തിരുവനന്തപുരം: ലൈംഗികാരോപണ പരാതിയില്‍ രാഹുല്‍ മാങ്കൂട്ടത്തില്‍ എം.എല്‍.എ സ്ഥാനം രാജിവെക്കണമെന്നാവശ്യപ്പെട്ട് കാളയുമായി  ഔദ്യോഗിക വസതിയിലേക്ക് നടത്തിയ യുവമോര്‍ച്ച പ്രതിഷേധ മാര്‍ച്ചില്‍ ശക്തമായ പ്രതികരണവുമായി പ്രതിപക്ഷ നേതാവ്. ബി.ജെ.പിക്കും സി.പി.എമ്മിനും ഒരുപോലെ താക്കീത് നല്‍കുന്നതാണ് പ്രതിപക്ഷ നേതാവിന്റെ പ്രതികരണം.

പ്രകടത്തിന് ഉപയോഗിച്ചകാളയെ കളയണ്ട, പാര്‍ട്ടി സംസ്ഥാന അധ്യക്ഷന്‍ രാജീവ് ചന്ദ്രശേഖറിന്റെ വീട്ടിലേക്ക് മാര്‍ച്ച് നടത്തേണ്ടി വരും എന്നാണ് ബി.ജെ.പിക്ക് പ്രതിപക്ഷ നേതാവ് നല്‍കുന്ന താക്കീത്. പാര്‍ട്ടി ഓഫിസിന്റെ മുറ്റത്ത് തന്നെ കെട്ടയിടാനും അദ്ദേഹം ആവശ്യപ്പെടുന്നു. അധികം കളിക്കണ്ട കേരളം ഞെട്ടുന്ന ചിലത് വരാനുണ്ടെന്ന് സി.പി.എമ്മിനും അദ്ദേഹം മുന്നറിയിപ്പ് നല്‍കുന്നുണ്ട്.

കാളയുടെ മുഖത്ത് രാഹുല്‍ മാങ്കൂട്ടത്തിലിന്റെ ചിത്രം പതിപ്പിച്ച് തെരുവിലൂടെ നടത്തിയായിരുന്നു യുവമോര്‍ച്ചയുടെ പ്രതിഷേധം. വി.ഡി. സതീശന്റെ വിത്തുകാള എന്ന് അധിക്ഷേപിച്ചുകൊണ്ടുള്ള ബാനറും യുവമോര്‍ച്ച ഉയര്‍ത്തിയിരുന്നു. വി.ഡി. സതീശനും ഷാഫി പറമ്പിലുമായുള്ള കൂട്ടുകച്ചവടത്തിന്റെ ഭാഗമായിട്ടാണ് രാഹുലിനെ എം.എല്‍.എ സ്ഥാനത്ത് തുടരാന്‍ അനുവദിക്കുന്നതെന്നും യുവമോര്‍ച്ച ആരോപിച്ചു.

ALSO READ: യുദ്ധം അവസാനിപ്പിക്കുക, ബന്ദികളെ മോചിപ്പിക്കുക; ഇസ്‌റാഈലില്‍ ഇന്ന് 'സമരദിനം' , വന്‍ റാലി
 
യുവമോര്‍ച്ച നടത്തിയ പ്രതിഷേധത്തിനെതിരെ യൂത്ത്‌കോണ്‍ഗ്രസ് പരാതി നല്‍കിയിട്ടുണ്ട്. ഹിന്ദുമതവിശ്വാസ പ്രകാരം ശിവന്റെ വാഹനമായ കാളയെ ഉപയോഗിച്ച് നടത്തിയ പ്രതിഷേധം മതവികാരം വ്രണപ്പെടുത്തിയെന്നാണ് പരാതി. യൂത്ത് കോണ്‍ഗ്രസ് കാട്ടാക്കട നിയോജകമണ്ഡലം വൈസ് പ്രസിഡന്റ് ഗൗതം കാട്ടാക്കട ആണ് സംസ്ഥാന പൊലിസ് മേധാവിക്ക് പരാതി നല്‍കിയത്. നട്ടുച്ച സമയം കിലോ മീറ്ററുകളോളം കാളയെ മൂക്കുകയര്‍ ഇട്ട് വലിച്ചിഴച്ച് നടത്തിയെന്നും ക്രൂരത കാട്ടിയെന്നും പരാതിയില്‍ പറയുന്നു.

ആരോപണങ്ങളുടെ പശ്ചാത്തലത്തില്‍ രാഹുല്‍ മാങ്കൂട്ടത്തിലിനെ കോണ്‍ഗ്രസ് തങ്ങളുടെ പ്രാഥമികാംഗത്വത്തില്‍ നിന്നും പുറത്താക്കിയിരിക്കുകയാണ്. എന്നാല്‍  എം.എല്‍.എ സ്ഥാനത്ത് തുടരും. ഇതിനൊപ്പം പാര്‍ലമെന്ററി പാര്‍ട്ടിയില്‍ നിന്നും രാഹുലിനെ ഒഴിവാക്കുമെന്ന് റിപ്പോര്‍ട്ടുകളുണ്ട്. വരുന്ന തെരഞ്ഞെടുപ്പില്‍ രാഹുലിന് സീറ്റ് നല്‍കാതിരിക്കാനും തീരുമാനമായിട്ടുണ്ട്.

അംഗത്വം നഷ്ടമായതോടെ കോണ്‍ഗ്രസിനെ പ്രതിനിധീകരിച്ച് നിയമസഭയില്‍ പങ്കെടുക്കാന്‍ രാഹുല്‍ മാങ്കൂട്ടത്തിലിന് സാധിക്കില്ല. വ്യക്തിപരമായി രാജിവെക്കാത്തിടത്തോളം രാഹുലിന് സ്വതന്ത്ര എം.എല്‍.എയായി തുടരേണ്ടി വരും. രാഹുലുമായി ബന്ധപ്പെട്ട ഒരു വിവാദങ്ങളിലും മറുപടി പറയാനുള്ള ഉത്തരവാദിത്തവും ഇനി മുതല്‍ പാര്‍ട്ടിക്കില്ല. നിലവിലുള്ള ആരോപണങ്ങളിലെ നിയമനടപടി ഉള്‍പ്പെടെ രാഹുല്‍ മാങ്കൂട്ടത്തില്‍ വ്യക്തിപരമായി കൈകാര്യം ചെയ്യേണ്ടി വരും.

opposition leader vd satheesan strongly criticized bjp and cpm over a controversial youth morcha protest involving a bull, demanding rahul mangalathil's resignation over sexual allegations. congress suspends rahul from party membership but he continues as independent mla.