നടുവണ്ണൂര്‍: വിദ്യാര്‍ഥിനിയെ അശ്ലീല ചിത്രം കാണിച്ചെന്ന പേരില്‍ ഗ്രാമപഞ്ചായത്തംഗത്തെ പൊലിസ് അറസ്റ്റ് ചെയ്തു. ഉള്ള്യേരി ഗ്രാമപഞ്ചായത്ത് മൂന്നാം വാര്‍ഡ് മെമ്പര്‍ കെ. അനീഷിനെയാണ് അത്തോളി പൊലിസ് അറസ്റ്റ് ചെയ്തത്.പോസ്‌കോ വകുപ്പുപ്രകാരമാണ് അറസ്റ്റ് രേഖപ്പെടുത്തിയത്.
കഴിഞ്ഞ ഒന്നിനാണ് കേസിനാസ്പദമായ സംഭവം നടന്നതായി പൊലിസ് പറയുന്നത്. അഞ്ചിനാണു വിദ്യാര്‍ഥിനി പൊലിസില്‍ പരാതി നല്‍കിയത്. അന്നുതന്നെ ഇയാളെ പൊലിസ് കസ്റ്റഡിയിലെടുക്കുകയും ഇന്നലെ രാവിലെ അറസ്റ്റ് രേഖപ്പെടുത്തുകയും ചെയ്തു.