പട്‌ന: ആര്‍.ജെ.ഡിയുടെ ന്യൂനപക്ഷവിഭാഗം സംഘടിപ്പിച്ച പരിപാടിക്കിടെ മുഖ്യമന്ത്രി നിതീഷ് കുമാറിന് മുസ്ലിം നേതാക്കള്‍ നല്‍കിയ തൊപ്പി ധരിക്കാന്‍ അദ്ദേഹം വിസമ്മതിച്ചത് വിവാദത്തില്‍. തലസ്ഥാനമായ പട്‌നയില്‍ മദ്‌റസ വിദ്യാഭ്യാസ ബോര്‍ഡിന്റെ നൂറാം വാര്‍ഷിക ചടങ്ങില്‍ ആണ് സംഭവം. ചടങ്ങില്‍വച്ച് തനിക്കുനേരെ നീട്ടിയ പ്രത്യേക കറുത്ത തൊപ്പി മുസ്ലിം നേതാക്കള്‍ അദ്ദേഹത്തിന്റെ തലയില്‍ വയ്ക്കാന്‍ ശ്രമിച്ചെങ്കിലും അതിനു സമ്മതിക്കാതെ തൊപ്പി വാങ്ങിയ അദ്ദേഹം കൂടെയുണ്ടായിരുന്ന ജെ.ഡി.യു നേതാവ് കൂടിയായ മന്ത്രി മുഹമ്മദ് ജമാ ഖാനെ ധരിപ്പിക്കുകയായിരുന്നു. സംഭവത്തിന്റെ വിഡിയോ സമൂഹമാധ്യമങ്ങളില്‍ പ്രചരിക്കുന്നുണ്ട്. 

मदरसा बोर्ड के शताब्दी समारोह में सबको सौगात,
मुस्लिम समाज के लिए काम गिनाए हज़ार,

मंच पर नारे – 2025 में फिर से नीतीश

“विकास की बातें बहुत,
टोपी पहनने में हिचकिचाहट! नीतीश बाबू

टोपी पर दिखी उनकी अजीब सी खीझ!"#Bihar #NitishKumar #Madrasa pic.twitter.com/0uaYU7HAtk

— Arvind_kumar (@Arvinds28250877) August 21, 2025

തങ്ങള്‍ക്ക് ശമ്പളം ലഭിച്ചിട്ടില്ലെന്ന് ചൂണ്ടിക്കാട്ടി ചടങ്ങിന് മുന്നോടിയായി നിരവധി മദ്‌റസ അധ്യാപകര്‍ വേദിക്ക് സമീപം പ്രതിഷേധിച്ചിരുന്നു. ഇവരെ പിന്നീട് പൊലിസെത്തി നീക്കുകയായിരുന്നു.

നേരത്തെ മുസ്ലിം വേദികളില്‍ സജീവമാകുകയും പതിവായി ഇഫ്താര്‍ നടത്തിവരികയുംചെയ്തിരുന്ന നിതീഷ്, തൊപ്പിയു ംകഫിയയും ധരിക്കുന്നത് പതിവാണ്. ഇതിന്റെ പേരില്‍ അദ്ദേഹത്തിനെതിരേ നിരന്തരം ബി.ജെ.പി വിമര്‍ശനമുന്നയിക്കാറുമുണ്ട്. എന്നാല്‍ നിലവില്‍ ബി.ജെ.പിയുടെ സഹായത്തോടെ ബിഹാര്‍ ഭരിക്കുന്ന അദ്ദേഹം സംഘ്പരിവാരിനെ പ്രീണിപ്പിക്കാനാണ് മുസ്ലിം അടയാളത്തെ അവഹേളിച്ചതെന്ന പരാതി ശക്തമാണ്. മുഖ്യമന്ത്രിയുടെ നടപടിയെ ആര്‍.ജെ.ഡി അപലപിച്ചു. ഇത്തരം പെരുമാറ്റം അനുചിതമാണെന്ന് ആര്‍.ജെ.ഡി വക്താവ് മൃത്യുഞ്ജയ് തിവാരി പറഞ്ഞു.

2014ലെ ലോക്‌സഭാ തെരഞ്ഞെടുപ്പില്‍ ബിജെപിയെ നയിക്കാന്‍ അന്നത്തെ ഗുജറാത്ത് മുഖ്യമന്ത്രിയായിരുന്ന നരേന്ദ്രമോദിയെ നിശ്ചയിച്ചപ്പോള്‍, ഗുജറാത്ത് കലാപത്തിലെ പങ്ക് ചൂണ്ടിക്കാട്ടി മുന്നണി വിട്ട വ്യക്തിയായ നിതീഷ്, ഏറെക്കാലം കടുത്ത മോദി വിമര്‍ശകനായാണ് അറിയപ്പെടുന്നിരുന്നത്. പ്രധാനമന്ത്രിയായ ശേഷം ഔദ്യോഗിക വസതിയിലെത്തിയ മുസ്ലിം രാഷ്ട്രീയ മഞ്ചിന്റെ നേതാക്കള്‍ നല്‍കിയ തൊപ്പി ധരിക്കാന്‍ വിസമ്മതിച്ച മോദിയുടെ നടപടിയെയും അന്ന് നിതീഷ് വിമര്‍ശിക്കുകയുണ്ടായി. 

ALSO READ: രാജ്യത്തെ സ്വകാര്യ ഉന്നതവിദ്യാഭ്യാസ സ്ഥാപനങ്ങളില്‍ എസ്.സി, എസ്.ടി, ഒ.ബി.സി സംവരണത്തിന് പാര്‍ലമെന്ററി സമിതി ശുപാര്‍ശ

Bihar Chief Minister Nitish Kumar, who once criticised Narendra Modi for not wearing a Muslim skullcap, found himself in a similar situation recently. During an event by the Bihar State Madrasa Education Board in Patna, a Muslim leader offered him the cap. Nitish Kumar smiled and politely declined, using both hands to resist.