ഹോങ്കോങ്: സഊദി സൂപ്പർ കപ്പ് ഫൈനലിലേക്ക് മുന്നേറി അൽ നസർ. സെമി ഫൈനലിൽ നിലവിലെ സഊദി പ്രൊ ലീഗ് ചാമ്പ്യന്മാരെ തകർത്താണ് അൽ ഇത്തിഹാദിനെ തകർത്താണ് അൽ നസർ ഫൈനൽ പോരാട്ടത്തിന് യോഗ്യത നേടിയത്. ഹോങ്കോങ്ങിൽ നടന്ന മത്സരത്തിൽ ഒന്നിനെതിരെ രണ്ട് ഗോളുകൾക്കായിരുന്നു അൽ നസറിൻ്റെ വിജയം.

മത്സരത്തിൽ 4-4-1-1 എന്ന ഫോർമേഷനിൽ ആണ് അൽ നസർ കളത്തിൽ ഇറങ്ങിയത്. മറുഭാഗത്ത് 4-4-2 എന്ന ശൈലിയിലായിരുന്നു അൽ ഇത്തിഹാദ് പിന്തുടർന്നത്. മത്സരം തുടങ്ങി പത്താം മിനിറ്റിൽ തന്നെ സാദിയോ മാനെയിലൂടെ അൽ നസർ ലീഡ് നേടുകയായിരുന്നു. എന്നാൽ ആറ് മിനിറ്റുകൾക്ക് ശേഷം സ്റ്റീവൻ ബെർഗ്വിജിനിലൂടെ അൽ ഇത്തിഹാദ് സമനില ഗോൾ നേടുകയായിരുന്നു. മത്സരത്തിൽ 25ാം മിനിറ്റിൽ അൽ നസറിനായി ആദ്യ ഗോൾ നേടിയ സാദിയോ മാനെ ചുവപ്പു കാർഡ് കണ്ടു പുറത്തായി.

ബാക്കിയുള്ള നിമിഷങ്ങളിൽ 10 പേരുമായാണ് അൽ നസർ പന്തു തട്ടിയത്. മത്സരത്തിൻ്റെ രണ്ടാം പകുതിയിൽ പോർച്ചുഗീസ് സൂപ്പർതാരം ജാവോ ഫെലിക്സിന്റെ ഗോളിലൂടെ അൽ നസർ വിജയം നേടുകയായിരുന്നു സമനില ഗോളിനായി ഇത്തിഹാദ് മികച്ച മുന്നേറ്റം നടത്തിയെങ്കിലും അൽ നസർ പ്രതിരോധം മികച്ചു നിന്നു.

നാളെ നടക്കുന്ന രണ്ടാം സെമിഫൈനലിൽ അൽ ഖാദിസിയ എഫ്സിയും അൽ അഹ്ലി എഫ്‌സിയുമാണ് ഏറ്റുമുട്ടുന്നത്. ഈ മത്സരത്തിലെ വിജയികളെയാണ് സൗദി സൂപ്പർ കപ്പിന്റെ ഫൈനൽ പോരാട്ടത്തിൽ അൽ നസർ നേരിടുക. ഓഗസ്റ്റ് 23നാണ് കിരീടപ്പോരാട്ടം നടക്കുന്നത്. 

Al Nasr advanced to the Saudi Super Cup final Al Nasr qualified for the final by defeating the reigning Saudi Pro League champions Al Ittihad in the semi-finals. Al Nasr won the match in Hong Kong by two goals to one.