പത്തനംതിട്ട: സംസ്ഥാനത്ത് കൊടും കുറ്റവാളികള്‍ക്ക് സംരക്ഷണം ലഭിക്കുന്നുവെന്ന് സിപിഐയുടെ രാഷ്ട്രീയ റിപോര്‍ട്ട്. സിപിഐ പത്തനംതിട്ട ജില്ലാ സമ്മേളനത്തിലെ രാഷ്ട്രീയ റിപോര്‍ട്ടിലാണ് സര്‍ക്കാരിനെതിരായ ഈ വിമര്‍ശനം. കൊടി സുനിയെ പോലെയുള്ളവര്‍ക്ക് ജയില്‍ വിശ്രമകേന്ദ്രം പോലെയാണെന്നും കാപ്പാ - പോക്‌സോ പ്രതികള്‍ക്ക് രാഷ്ട്രീയ സ്വീകരണം കിട്ടുന്നുവെന്നും റിപോര്‍ട്ടില്‍ വിമര്‍ശിക്കുന്നുണ്ട്.

പൊലിസുകാര്‍ അമിതാധികാരം ഉപയോഗിക്കുന്നുവെന്നും എഡിജിപി അജിത് കുമാറിനെ പോലെയുള്ളവര്‍ മന്ത്രിമാരെ പോലും അംഗീകരിക്കുന്നില്ലെന്നും റിപോര്‍ട്ട് വിമര്‍ശിക്കുന്നു. 

വിവിധ സര്‍ക്കാര്‍ വകുപ്പുകളില്‍ കുടുംബശ്രീ അംഗങ്ങളെ തിരുകി കയറ്റുകയാണെന്നും ഇത് പിഎസ്സിയെയും എംപ്ലോയ്‌മെന്റ് എക്‌സ്‌ചേഞ്ചിനെയും നോക്കുകുത്തിയാക്കുകയാണെന്നും മൃഗസംരക്ഷണ വകുപ്പ് പ്രവര്‍ത്തനം തൃപ്തികരമല്ലെന്നുമൊക്കെ രാഷ്ട്രീയ റിപോര്‍ട്ടില്‍ വിമര്‍ശിക്കുന്നുണ്ട്.