തിരുവനന്തപുരം: ഉത്സവ സീസണുകളില്‍ ട്രെയിനുകളില്‍ യാത്ര ചെയ്യുന്നവര്‍ക്ക് പ്രത്യേക മുന്നറിയിപ്പ് നല്‍കി ദക്ഷിണ റെയില്‍വേ. ട്രെയിനുകളില്‍ കൃത്യമായ ടിക്കറ്റ് നിയമങ്ങള്‍ പാലിച്ചു കൊണ്ട് യാത്ര ചെയ്യുന്നതിനെക്കുറിച്ച്് യാത്രക്കാരില്‍ അവബോധം സൃഷ്ടിക്കുന്നതിനുവേണ്ടിയാണ് പ്രത്യേക ടിക്കറ്റ് പരിശോധന ഡ്രൈവ് നടത്തുന്നത്. 

14.08.25 മുതലാണ് കടുത്ത ടിക്കറ്റ് പരിശോധന നടത്തുക. ടിക്കറ്റ് പരിശോധന കാര്യക്ഷമമായി ഉണ്ടാകുക താഴെപ്പറയുന്ന സാഹചര്യങ്ങളില്‍ ആണ്. സാധുവായ ടിക്കറ്റ് ഉള്ള യാത്രക്കാരെ പരിശോധിച്ച ശേഷമേ ബോര്‍ഡ് ചെയ്യാന്‍ അനുവദിക്കൂ.

തിരക്കുള്ള റെയില്‍വേ സ്റ്റേഷനുകളില്‍ ഇത് ഉറപ്പാക്കുകയും ചെയ്യും. ടിക്കറ്റ് എടുക്കാതെ ഒരുമിച്ച് യാത്രക്കാര്‍ കയറാന്‍ സാധ്യതയുള്ള സ്റ്റേഷനുകള്‍, തിരക്കേറിയ റൂട്ടുകള്‍ എന്നിവിടങ്ങളിലും കനത്ത പരിശോധനയുണ്ടാകും.

ഡോ. എം.ജി.ആര്‍ ചെന്നൈ സെന്‍ട്രല്‍, ചെന്നൈ എഗ്മോര്‍, താംബരം, തിരുവനന്തപുരം സെന്‍ട്രല്‍, മംഗളൂരു സെന്‍ട്രല്‍, കോയമ്പത്തൂര്‍ ജങ്ഷന്‍, പാലക്കാട് ജങ്ഷന്‍, മധുര ജങ്ഷന്‍ മുതലായ സ്റ്റേഷനുകളിലാണ് പ്രധാനമായി പരിശോധനയുണ്ടാകുക.

റെയില്‍വേ സംരക്ഷണ സേനയോടൊപ്പം (ആര്‍പിഎഫ്) ഡിവിഷനുകളില്‍ നിന്നുള്ള പ്രത്യേക സ്‌ക്വാഡുകളും ടിക്കറ്റ് പരിശോധന ചെയ്യുന്ന ജീവനക്കാരെയുമാണ് ഡ്രൈവിനായി നിയോഗിച്ചിട്ടുള്ളത്.

നിയമം പാലിക്കാതെ യാത്ര ചെയ്യുന്നവരെ റെയില്‍വേ നിയമ വ്യവസ്ഥകള്‍ക്കനുസൃതമായി കര്‍ശനമായി നേരിടുമെന്നും ദക്ഷിണ റെയില്‍വേ അറിയിച്ചിട്ടുണ്ട്. ഓരോ കേസിന്റെയും സാഹചര്യങ്ങള്‍ക്കനുസരിച്ച് അത്തരം യാത്രക്കാരെ സ്റ്റേഷന്‍ പരിസരത്ത് നിന്ന് ഇറക്കിവിടുകയോ പുറത്താക്കുകയോ ശിക്ഷിക്കുകയോ കേസെടുക്കുകയോ ചെയ്യും.

ALSO READ: കൊയിലാണ്ടി തോരായിക്കടവ് പാലം തകർന്നു വീണ സംഭവം: മുൻവിധിയോടെ ഒന്നും പറയുന്നില്ല; വീഴ്ചയുണ്ടായാൽ കർശന നടപടിയെന്ന് മന്ത്രി മുഹമ്മദ് റിയാസ്

പ്രത്യേക ടിക്കറ്റ് പരിശോധനാ ഡ്രൈവ് കോച്ചുകളിലെ തിരക്ക് കുറയ്ക്കുന്നതിനും സുരക്ഷിതവും കൂടുതല്‍ സുഖകരവുമായ യാത്രാനുഭവം ഉറപ്പാക്കുന്നതിനും സഹായിക്കുമെന്നും റെയില്‍വേ പറയുന്നു.

Southern Railway has issued a special advisory for passengers during the festival season, announcing a strict ticket inspection drive from 14 August 2025. The initiative aims to raise awareness about proper ticket rules and ensure only passengers with valid tickets are allowed to board.