അടിവാരം: താമരശേരി ചുരത്തില്‍ വാഹനങ്ങള്‍ തമ്മില്‍ കൂട്ടിയിടിച്ച് അപകടം. ചുരത്തിന്റെ എട്ടാം വളവിന് മുകളിലായാണ് അപകടം. കാറുകളും, ഓട്ടോകളും ഉള്‍പ്പെടെ എട്ടോളം വാഹനങ്ങള്‍ അപകടത്തില്‍പ്പെട്ടു. 

നിയന്ത്രണം വിട്ട ലോറി മുന്നിലുള്ള വാഹനത്തില്‍ ഇടിച്ചാണ് അപകടമുണ്ടായത്. തുടര്‍ന്ന് വാഹനങ്ങള്‍ തൊട്ടുമുന്നിലുള്ള വാഹനങ്ങളിലേക്ക് ഇടിക്കുകയായിരുന്നു. 

അപകടത്തില്‍പ്പെട്ട വാഹനങ്ങളില്‍ നിന്ന് യാത്രക്കാരെ പുറത്തെത്തിച്ചു. ഇവരെ വിവിധ ആശുപത്രികളിലായി ചികിത്സക്ക് പ്രവേശിപ്പിച്ചു. അപകടത്തെ തുടര്‍ന്ന് ചുരത്തില്‍ ഗതാഗത തടസം നേരിടുന്നുണ്ട്.

ALSO READ: മോദിയുടെ 'ബിരുദം' രഹസ്യമായി തുടരും; ഡിഗ്രി സര്‍ട്ടിഫിക്കറ്റ് പരസ്യമാക്കേണ്ടതില്ലെന്ന് ഡല്‍ഹി ഹൈക്കോടതി, വിവരാവകാശ കമ്മീഷന്റെ ഉത്തരവ് തള്ളി