തൊടുപുഴ: കൃഷി വകുപ്പിന്റെ കീഴിലുള്ള അഗ്രിക്കള്‍ച്ചറല്‍ ടെക്‌നോളജി മാനേജ്‌മെന്റ് ഏജന്‍സിയില്‍ ജില്ലാതല ടെക്‌നോളജി മാനേജര്‍മാരെ കരാര്‍ അടിസ്ഥാനത്തില്‍ നിയമിക്കുന്നതിനായി 23ന് രാവിലെ 11 മണിക്ക് തൊടുപുഴ മിനി സിവില്‍ സ്റ്റേഷനിലുള്ള പ്രിന്‍സിപ്പല്‍ കൃഷി ഓഫീസില്‍ വാക്ക് ഇന്‍ ഇന്റര്‍വ്യു നടത്തുന്നു. അഗ്രിക്കള്‍ച്ചര്‍, ഡയറി, വെറ്റിനറി, ഫിഷറീസ് മേഖലകളിലുള്ള ബിരുദമാണ് അടിസ്ഥാന യോഗ്യത. ബിരുദാനന്തര ബിരുദധാരികള്‍ക്ക് മുന്‍ഗണനയുണ്ട്. ശമ്പളം 25,000 രൂപ. നിശ്ചിത യോഗ്യതയുള്ള ഉദ്യോഗാര്‍ത്ഥികള്‍ ബയോഡേറ്റയും അസ്സല്‍ സര്‍ട്ടിഫിക്കറ്റുകളും സഹിതം ഹാജരാകണം. വിശദ വിവരങ്ങള്‍ തൊടുപുഴ പ്രിന്‍സിപ്പല്‍ കൃഷി ഓഫീസിലെ ആത്മ സെക്ഷനില്‍ നിന്നും ലഭിക്കും. ഫോണ്‍ 04862 228188.