ന്യൂഡല്‍ഹി: പാര്‍ലമെന്റിന്റെ വര്‍ഷകാല സമ്മേളനത്തിന് ഇന്ന് സമാപനം. ഒരു മാസം നീണ്ടു നിന്ന സമ്മേളനമാണ് ഇന്ന് പൂര്‍ത്തിയാകുന്നത്. ബിഹാറിലെ വോട്ടര്‍ പട്ടികാ പരിഷ്‌കരണം മുതല്‍ ഇന്നലത്തെ ലോക്‌സഭാ അവതരിപ്പിച്ച ഭരണഘടനാ ഭേദഗതി ബില്ല് വരെയുള്ള വിഷയങ്ങളില്‍ ശക്തമായ പ്രതിപക്ഷ പ്രതിഷേധമാണ് സമ്മേളനത്തില്‍ നടന്നത്. ഇന്നും സഭയില്‍ പ്രതിഷേധം തുടരാനാണ് പ്രതിപക്ഷത്തിന്റെ തീരുമാനം. 30 ദിവസം തടവിലായാല്‍ മന്ത്രിസ്ഥാനം നഷ്ടമാകുന്ന ഭരണഘടനാ ഭേദഗതി ബില്ലാണ് ജെപിസിക്ക് വിട്ടിരിക്കുന്നത്.

ബില്ലിനെതിരേ കടുത്ത പ്രതിഷേധവും ഉയര്‍ന്നിട്ടുണ്ട്. ബില്ല് അവതരണത്തിനെതിരേ പ്രതിപക്ഷം നടുത്തളത്തില്‍ ഇറങ്ങി പ്രതിഷേധിക്കുകയും ചെയ്തു. നടുത്തളത്തിലിറങ്ങി മുദ്രാവാക്യം വിളിച്ച് പ്രതിഷേധിച്ച തൃണമൂല്‍ കോണ്‍ഗ്രസ് അംഗങ്ങള്‍ ബില്ല് കീറിയെറിയുകയും ചെയ്തു. ഫെഡറല്‍ സംവിധാനം തകര്‍ക്കാനുള്ള നീക്കമാണെന്ന് കെസി വേണുഗോപാല്‍ പറഞ്ഞു. ബേദഗതി ബില്ല് ഭരണഘടനയുടെ അടിസ്ഥാനത തത്വത്തിനെതിരാണെന്ന് മനീഷ് തിവാരിയും പറഞ്ഞു. പ്രതിപക്ഷ പ്രതിഷേധത്തെ തുടര്‍ന്ന് ഇന്നലെ ലോക്‌സഭ അഞ്ചുമണിവരെ നിര്‍ത്തിവയ്ക്കുകയും ചെയ്തു

ALSO READ: വ്യാജ വോട്ട്; മലപ്പുറത്ത് അഞ്ച് പേർക്കെതിരേ കേസ്

The Monsoon Session of the Indian Parliament concluded today after a month-long run. The session was marked by strong opposition protests on several issues, ranging from the voter list revision in Bihar to the constitutional amendment bill introduced in the Lok Sabha yesterday. The opposition has decided to continue its protests even on the final day of the session.