തിരുവനന്തപുരം: കഴിഞ്ഞ ജൂണില്‍ പ്രഖ്യാപിച്ച അങ്കണവാടിയിലെ പരിഷ്‌കരിച്ച മെനു രണ്ടരമാസത്തിന് ശേഷം നടപ്പിലാക്കുന്നു. പരിഷ്‌കരിച്ച മാതൃക ഭക്ഷണ മെനു സെപ്റ്റംബര്‍ എട്ടു മുതല്‍ നടപ്പിലാക്കുമെന്ന് വനിതാ ശിശുവികസന ഡയരക്ടര്‍ അറിയിച്ചു. ഇതിന്റെ ഭാഗമായി ഓരോ ജില്ലയില്‍ നിന്നും ശിശുവികസന പദ്ധതി ഓഫിസര്‍മാരും സൂപ്പര്‍വൈസര്‍മാരുമടങ്ങുന്ന നാലു വീതം ഉദ്യോഗസ്ഥരെ ഉള്‍പ്പെടുത്തി മൂന്ന് ദിവസത്തെ സംസ്ഥാനതല പരിശീലനം  കോവളം ഇന്‍സ്റ്റിറ്റ്യൂട്ട് ഓഫ് ഹോട്ടല്‍ മാനേജ്‌മെന്റ് ആന്‍ഡ് കാറ്ററിങ് ടെക്‌നോളജിയില്‍ കഴിഞ്ഞ 5 മുതല്‍ 7 വരെ സംഘടിപ്പിച്ചിരുന്നു.

സംസ്ഥാന തലത്തില്‍ പരിശീലനം ലഭ്യമായവർ  ജില്ലകളിലെ ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടുകളും ഹോം സയന്‍സ് സ്ഥാപനങ്ങളുമായി കൈ കോര്‍ത്ത് തിരഞ്ഞെടുത്ത അങ്കണവാടി വര്‍ക്കര്‍, ഹെല്‍പ്പര്‍ എന്നിവരടക്കുള്ളവർക്ക്  ജില്ലാതല പരിശീലനം നല്‍കും. തുടര്‍ന്ന് ഇവര്‍ സെക്ടര്‍, സബ് സെക്ടര്‍ തലത്തില്‍ 66240 അങ്കണവാടി പ്രവര്‍ത്തകര്‍ക്ക് പരിശീലനം നല്‍കും.

ALSO READ: കോഴിക്കോട്ടുനിന്ന് ജിദ്ദയിലേക്കും മുംബൈയിലേക്കും ഡൽഹിയിലേക്കും കൂടുതൽ സർവിസുകൾ 

ആഘോഷ ദിവസങ്ങളിൽ സ്‌കൂളിൽ യൂനിഫോം നിർബന്ധമല്ല; ഉത്തരവിറക്കി പൊതുവിദ്യാഭ്യസ വകുപ്പ് 

തിരുവനന്തപുരം: ആഘോഷ ദിവസങ്ങളിൽ സ്‌കൂളുകളിൽ യൂനിഫോം നിർബന്ധമല്ലെന്ന് പൊതുവിദ്യാഭ്യാസ വകുപ്പ്. 
ഓണം, ക്രിസ്മസ്, റംസാൻ തുടങ്ങി ആഘോഷങ്ങൾ നടത്തുന്ന ദിവസം സ്‌കൂളുകളിൽ വർണ വസ്ത്രങ്ങൾ വിദ്യാർഥികൾക്ക് ധരിക്കാമെന്നാണ് ഉത്തരവ്. ആഘോഷ ദിവസങ്ങളിൽ യൂനിഫോം ധരിക്കുന്നത് ഒഴിവാക്കണമെന്ന വിദ്യാർഥികളുടെയും അധ്യാപകരുടെയും ആവശ്യം പരിഗണിച്ചാണ് നടപടിയെന്നും പൊതു വിദ്യാഭ്യാസ ഡയരക്ടറുടെ ഉത്തരവിൽ പറയുന്നു.