അബൂദബി: രാജ്യത്ത് വെള്ളിയാഴ്ച വരെ മഴയും പൊടിക്കാറ്റും ഉണ്ടാകാൻ സാധ്യതയെന്ന് യുഎഇ കാലാവസ്ഥ നിരീക്ഷണ കേന്ദ്രം. താപനിലയിൽ കുറഞ്ഞേക്കുമെന്ന് കാലാവസ്ഥ നിരീക്ഷണ കേന്ദ്രം പുറത്തുവിട്ട പ്രസ്താവനയിൽ പറയുന്നു. വരും ദിവസങ്ങളിൽ നേരിയ തണുപ്പ് പ്രതീക്ഷിക്കാമെന്നും കാലാവസ്ഥ നിരീക്ഷണ കേന്ദ്രം അറിയിച്ചു.

ALSO READ: ഈ വർഷം ഇതുവരെ 12,000-ലധികം ലംഘനങ്ങൾ; പബ്ലിക് വൈഫൈ ഉപയോ​ഗിക്കുന്നവർ സൂക്ഷിക്കണമെന്ന് മുന്നറിയിപ്പ് 

ഈ വാരം തുടക്കത്തിൽ തീരപ്രദേശങ്ങളിൽ ഈർപ്പമുള്ള കാലാവസ്ഥയായിരിക്കും. ക്രമേണ ആകാശം തെളിഞ്ഞതും ഭാഗികമായി മേഘാവൃതവുമായി മാറും. വടക്ക്, കിഴക്കൻ മേഖലകളിൽ മേഘാവൃതമായ കാലാവസ്ഥ തുടരും. ചൊവ്വ, വ്യാഴം, വെള്ളി ദിവസങ്ങളിൽ രാജ്യത്തിന്റെ വിവിധ ഭാ​ഗങ്ങളിൽ മഴയ്ക്ക് സാധ്യതയുണ്ട്.

ALSO READ: ഷെയ്ഖ് മുഹമ്മദ് ബിൻ സായിദ് റോഡിൽ അപകടം; വാഹനമോടിക്കുന്നവർക്ക് മുന്നറിയിപ്പ് നൽകി ഷാർജ പൊലിസ് 

ബുധനാഴ്ച, പ്രത്യേകിച്ച് പടിഞ്ഞാറൻ തീരപ്രദേശങ്ങളിൽ, താപനിലയിൽ നേരിയ കുറവ് അനുഭവപ്പെടുമെന്നും കാലാവസ്ഥ നിരീക്ഷണ കേന്ദ്രം പ്രവചിച്ചു. പകൽ സമയത്ത് കാറ്റ് ശക്തമാകും. ചിലയിടങ്ങളിൽ പൊടിക്കാറ്റിനും സാധ്യതയുണ്ട്. പൊടിക്കാറ്റു മൂലം ദൃശ്യപരത കുറയുന്ന സമയങ്ങളിൽ ജാഗ്രത പാലിക്കാനും കാലാവസ്ഥാ മാറ്റങ്ങളെക്കുറിച്ച് അറിഞ്ഞിരിക്കാനും കാലാവസ്ഥ നിരീക്ഷണ കേന്ദ്രം താമസക്കാർക്ക് നിർദ്ദേശം നൽകിയിട്ടുണ്ട്.

the uae national center of meteorology forecasts rain, dust storms, and a slight temperature drop across the uae until friday. expect humid mornings, partly cloudy skies, and reduced visibility in coastal and northern areas. stay updated on weather alerts and safety measures for dubai, abu dhabi, and other emirates.