മലപ്പുറം: കെഎസ്ആർടിസി ബസിന്റെ മരണപ്പാച്ചിലിൽ വിദ്യാർഥികളും ട്രാഫിക് പൊലിസുകാരനും രക്ഷപ്പെട്ടത് തലനാരിഴയ്ക്ക്. അമിതവേഗതയിൽ ഓടുന്ന ബസിന്റെ സിസിടിവി ദൃശ്യങ്ങൾ പുറത്ത് വന്നു. സ്കൂൾ വിട്ട് റോഡിന്റെ മറുവശത്തേക്ക് സീബ്ര ലൈനിൽ കൂടെ പോവുകയായിരുന്ന വിദ്യാർഥികൾക്ക് നേരെ ബസ് പാഞെടുക്കുകയായിരുന്നു. ഡ്യൂട്ടിയിലുണ്ടായിരുന്ന ട്രാഫിക് പൊലിസിന്റെ മുന്നറിയിപ്പ് അവഗണിച്ചാണ് ബസ് മുന്നോട്ട് വന്നത്. ഇന്ന് വൈകിട്ട് 4 മണിയോടെ പെരിന്തൽമണ്ണ താഴെകോട്ടാണ് സംഭവം നടന്നത്.

പെരിന്തൽമണ്ണയിൽ നിന്ന് പാലക്കാട് ഭാഗത്തേക്ക് പോവുകയായിരുന്ന കെഎസ്ആർടിസി ബസാണ് അപകടകരമായ രീതിയിൽ വാഹനം ഓടിച്ചത്. സീബ്ര ലൈനിൽ കുട്ടികൾ നിൽക്കുമ്പോൾ പോലും ബസ് വേഗത കുറയ്ക്കാതെ പാഞ്ഞതിന്റെ ദൃശ്യങ്ങൾ സിസിടിവിയിൽ വ്യക്തമാണ്.

ALSO READ: കോഴിക്കോട് പ്ലസ് ടു വിദ്യാർഥി സുഹൃത്തായ പെൺകുട്ടിയെ ഭീഷണിപ്പെടുത്തി സ്വർണവും പണവും തട്ടിയെടുത്തതായി പരാതി

ബസിന്റെ അപകടകരമായ യാത്രയെക്കുറിച്ച് അന്വേഷണം ആരംഭിച്ചതായി അധികൃതർ അറിയിച്ചു. സംഭവത്തിന്റെ ഗൗരവം കണക്കിലെടുത്ത് കർശന നടപടികൾ സ്വീകരിക്കുമെന്നും പൊലിസ് വ്യക്തമാക്കി.

In Malappuram, a KSRTC bus recklessly sped through Perinthalmanna, ignoring zebra crossing and traffic police warnings. CCTV footage captured the bus racing past students waiting at the crossing, with students and a traffic policeman narrowly escaping disaster.