കൊച്ചി: പാലിയേക്കരയിലെ ടോൾ പിരിവ് താൽക്കാലികമായി നിർത്തിവെക്കാനുള്ള ഹൈക്കോടതിയുടെ ഇടക്കാല ഉത്തരവ് 2025 സെപ്റ്റംബർ 9 വരെ നീട്ടി. ദേശീയപാതയിലെ അറ്റകുറ്റപ്പണികൾ മൂലമുണ്ടായ ഗതാഗതക്കുരുക്കിന്റെ പശ്ചാത്തലത്തിലായിരുന്നു പാലിയേക്കരയിലെ ടോൾ പിരിവ് താൽക്കാലികമായി നിർത്തിവെക്കാൻ ഹൈക്കോടതി ഉത്തരവിറക്കിയത്. മണ്ണുത്തി-ഇടപ്പള്ളി ഭാഗത്ത് തുടരുന്ന ഗതാഗത പ്രശ്നങ്ങൾ പരിശോധിക്കാൻ, ദേശീയ പാത അതോറിറ്റി പ്രതിനിധികളുടെ സാന്നിധ്യത്തിൽ ഒരു ഗതാഗത മാനേജ്മെന്റ് സമിതി പരിശോധന നടത്തണമെന്ന് ജസ്റ്റിസ് മുഹമ്മദ് മുഷ്താഖ്, ജസ്റ്റിസ് ഹരിശങ്കർ വി. മേനോൻ എന്നിവർ അടങ്ങുന്ന ഡിവിഷൻ ബെഞ്ച് നിർദേശിച്ചു.

ALSO READ: പ്രതിപക്ഷ നേതാവിന്റെ ഔദ്യോഗിക വസതിയ്ക്ക് സുരക്ഷ വർധിപ്പിച്ചു; കനത്ത സുരക്ഷയിൽ കന്റോൺമെന്റ് ഹൗസ്

ജില്ലാ കലക്ടർ, ജില്ലാ പൊലിസ് മേധാവി, ആർ.ടി.ഒ എന്നിവരെ ഉൾപ്പെടുത്തി ഹൈക്കോടതിയുടെ നിർദേശപ്രകാരം രൂപീകരിച്ച സമിതിയാണ് ഇതിനായി പ്രവർത്തിക്കുന്നത്. ദേശീയ പാത അതോറിറ്റി ടാറിങ് പൂർത്തിയായെന്നും പാതയിൽ ഗതാഗതം സുഗമമായെന്നും അറിയിച്ചിരുന്നെങ്കിലും, ഈ ആഴ്ചയോ അടുത്ത ആഴ്ചയോ ഇക്കാര്യം പരിശോധിക്കാൻ സമിതിയോട് കോടതി ആവശ്യപ്പെട്ടു. അതേസമയം, ഗതാഗതക്കുരുക്ക് നിരീക്ഷിക്കാൻ സ്ഥിരം സംവിധാനം ഏർപ്പെടുത്തണമെന്നും സർവിസ് റോഡ് രണ്ട് വരിയാക്കണമെന്നും സമിതി നേരത്തെ നൽകിയ റിപ്പോർട്ടിൽ വ്യക്തമാക്കിയിരുന്നു. 

2025 ആഗസ്റ്റ് 6-ന് ഡിവിഷൻ ബെഞ്ച് പാലിയേക്കര ടോൾ പിരിവ് നാലാഴ്ചത്തേക്ക് നിർത്തിവെക്കണമെന്ന് ഉത്തരവിട്ടിരുന്നു, ഇത് സുപ്രീം കോടതിയും ശരിവെച്ചു. ടോൾ പിരിവ് നിർത്തിവെക്കണമെന്ന് ആവശ്യപ്പെട്ട് തൃശൂർ ഡി.സി.സി പ്രസിഡന്റ് ജോസഫ് ടാജറ്റ്, ഷാജി കോടങ്കണ്ടത്ത് എന്നിവർ സമർപ്പിച്ച ഹരജികൾ നിലവിൽ കോടതിയുടെ പരി​ഗണനയിലാണ്. ഓണാവധിക്കാലത്ത് കേസ് പരിഗണിക്കണമെന്ന് ദേശീയ പാത അതോറിറ്റി ആവശ്യപ്പെട്ടെങ്കിലും, അന്തിമ തീരുമാനം ചീഫ് ജസ്റ്റിസിന്റേതാണെന്ന് ഡിവിഷൻ ബെഞ്ച് വ്യക്തമാക്കി. 

The Kerala High Court has extended its interim order to suspend toll collection at Paliyekkara Toll Plaza until September 9, 2025. This decision comes as a relief to commuters who have been facing significant traffic congestion on the Mannuthy-Edappally National Highway due to ongoing maintenance work. The court's order aims to alleviate the burden on citizens until the road conditions improve and traffic congestion is resolved ¹.