ആലപ്പുഴ: ആലപ്പുഴ-ധൻബാദ് എക്സ്പ്രസ് ട്രെയിനിന്റെ ശുചിമുറിയിലെ വേസ്റ്റ് ബിന്നിൽ ഗർഭസ്ഥ ശിശുവിന്റെ മൃതദേഹം ഉപേക്ഷിക്കപ്പെട്ട നിലയിൽ കണ്ടെത്തിയ സംഭവത്തിൽ റെയിൽവെ പൊലിസ് അന്വേഷണം ഊർജിതമാക്കി. ട്രെയിനിന്റെ എസ് 4 കോച്ചിലെ സീറ്റിൽ രക്തക്കറ കണ്ടെത്തി. എസ് 4 കോച്ചിലെ സീറ്റിൽ രണ്ടിടങ്ങളിലായാണ് രക്തക്കറ കണ്ടെത്തിയിട്ടുള്ളത്. ഈ രക്തക്കറ കുഞ്ഞിന്റേതാണോയെന്ന് സ്ഥിരീകരിക്കാൻ വിശദ പരിശോധന നടക്കും. കുഞ്ഞിന്റേതാണോയെന്ന് ഉറപ്പുവരുത്താൻ ഡിഎൻഎ ടെസ്റ്റും നടത്തും. എസ് 3, എസ് 4 കോച്ചുകളിലെ യാത്രക്കാരുടെ വിവരങ്ങൾ ശേഖരിക്കുന്നതിനൊപ്പം, ഇവരുടെ മൊഴികളും രേഖപ്പെടുത്താനാണ് പൊലിസിന്റെ തീരുമാനം. 

കഴിഞ്ഞ ദിവസം രാത്രി ധൻബാദിൽ നിന്ന് ആലപ്പുഴ റെയിൽവെ സ്റ്റേഷനിൽ ട്രെയിൻ എത്തിയപ്പോഴാണ് ജീവനക്കാരുടെ ശ്രദ്ധയിൽപ്പെടുന്നത്.  ആർപിഎഫ് നടത്തിയ പരിശോധനയിൽ എസ് 3 കോച്ചിലെ ശുചിമുറിയിൽ നിന്നാണ് ഭ്രൂണം കണ്ടെത്തിയത്. ഏകദേശം നാല് മാസം വളർച്ചയുള്ള ഭ്രൂണമാണ് ഉപേക്ഷിക്കപ്പെട്ടതെന്ന് പ്രാഥമിക നിഗമനം. ഭ്രൂണം ഉപേക്ഷിക്കപ്പെട്ടത് ആലുവയ്ക്കും ആലപ്പുഴയ്ക്കും ഇടയിലാണെന്നാണ് പൊലീസിന്റെ പ്രാഥമിക നിഗമനം. ഇതിന്റെ ഭാഗമായി, ആലുവ-ആലപ്പുഴ റൂട്ടിലെ ആശുപത്രികളിൽ പൊലീസ് പരിശോധന നടത്തിവരികയാണ്.

ALSO READ: ഇലക്ട്രിക് കാർ വാങ്ങുന്നുണ്ടോ? 4 ലക്ഷം രൂപ വരെ ഓഫറുമായി എംജി

യാത്രക്കാരുടെ, പ്രത്യേകിച്ച് സ്ത്രീ യാത്രക്കാരുടെ, മൊഴികൾ പ്രത്യേകം രേഖപ്പെടുത്തും. ട്രെയിനിലെ ജീവനക്കാരിൽ നിന്ന് മൊഴിയെടുത്തെങ്കിലും നിർണായക സൂചനകൾ ലഭിച്ചിട്ടില്ല.

A newborn's body was found in the waste bin of the S3 coach toilet of the Alappuzha-Dhanbad Express. Blood stains were detected on a seat in the S4 coach. Police have intensified their investigation, collecting details of passengers from both coaches and planning to record statements, particularly from female passengers.