ദമസ്‌കസ്: ഇസ്‌റാഈലിനെ പിന്തുണയ്ക്കുന്ന സിറിയയില്‍ ആക്രമണം ശക്തിപ്പെടുത്തി ഇസ്‌റാഈല്‍. ഇടവിട്ട് ആക്രമണങ്ങള്‍ തുടര്‍ന്നതോടെ ഇസ്‌റാഈലിനെതിരേ സിറിയ രംഗത്തെത്തി. കഴിഞ്ഞ ദിവസം തലസ്ഥാനമായ ദമസ്‌കസിലും ആക്രമണം നടന്നു. തെക്കുപടിഞ്ഞാറന്‍ ദമസ്‌കസിലാണ് ആക്രമണം ഉണ്ടായത്. ഇസ്‌റാഈല്‍ സൈന്യത്തിന്റെ കടന്നുകയറ്റം 1974 ലെ കരാറിന്റെ ലംഘനമാണെന്ന് സിറിയന്‍ വിദേശകാര്യ മന്ത്രി അസദ് അല്‍ ഷായ്ബാനി പറഞ്ഞു.

ഗസ്സയിലെ വംശഹത്യയെ കുറിച്ച് ചര്‍ച്ച ചെയ്യാന്‍ ചേര്‍ന്ന ഒ.ഐ.സി.സി അടിയന്തര യോഗത്തിലാണ് സിറിയന്‍ വിദേശകാര്യ മന്ത്രിയുടെ പ്രതികരണം. സിറിയയില്‍ അസദ് ഭരണകൂടത്തെ പുറത്താക്കി അഹ്!മദ് അല്‍ ഷാറയുടെ നേതൃത്വത്തില്‍ പുതിയ ഭരണകൂടം വന്നിട്ട് മാസങ്ങളേ ആകുന്നുള്ളൂ. ഇതിനിടെയില്‍ സുവൈദ പ്രവിശ്യയില്‍ ഭൂരിപക്ഷക്കാരായ ദ്രൂസുകളും പരമ്പരാഗത ബദ്‌യൂനുകളും തമ്മില്‍ ആഭ്യന്തര കലാപവും തുടങ്ങി. 

തള്ളിപ്പറയാതെ പ്രസിഡന്റ് അഹ്മദ് അല്‍ ഷാറ

പ്രസിഡന്റ് അഹ്മദ് അല്‍ ഷാറ ഇടപെട്ട് വെടിനിര്‍ത്തല്‍ പ്രഖ്യാപിച്ചെങ്കിലും ആക്രമണം തുടരുകയാണ്. ഇതിനിടെയാണ് സിറിയക്കു നേരെ ഇസ്‌റാഈലും ആക്രമണം നടത്തുന്നത്. യു.എസുമായും ഇസ്‌റാഈലുമായി നല്ല ബന്ധമാണ് മുന്‍ അല്‍ഖാഇദ നേതാവ് കൂടിയായ അഹ്!മദ് അല്‍ ഷാറ പുലര്‍ത്തുന്നത്. അദ്ദേഹത്തിന്റെ സംഘടനയെ ഭീകരപട്ടികയില്‍ നിന്ന് നീക്കാന്‍ യു.എസ് തീരുമാനമെടുത്തിരുന്നു. യു.എസ് പ്രസിഡന്റ് സഊദിയില്‍ വച്ച് അഹ്!മദ് അല്‍ ഷാറയുമായി കൂടിക്കാഴ്ച നടത്തുകയും ചെയ്തിരുന്നു.

ഗസ്സയില്‍ പൂര്‍ണമായും തകര്‍ത്തത് 1000ത്തിലേറെ വന്‍ കെട്ടിടങ്ങള്‍

ഗസ്സയില്‍ 1000 ത്തിലേറെ കെട്ടിടങ്ങള്‍ ഇസ്‌റാഈല്‍ സൈന്യം നിശ്ശേഷം തകര്‍ത്തതായി ഫലസ്തീന്‍ സിവില്‍ ഡിഫന്‍സ്. ഗസ്സ സിറ്റിയിലെ സെയ്ത്തൂന്‍, സബ്‌റ മേഖലയിലാണ് കെട്ടിടങ്ങള്‍ വ്യാപകമായി തകര്‍ക്കപ്പെട്ടത്. ഓഗസ്റ്റ് ആറ് മുതല്‍ ഗസ്സ സിറ്റി പിടിച്ചെടുക്കുന്നതിനായി ഇസ്‌റാഈല്‍ സൈന്യം വ്യാപകമായി ആക്രമണം നടത്തുന്നുണ്ട്. ആക്രമണത്തില്‍ നൂറു കണക്കിനാളുകള്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങി കിടക്കുന്നുണ്ടെന്നാണ് സംശയിക്കുന്നത്.

ഗസ്സ സിറ്റിയില്‍ ഇസ്‌റാഈല്‍ ആക്രമണം തുടരുകയാണ്. രക്ഷാപ്രവര്‍ത്തനം പോലും നടത്താന്‍ കഴിയാത്ത സാഹചര്യമാണുള്ളത്. കാണാതായവരെ കുറിച്ച് തെരച്ചില്‍ നടത്താന്‍ പോലും എമര്‍ജന്‍സി പ്രവര്‍ത്തകര്‍ക്ക് കഴിയുന്നില്ല. ആക്രമണത്തില്‍ പരുക്കേറ്റവരെ കൊണ്ട് ആശുപത്രികളും നിറഞ്ഞു കവിഞ്ഞു. റഫയില്‍ ചെയ്തതുപോലെ ഗസ്സ സിറ്റിയും പൂര്‍ണമായി തകര്‍ക്കാനാണ് നീക്കമെന്ന് സിവില്‍ ഡിഫന്‍സ് പറഞ്ഞു.

ALSO READ: 'അന്ന് എന്നും ഒരു നിശ്ചിതസമയത്ത് സുഹൃത്തിനെ വിളിക്കും, വിളി വൈകിയാല്‍ ഞാന്‍ അറസ്റ്റിലായെന്ന് കരുതണം..' ഫൈനല്‍ സൊലൂഷന്‍ ഡോക്യുമെന്ററിയെക്കുറിച്ച് രാകേഷ് ശര്‍മ്മ സംസാരിക്കുന്നു

Israel has completely destroyed more than 1,000 buildings in the Zeitoun and Sabra neighbourhoods of Gaza City since it started its invasion of the city on August 6, trapping hundreds under the rubble, the Palestinian Civil Defence says.