ച് വെളിച്ചെണ്ണ ഒഴിച്ച് ഇത്തിരി മുളകു പൊടിയും മഞ്ഞപൊടിയും ഇട്ട് വഴറ്റിയെടുക്കുക. ഇനി ഇതിലേക്ക് കുറച്ചുകൂടെ എണ്ണ ഒഴിച്ച് അതിലേക്ക് ഏലയ്ക്കാ, ഗ്രാമ്പു, പട്ട എന്നിവ ചേര്‍ക്കുക. ഒന്നുകൂടെ വഴറ്റിയതിനു ശേഷം അരച്ചുവച്ച അരപ്പ് ഇതിലേക്ക് ചേര്‍ക്കുക.

നന്നായി വഴറ്റുക. ഇതിലേക്ക് കുറച്ചു മഞ്ഞപൊടിയും പെപ്പര്‍ പൊടിയും ഗരം മസാലയും ചേര്‍ത്തു ചെറിയ തീയില്‍ വീണ്ടു വഴറ്റി അതിലേക്ക് മുട്ട കൂടെ ചേര്‍ത്ത് കുറച്ചു വെള്ളം ഒഴിച്ച് അടച്ചുവച്ച് 4 മിനിറ്റ് കൂടെ ചെറിയ തീയില്‍ ഒന്നു വേവിക്കുക.  ഫ്രഷ് ക്രീം ഉണ്ടെങ്കില്‍ അതും ചേര്‍ത്തു കൊടുക്കാം. മുകളില്‍ മല്ലയില വിതറി തീ ഓഫ് ചെയ്യുക. സൂപ്പര്‍ ടേസിറ്റില്‍ അഫ്ഗാന്‍ എഗ് റോസ്റ്റ് റെഡി.

We often enjoy egg roast with typical Kerala breakfast dishes like appam, vellayappam, or pathiri. It's a quick and easy dish that fits right into our morning routine.