വാഷിങ്ടൺ: റഷ്യൻ എണ്ണ ഇറക്കുമതി തുടർന്നാൽ ഇന്ത്യക്കെതിരേ അധിക തീരുവ ചുമത്തുമെന്ന ഭീഷണിയുമായി യു.എസ്. ട്രഷറി സെക്രട്ടറി സ്കോട്ട് ബെസറ്റ് രംഗത്ത്. അലാസ്കയിൽ നടക്കുന്ന യു.എസ് പ്രസിഡന്റ് ഡൊണാൾഡ് ട്രംപും റഷ്യൻ പ്രസിഡന്റ് വ്ളാദ്മിർ പുടിനും തമ്മിലുള്ള ചർച്ചയുടെ ഫലമനുസരിച്ചായിരിക്കും ഈ തീരുമാനമെന്ന് അദ്ദേഹം വ്യക്തമാക്കി.

ബ്ലൂംബർഗ് ടി.വിക്ക് നൽകിയ അഭിമുഖത്തിൽ, കാര്യങ്ങൾ അനുകൂലമായി മുന്നോട്ടുപോകാത്ത പക്ഷം ഉപരോധങ്ങളോ അധിക തീരുവകളോ ഏർപ്പെടുത്തുമെന്ന് സ്കോട്ട് വ്യക്തമാക്കി. നിലവിൽ, റഷ്യൻ ആയുധങ്ങളും എണ്ണയും വാങ്ങുന്നതിന് യു.എസ് ഇന്ത്യക്കെതിരേ 25% അധിക തീരുവ ചുമത്തിയിരുന്നു. കൂടാതെ, ഈ മാസം ആദ്യം ട്രംപ് ഭരണകൂടം പിഴയായി 25% തീരുവ കൂടി ഏർപ്പെടുത്തിയതോടെ, ഇന്ത്യയിൽ നിന്നുള്ള യു.എസിലേക്കുള്ള കയറ്റുമതി ഭാഗികമായി നിലച്ചിരിക്കുകയാണ്.

ALSO READ: ബംഗാളി മുസ്‌ലിംകളെ തടവിലാക്കൽ: കേന്ദ്രത്തിനും 9 സംസ്ഥാനങ്ങൾക്കും സുപ്രിംകോടതി നോട്ടിസ്

ഉക്രൈൻ യുദ്ധത്തെ തുടർന്ന് സാമ്പത്തിക പ്രതിസന്ധിയിലായ റഷ്യ, കുറഞ്ഞ വിലയ്ക്കാണ് ഇന്ത്യക്ക് എണ്ണ വിൽക്കുന്നത്. യൂറോപ്യൻ രാജ്യങ്ങളും യു.എസും ഉപരോധം ഏർപ്പെടുത്തിയ സാഹചര്യത്തിലാണ് ഈ നീക്കം. ഇന്ത്യയും ചൈനയുമാണ് റഷ്യൻ, ഇറാനിയൻ എണ്ണയുടെ പ്രധാന ഇറക്കുമതിക്കാർ. ഇന്ത്യൻ കമ്പനികൾ വൻതോതിൽ റഷ്യൻ എണ്ണ വാങ്ങുന്നത് റഷ്യക്ക് ഡോളർ ലഭിക്കാനും ഉക്രൈനെതിരേ ആയുധങ്ങൾ വാങ്ങി ഉപയോഗിക്കാനും സഹായിക്കുന്നുവെന്നാണ് യു.എസിന്റെ ആരോപണം. എന്നാൽ, രാജ്യതാൽപര്യം മുൻനിർത്തി ഏത് രാജ്യത്തുനിന്നും എണ്ണ വാങ്ങുമെന്നാണ് ഇന്ത്യയുടെ ഉറച്ച നിലപാട്.

ALSO READ: ഗാന്ധിജിയെ കൊന്ന ഗോഡ്‌സെ കൊടിയ തീവ്രവാദി: ഉമാ ഭാരതി

റഷ്യക്കുള്ള ഉപരോധങ്ങളിൽ യു.എസിന്റെ ഇളവ് 

റഷ്യ അടുത്തിടെ വില കുറച്ച് എണ്ണ വിതരണം ചെയ്യാമെന്ന് അറിയിച്ചിരുന്നു. കഴിഞ്ഞ വർഷം ഇന്ത്യ ഇറക്കുമതി ചെയ്ത എണ്ണയുടെ 40% റഷ്യയിൽ നിന്നായിരുന്നു, 2021ൽ ഇത് 3% മാത്രമായിരുന്നു. ട്രംപ് ഭരണകൂടം പിഴയായി ചുമത്തിയ 25% അധിക തീരുവ ഈ മാസം 27 മുതൽ പ്രാബല്യത്തിൽ വരും.

റഷ്യൻ പ്രസിഡന്റ് വ്ളാദ്മിർ പുടിനുമായി യു.എസ് പ്രസിഡന്റ് ഡൊണാൾഡ് ട്രംപ് ഇന്ന് അലാസ്കയിൽ നടത്തുന്ന നിർണായക കൂടിക്കാഴ്ചയ്ക്ക് മുന്നോടിയായി, റഷ്യക്കുമേൽ ഏർപ്പെടുത്തിയ ഉപരോധങ്ങളിൽ യു.എസ് നേരിയ ഇളവ് വരുത്തി. യു.എസ് ട്രഷറി വകുപ്പിന്റെ വിദേശ ആസ്തി നിയന്ത്രണ വിഭാഗമാണ് താൽക്കാലിക ഇളവ് അനുവദിച്ചത്.

ALSO READ: ജമ്മു കശ്മീരിൽ മേഘവിസ്ഫോടനവും മിന്നൽ പ്രളയവും: രണ്ട് സൈനികർ ഉൾപ്പെടെ 46 മരണം

ഈ കൂടിക്കാഴ്ചയിൽ യൂറോപ്യൻ യൂനിയനെയും ഉക്രൈൻ പ്രസിഡന്റ് വൊളോദിമിർ സെലൻസ്കിയെയും ഒഴിവാക്കിയത് പ്രതിഷേധത്തിന് കാരണമായി. ഉക്രൈന്റെ പരമാധികാരത്തെ വെല്ലുവിളിക്കുന്ന തീരുമാനങ്ങൾ അടിച്ചേൽപ്പിക്കില്ലെന്നാണ് സെലൻസ്കിയുടെയും യൂറോപ്യൻ നേതാക്കളുടെയും നിലപാട്. ഉക്രൈന്റെ ചില പ്രദേശങ്ങൾ റഷ്യക്ക് കൈമാറി വെടിനിർത്തൽ നടപ്പാക്കാനാണ് ട്രംപ് ശ്രമിക്കുന്നതെന്നാണ് സൂചന.

The U.S. has threatened to impose additional tariffs on India for continuing to purchase Russian oil, with U.S. Treasury Secretary Scott Besrest stating that the decision depends on the outcome of talks between Presidents Trump and Putin in Alaska. The U.S. has already imposed a 50% tariff on Indian exports, impacting trade.