ന്യൂഡല്‍ഹി: ചരക്കു സേവന നികുതി (Services Tax , GST) നാലില്‍നിന്ന് രണ്ടു സ്ലാബുകളായി വെട്ടിച്ചുരുക്കാനുള്ള കേന്ദ്ര സര്‍ക്കാര്‍ ശുപാര്‍ശയ്ക്ക് മന്ത്രിതല സമിതി അംഗീകാരം നല്‍കി. 12, 28 ശതമാനം സ്ലാബുകള്‍ ഒഴിവാക്കി 5, 18 ശതമാനം സ്ലാബുകള്‍ മാത്രമാക്കുന്നതാണ് പരിഷ്‌ക്കരണം. വിഷയം പരിശോധിക്കാനായി ജി.എസ്.ടി കൗണ്‍സില്‍ നിശ്ചയിച്ച, ബിഹാര്‍ ധനകാര്യമന്ത്രി സാമ്രാട്ട് ചൗധരി അധ്യക്ഷനായ മന്ത്രിതല ഉപസമിതിയാണ് കേന്ദ്രസര്‍ക്കാര്‍ നിര്‍ദേശത്തിന് അംഗീകാരം നല്‍കിയത്. കേരള ധനമന്ത്രി ബാലഗോപാല്‍, ഉത്തര്‍പ്രദേശ് ധനമന്ത്രി സുരേഷ് കുമാര്‍ ഖന്ന, രാജസ്ഥാന്‍ ആരോഗ്യമന്ത്രി ഗജേന്ദ്ര സിങ്, പശ്ചിമബംഗാള്‍ ധനമന്ത്രി ചന്ദ്രിമ ഭട്ടാചാര്യ, കര്‍ണാടക റവന്യു മന്ത്രി കൃഷ്ണ ഗൗഡ തുടങ്ങിയവരും സമിതിയില്‍ അംഗങ്ങളാണ്.

സ്ലാബുകള്‍ മാറുമ്പോള്‍ അതിലുള്‍പ്പെട്ട വസ്തുക്കളുടെ വില കുറയും. സംസ്ഥാന ധനമന്ത്രിമാര്‍ കൂടി അംഗങ്ങളായ ജി.എസ്.ടി കൗണ്‍സില്‍ കൂടി അംഗീകാരം നല്‍കുന്നതോടെ പുതിയ ഘടന നിലവില്‍ വരും. നിലവില്‍ 12, 28 ശതമാനം നികുതിയിലുള്ള വസ്തുക്കള്‍ മറ്റു രണ്ട് സ്ലാബുകളില്‍ ഒന്നിലേക്ക് മാറും. സിഗരറ്റ്, പാന്‍മസാല അടക്കമുള്ളവയുടെ 40 ശതമാനം ഉയര്‍ന്ന തീരുവ അതേപടി തുടരും.

ഹെല്‍ത്ത്, ലൈഫ് ഇന്‍ഷുറന്‍സ് പോളിസികള്‍ക്ക് ജി.എസ്.ടി ഒഴിവാക്കാനുള്ള കേന്ദ്രത്തിന്റെ നിര്‍ദേശവും മന്ത്രിതല സമിതി അവലോകനം ചെയ്തു. പ്രതിവര്‍ഷം ഏകദേശം 9,700 കോടി രൂപയുടെ വരുമാന നഷ്ടം ഇതുവഴി സര്‍ക്കാരിനുണ്ടാകും.
എങ്കിലും ഈ നിര്‍ദേശത്തോട് ഭൂരിപക്ഷം ധനമന്ത്രിമാരും അനുകൂലമായാണ് പ്രതികരിച്ചത്.

സ്ലാബുകള്‍ മാറ്റുമ്പോഴുള്ള സംസ്ഥാനങ്ങളുടെ ജി.എസ്.ടി വിഹിതം, ഇതിലൂടെയുണ്ടാകുന്ന വരുമാന നഷ്ടത്തിനുള്ള നഷ്ടപരിഹാരം എന്നിവ സംബന്ധിച്ച തര്‍ക്കങ്ങള്‍ കൗണ്‍സില്‍ പരിഗണിക്കുമെന്നും സമിതി വ്യക്തമാക്കി. കേന്ദ്രം മുന്നോട്ടുവച്ച നിര്‍ദേശങ്ങളെക്കുറിച്ച് എല്ലാ ജി.എസ്.ടി കൗണ്‍സില്‍ അംഗങ്ങളെയും അറിയിച്ചു. ചില സംസ്ഥാനങ്ങള്‍ക്ക് ചില നിരീക്ഷണങ്ങളുണ്ട്. ഇത് ജി.എസ്.ടി കൗണ്‍സിലിന് അയച്ചിട്ടുണ്ട്. നഷ്ടപരിഹാര സെസ്, ആരോഗ്യം, ലൈഫ് ഇന്‍ഷുറന്‍സ്, നിരക്ക് ഒഴിവാക്കല്‍ എന്നിവയും കൗണ്‍സില്‍ പരിഗണിക്കും.

വരുമാന നഷ്ടം, സംസ്ഥാനങ്ങള്‍ക്കുള്ള നഷ്ടപരിഹാരം എന്നിവയെക്കുറിച്ച് വ്യക്തതയുണ്ടായിട്ടില്ലെന്ന് സമിതിയംഗവും പശ്ചിമ ബംഗാള്‍ ധനമന്ത്രിയുമായ ചന്ദ്രിമ ഭട്ടാചാര്യ പറഞ്ഞു.

പരിഷ്‌കരണം ഇങ്ങനെ

നിലവില്‍ 12 ശതമാനം നികുതിയുള്ള 99 ശതമാനം ഇനങ്ങളും 5 ശതമാന സ്ലാബിലേക്ക് മാറും.

28 ശതമാനം നികുതിയുള്ള ഇനങ്ങളില്‍ 90 ശതമാനവും 18 ശതമാനമായി മാറും.

ഉപയോഗിക്കാന്‍ നല്ലതല്ലാത്ത പുകയിലയടക്കമുള്ള 57 വസ്തുക്കള്‍ക്ക് 40 ശതമാനം ഉയര്‍ന്ന ലെവി.

A key meeting of the Group of Ministers on GST rate rationalisation ended with state finance minister accepting the Centre's plan to reduce the number of tax slabs. The proposal, placed before the six-member GoM led by Bihar Deputy Chief Minister Samrat Choudhary, aims to replace the current four rates of 5, 12, 18 and 28 per cent with just two main slabs.