തിരുവനന്തപുരം: സംസ്ഥാനത്തെ അതീവ സുരക്ഷയുള്ള സെൻട്രൽ ജയിലുകളിൽ ഒന്നായ പൂജപ്പുര ജയിൽ ക്യാന്റീനിൽ മോഷണം. നാല് ലക്ഷം രൂപ നഷ്ടപ്പെട്ടതായാണ് പ്രാഥമിക നിഗമനം. പൂജപ്പുരയിൽ നിന്ന് ജഗതി ഭാഗത്തേക്കുള്ള റോഡരികിലായി പ്രവർത്തിക്കുന്ന കഫറ്റീരിയയിലാണ് മോഷണം നടന്നത്. ഏത് സമയവും പൊലിസ് ഉണ്ടാകുന്ന ഇടത്താണ് മോഷണം നടന്നത്.

ഇന്നലെയാണ് മോഷണം നടന്നത്. പണം സൂക്ഷിച്ച ഓഫീസിന്റെ താക്കോൽ സൂക്ഷിച്ചിരുന്ന ചില്ല് കൂട് തകർത്തതിന് ശേഷം താക്കോലെടുത്ത് റൂമിൽ കയറി പണം കവരുകയായിരുന്നു. സംഭവത്തിൽ പൊലിസ് അന്വേഷണം ആരംഭിച്ചിട്ടുണ്ട്. ഏറെ സുരക്ഷാമേഖലയിലുള്ള പ്രദേശത്ത് മോഷണം നടന്നതിന്റെ ഞെട്ടലിലാണ് പൊലിസ്.

ALSO READ: ജയിൽ അധികൃതരുടെ മൂക്കിൻ തുമ്പത്തുകൂടെ ഗോവിന്ദച്ചാമി നടന്നുപോകുന്നു; ജയിലിന് മുന്നിലൂടെ നടന്നുപോകുന്ന ദൃശ്യങ്ങൾ പുറത്ത്

അതേസമയം, മോഷണത്തിന് പിന്നിൽ തടവുകാരായ മുൻ ജീവനക്കാരനാണെന്നാണ് സംശയം. സ്ഥലത്തെക്കുറിച്ച് ധാരണയുള്ളവരാണ് മോഷണം നടത്തിയത് എന്നാണ് പൊലിസ് നിഗമനം. കാന്റീനിലെ സിസിടിവികൾ പ്രവർത്തിക്കുന്നില്ലെന്ന് പൊലിസ് വ്യക്തമാക്കി.

ALSO READ: കണ്ണൂർ സെൻട്രൽ ജയിലിൽ സുരക്ഷാ വീഴ്ച: ലഹരിവസ്തുക്കളും മൊബൈൽ ഫോണും സുലഭം

ഏറെ സുരക്ഷയുള്ള മേഖകലകളിൽ തുടർച്ചായി ഉണ്ടാകുന്ന വീഴ്ചകൾ പൊലിസിന്റെ കെടുകാര്യസ്ഥതയ്ക്ക് തെളിവായി മാറുകയാണ്. ആഴ്ചകൾക്ക് മുൻപാണ് കണ്ണൂർ സെൻട്രൽ ജയിലിൽ നിന്ന് കുപ്രസിദ്ധ കുറ്റവാളി ഗോവിന്ദച്ചാമി ജയിൽ ചാടിയത്.

A theft has been reported at the canteen of Poojappura Central Jail, one of Kerala’s high-security prisons. Around ₹4 lakh is suspected to be missing. The incident occurred at the cafeteria near the Poojappura–Jagathy road, an area usually under constant police presence.