ഗസ്സ: തെക്കന്‍ ഗസ്സയിലെ ഖാന്‍യൂനിസില്‍ പ്രധാന ആശുപത്രിയായ നാസര്‍ മെഡിക്കല്‍ കോംപ്ലക്‌സില്‍ ഇസ്‌റാഈല്‍ സൈന്യം നടത്തിയ ആക്രമണത്തിനെതിരേ വ്യാപക പ്രതിഷേധം. സംഭവത്തില്‍ 5 മാധ്യമ പ്രവര്‍ത്തകര്‍ ഉള്‍പ്പെടെ 21 പേരാണ് കൊല്ലപ്പെട്ടത്. നിരവധി രോഗികള്‍ക്കും ആരോഗ്യ പ്രവര്‍ത്തകര്‍ക്കും പരുക്കേറ്റു.

അന്താരാഷ്ട്ര വാര്‍ത്താ ഏജന്‍സിയായ റോയിട്ടേഴ്‌സിലെ ഹുസാം അല്‍ മസ്രി, ഫ്രീലാന്‍സ് ജേണലിസ്റ്റ്് മറിയം അബു ദഖ്വ, അല്‍ജസീറ ഫോട്ടോ ജേണലിസ്റ്റ് മുഹമ്മദ് സലാമ, അസോഷ്യേറ്റ് പ്രസ് വാര്‍ത്താ ഏജന്‍സിയുടെ മുആസ് അബൂ താഹ, ഖുദ്‌സ് ഫീഡ് നെറ്റ്വര്‍ക്കിലെ അഹ്്മദ് അബു അസീസ് എന്നിവരാണ് കൊല്ലപ്പെട്ട മാധ്യമ പ്രവര്‍ത്തകരെന്ന് ഗസ്സ മീഡിയ ഓഫിസ് അറിയിച്ചു.

 

 

ആദ്യം ആശുപത്രിക്കു മുകളില്‍ ഒരു മിസൈല്‍ പതിച്ചു. പരുക്കേറ്റവരെ രക്ഷപ്പെടുത്താന്‍ രക്ഷാപ്രവര്‍ത്തകരും റിപ്പോര്‍ട്ട് ചെയ്യാന്‍ മാധ്യമപ്രവര്‍ത്തകരും എത്തിയപ്പോള്‍ അവര്‍ക്കുനേരെ മറ്റൊരു മിസൈല്‍ കൂടി പതിക്കുകയായിരുന്നു.

നാസര്‍ ആശുപത്രിയിലെ നാലാം നിലയിലാണ് മിസൈല്‍ പതിച്ചത്. ആശുപത്രികള്‍, സ്‌കൂളുകള്‍ എന്നിവ കേന്ദ്രീകരിച്ചാണ് ഇസ്‌റാഈല്‍ ആക്രമണം നടത്തുന്നത്. മാധ്യമപ്രവര്‍ത്തകരെയും ലക്ഷ്യമിടുന്നുണ്ട്. ജൂണിലും നാസര്‍ ആശുപത്രിക്കു നേരെ ആക്രമണം നടത്തിയിരുന്നു.

ഇസ്‌റാഈല്‍ ആക്രമണം മാധ്യമ സ്വാതന്ത്ര്യത്തിനെതിരേ നടന്ന ആക്രമണമാണെന്ന് തുര്‍ക്കി പ്രസിഡന്‍ഷ്യല്‍ കമ്മ്യൂണിക്കേഷന്‍സ് ഡയരക്ടര്‍ മേധാവി ബുര്‍ഹാനേട്ടിന്‍ ദുരാന്‍ പറഞ്ഞു. മാധ്യമപ്രവര്‍ത്തകരെ കൊലപ്പെടുത്തുന്നവര്‍ അവരുടെ ഹീനകൃത്യം തുടരുകയാണെന്ന് അല്‍ജസീറ മീഡിയ നെറ്റ്വര്‍ക്ക് പറഞ്ഞു.

 

 

ഏറ്റവും പുതിയ കൊലപാതകങ്ങളോടെ 2023 ഒക്ടോബറില്‍ ആക്രമണം ആരംഭിച്ചതിനുശേഷം കൊല്ലപ്പെട്ട മാധ്യമപ്രവര്‍ത്തകരുടെ എണ്ണം 200 കവിഞ്ഞു. 
ഗാസയിലെതേ പത്രപ്രവര്‍ത്തകര്‍ക്കെതിരേ ഇതുവരെ രേഖപ്പെടുത്തിതില്‍ വച്ച് ഏറ്റവും മാരകമായ ആക്രമണമാണെന്ന് പത്രസ്വാതന്ത്ര്യം പ്രോത്സാഹിപ്പിക്കുന്ന പ്രമുഖ സംഘടനയായ കമ്മിറ്റി ടു പ്രൊട്ടക്റ്റ് ജേര്‍ണലിസ്റ്റ്‌സ് (സിപിജെ) അഭിപ്രായപ്പെട്ടു. കഴിഞ്ഞ മൂന്ന് വര്‍ഷത്തിനിടെ ലോകമെമ്പാടും കൊല്ലപ്പെട്ടതിനേക്കാള്‍ കൂടുതല്‍ മാധ്യമ പ്രവര്‍ത്തകര്‍ കഴിഞ്ഞ രണ്ട് വര്‍ഷത്തിനിടെ ഗസ്സയില്‍ കൊല്ലപ്പെട്ടതായി സിപിജെ പറയുന്നു.

യുദ്ധം ആരംഭിച്ചതുമുതല്‍ അന്താരാഷ്ട്ര പത്രപ്രവര്‍ത്തകരെ ഗാസ മുനമ്പില്‍ സ്വതന്ത്രമായി പ്രവേശിക്കുന്നതില്‍ നിന്ന് ഇസ്രായേല്‍ വിലക്കിയിട്ടുണ്ട്. നിലവില്‍ അല്‍ജസീറക്ക് മാത്രമാണ് സ്വന്തമായി ഗസ്സയില്‍ പ്രതിനിധികളുള്ളത്. മറ്റ് മുന്‍നിര മാധ്യമങ്ങള്‍ക്കെല്ലാം ഫലസ്തീനികളായ മാധ്യമപ്രവര്‍ത്തകര്‍ കരാറടിസ്ഥാനത്തില്‍ വാര്‍ത്തകളും വിഡിയോകളും നല്‍കുകയാണ്.

Israel has struck Nasser Hospital in the south of the Gaza Strip, killing at least 21 people, including five journalists, as well as medics and rescue workers, in the latest deliberate attack on civilians and the besieged enclave’s decimated health system.