2026 ഐപിഎല്ലിൽ രാജസ്ഥാൻ റോയൽസിൽ നിന്നും സഞ്ജു സാംസൺ മറ്റൊരു ടീമിലേക്ക് പോവുമെന്ന വാർത്തകളാണ് ഇപ്പോൾ ക്രിക്കറ്റ് ആരാധകർക്കിടയിൽ നിലനിൽക്കുന്നത്. രാജസ്ഥാൻ വിടാൻ സഞ്ജു സാംസൺ താത്പര്യം പ്രകടപ്പിച്ചുവെന്നാണ് ക്രിക് ബസ് റിപ്പോർട്ട് ചെയ്തത്. സഞ്ജു രാജസ്ഥാനിൽ തുടരുമെന്ന വാർത്തകൾ കഴിഞ്ഞ ദിവസങ്ങളിൽ പുറത്തുവന്നിരുന്നു. ഇതിന് പിന്നാലെയാണ് തന്നെ ലേലത്തിൽ വിടാൻ രാജസ്ഥനോട് സഞ്ജു ആവശ്യപ്പെട്ടുവെന്ന വാർത്ത പുറത്തു വന്നത്. 

ഇപ്പോൾ സഞ്ജു സാംസൺ രാജസ്ഥാൻ റോയൽസ് വിടാനുള്ള കാരണത്തെക്കുറിച്ച് സംസാരിക്കുകയാണ് മുൻ ഇന്ത്യൻ താരം സുബ്രമണ്യം ബദരീനാഥ്. റിയാൻ പരാഗ് കാരണമാണ് സഞ്ജു രാജസ്ഥാൻ വിടുന്നതെന്നാണ് മുൻ ഇന്ത്യൻ താരം പറഞ്ഞത്. തന്റെ യുട്യൂബ് ചാനലിൽ സംസാരിക്കുകയായിരുന്നു ബദരീനാഥ്. 

''സഞ്ജു രാജസ്ഥാൻ വിടാൻ റിയാൻ പരാഗാണ് കാരണമെന്നാണ് എനിക്ക് തോന്നുന്നത്. അദ്ദേഹത്തെ ക്യാപ്റ്റൻസിയിലേക്ക് പരിഗണിക്കുമ്പോൾ സാംസണെ പോലുള്ള ഒരാൾ ടീമിൽ എങ്ങനെ തുടരുമെന്ന് പ്രതീക്ഷിക്കാനാവും. സഞ്ജു സാംസൺ സിഎസ്കെയിലേക്ക് വന്നാൽ എംഎസ് ധോണിക്ക് പകരക്കാരനായി സഞ്ജു മാറിയേക്കാം. ബാറ്റിംഗ് ഓർഡറിൽ ആദ്യ മൂന്നോ നാലോ നമ്പർ സ്ഥാനങ്ങളിൽ ബാറ്റ് ചെയ്യാൻ കഴിയുന്ന ഒരു താരമാണ് സഞ്ജു. പ്ലെയിങ് ഇലവനിൽ അഞ്ചോ ആറോ നമ്പർ സ്ഥാനങ്ങളിൽ ബാറ്റ് ചെയ്യാൻ കഴിയുന്ന ഒരു താരമല്ല സഞ്ജു. ആ സ്ഥാനങ്ങളിൽ ചെന്നൈക്ക് മികച്ച താരങ്ങളുണ്ട്. ഗെയ്ക്വാദ്, മാത്രെ, ബ്രെവിസ് എന്നിവർ സ്ഥിരതയുള്ളവരാണ്'' ബദരീനാഥ് പറഞ്ഞു. 

2025 ഐപിഎല്ലിൽ സീസണിൽ രാജസ്ഥാൻ റോയൽസ് നിരാശാജനകമായ പ്രകടനമാണ്‌ പുറത്തെടുത്തത്. എട്ട് പോയിന്റുമായി ഒമ്പതാം സ്ഥാനത്താണ് രാജസ്ഥാൻ ഫിനിഷ് ചെയ്‌തത്. പരുക്കേറ്റതിന് പിന്നാലെ സഞ്ജുവിന് രാജസ്ഥാനൊപ്പമുള്ള ധാരാളം മത്സരങ്ങൾ നഷ്ടമായിരുന്നു.  ഡൽഹി ക്യാപ്പിറ്റൽസിനെതിരായ മത്സരത്തിൽ പരുക്കേറ്റ് സഞ്ജു പുറത്തായിരുന്നു. മത്സരത്തിൽ റിട്ടയേർഡ് ഹർട്ടായാണ് സഞ്ജു മടങ്ങിയത്.

സഞ്ജുവിന്റെ അഭാവത്തിൽ റിയാൻ പരാഗ് ആയിരുന്നു പല മത്സരങ്ങളിലും രാജസ്ഥാനെ നയിച്ചിരുന്നത്. രാജസ്ഥാന്റെ ക്യാപ്റ്റനായി പരാഗ് ഈ സീസണിൽ കളത്തിൽ ഇറങ്ങിയതോടെ ഒരു തകർപ്പൻ റെക്കോർഡും താരം സ്വന്തമാക്കിയിരുന്നു. രാജസ്ഥാൻ റോയൽസിനെ നയിക്കുന്ന ഏറ്റവും പ്രായം കുറഞ്ഞ ക്യാപ്റ്റനായാണ് പരാഗ് മാറിയത്. തന്റെ 23ാം വയസിലാണ് പരാഗ് ഈ നേട്ടം സ്വന്തമാക്കിയിരിക്കുന്നത്. 24ാം വയസിൽ രാജസ്ഥാന്റെ ക്യാപ്റ്റനായ ഓസ്‌ട്രേലിയൻ ഇതിഹാസം സ്റ്റീവ് സ്മിത്തിനെ മറികടന്നാണ് പരാഗ് ഈ നേട്ടം കൈവരിച്ചത്.

Former Indian player Subramaniam Badrinath is talking about the reason behind Sanju Samson leaving Rajasthan Royals The former Indian player said that Sanju is leaving Rajasthan because of Riyan Parag