നെഞ്ചുവേദന വരുമ്പോള്‍ അത് സാധാരണ ഒരു ഗ്യാസ് പ്രശ്‌നമാണോ അതോ ഹൃദയാഘാതത്തിന്റെ ലക്ഷണമാണോ എന്ന് എങ്ങനെയാണ് മനസിലാക്കുക. പ്രയാസമായിരിക്കും നമുക്കത് മനസിലാക്കാന്‍(ഹാര്‍ട്ട് അറ്റാക്ക് ലക്ഷണങ്ങള്‍). പലര്‍ക്കും ഇവരണ്ടും തമ്മില്‍ ആശയക്കുഴപ്പത്തിലാവുകയും മനസിലാക്കാന്‍ കഴിയാതെയും വരുന്നു.

 

അതുകൊണ്ട് തന്നെ ഹൃദയാഘാതമാണോ എന്ന് അറിയാനും വൈകും. എന്നാല്‍ ചില ലക്ഷണങ്ങളില്‍ ശ്രദ്ധ ചെലുത്തുന്നതിലൂടെ ഹൃദയാഘാതവും ഗ്യാസ് വേദനയും തമ്മിലുള്ള വ്യത്യാസം മനസിലാക്കാന്‍ കഴിയും.

വേദന എവിടെയാണ് സംഭവിക്കുന്നത്. എങ്ങനെയുണ്ട് എന്നീ ചെറിയ കാര്യങ്ങളില്‍ ശ്രദ്ധ ചെലുത്തിയാല്‍ തന്നെ ഇത് ഗ്യാസ് മൂലമാണോ അതോ ഹൃദയാഘാതമാണോ എന്ന് നിങ്ങള്‍ക്കു കണ്ടെത്താനാവും. നെഞ്ചിലെ വേദന ഗ്യാസിന്റെയാണ് അതോ ഹൃദയാഘാതമാണോ എന്ന് എങ്ങനെ തിരിച്ചറിയാം.

 

ALSO READ: കൊളസ്‌ട്രോളല്ല ഹൃദ്രോഗം വരുത്തിവയ്ക്കുന്നത്; വില്ലന്‍ മോശമായ ഭക്ഷണശീലം

എന്താണ് ഇവ രണ്ടും (ഗ്യാസ് വേദനയും ഹൃദയാഘാതവും) തമ്മിലുള്ള വ്യത്യാസം 

ഗ്യാസ് 

ഗ്യാസ് മൂലമാണ് വേദന ഉണ്ടാകുന്നതെങ്കില്‍ ബഫിങ്, ഗ്യാസ് പുറന്തള്ളല്‍ അല്ലെങ്കില്‍ നേരെ ഇരിക്കുന്നത് പോലെ, ശരീരത്തിന്റെ സ്ഥാനം മാറ്റുന്നതിലൂടെ ആശ്വാസം ലഭിക്കും. ഈ വേദന ആമാശയത്തിന്റെ മുകളില്‍ നിന്നാരംഭിച്ച് നെഞ്ചിലേക്ക് വ്യാപിക്കും. ഈ വേദന മൂര്‍ച്ചയുള്ളതു പോലെയും കത്തുന്ന പോലെയും തോന്നിപ്പിക്കുന്നു.

കനത്ത ഭക്ഷണം കഴിച്ചതിനു ശേഷം ഗ്യാസ് ഉണ്ടാക്കുന്ന പാനീയങ്ങള്‍ കുടിച്ചതിനു ശേഷമോ ഇങ്ങനെ സംഭവിക്കുന്നതും സാധാരണമാണ്. ഇത് കുറച്ചു കഴിയുമ്പോള്‍ ശമിക്കുന്ന വേദനയുമാണ്.

 

ഹൃദയാഘാതം

ഹൃദയാഘാതത്തിന്റെ വേദന ഗ്യാസ് പുറന്തള്ളുന്നതിലൂടെയോ പൊസിഷന്‍ മാറ്റുന്നതിലൂടെയോ മാറുകയില്ല. വേദന തുടരുകയോ കൂടുകയോ ചെയ്യും. 

വേദന നെഞ്ചിന്റെ മധ്യത്തിലോ ഇടതു വശത്തോ ആരംഭിച്ച് ഇടതുകൈ താടിയെല്ല് കഴുത്ത് പുറം അല്ലെങ്കില്‍ തോളിലേക്കും വ്യാപിക്കും.

ഈ വേദനയ്ക്ക് ഭാരമുള്ളതുപോലെയും സങ്കോചം പോലെയും തോന്നിപ്പിക്കുന്നു.

ഈ വേദന 10 മിനിറ്റോളം നീണ്ടുനില്‍ക്കുകയും വര്‍ധിച്ചുവരുന്നതായും തോന്നുന്നു. ശാരീരിക പ്രവര്‍ത്തനങ്ങള്‍ സമ്മര്‍ദ്ദം അല്ലെങ്കില്‍ ഉയര്‍ന്ന രക്ത സമ്മര്‍ദ്ദം എന്നിവ കാരണമുണ്ടാകാം. 

ഇതും ശ്രദ്ധിക്കുക

ഗ്യാസ് പ്രശ്‌നമുണ്ടായാല്‍ വയറുവേദനയോ ഇടയ്ക്കുള്ള ഏമ്പക്കമോ ഭക്ഷണം കഴിച്ചാലുള്ള അസ്വസ്ഥതയോ ഉണ്ടെങ്കില്‍ ശ്രദ്ധിക്കുക.

ഹൃദയാഘാത ലക്ഷണങ്ങള്‍

ശ്വസിക്കാന്‍ ബുദ്ധിമുട്ട്, തണുത്ത് വിയര്‍ക്കുക, തലകറക്കം അല്ലെങ്കില്‍ ക്ഷീണം, ഓക്കാനം അല്ലെങ്കില്‍ ഛര്‍ദി കണ്ടാല്‍ ശ്രദ്ധിക്കുക

ALSO READ: രാവിലത്തെ ഭക്ഷണം (ബ്രേക്ക്ഫാസ്റ്റ്) ഉപേക്ഷിക്കുന്നവരോട്.... എന്നും പല്ലു വേദന ഉണ്ടാകും ... ശീലിക്കേണ്ടത് ഈ കാര്യങ്ങള്‍

വേദന വന്നാല്‍ എന്താണ് ചെയ്യേണ്ടത്

ഗ്യാസ് പോലെയുള്ള വേദനയാണെങ്കില്‍ അത് പുറന്തള്ളുകയോ മറ്റോ ചെയ്യുന്നുവെങ്കില്‍ വിഷമിക്കേണ്ടതില്ല.
വേദന തുടരുകയാണെങ്കില്‍, നെഞ്ചില്‍ ഭാരം അനുഭവപ്പെടുകയാണെങ്കില്‍, ശ്വസിക്കാന്‍ ബുദ്ധിമുട്ടുണ്ടെങ്കില്‍ അല്ലെങ്കില്‍ മറ്റു ഗുരുതരമായ ലക്ഷണങ്ങളുണ്ടെങ്കില്‍ ഉടനെ ഡോക്ടറെ കാണിക്കുക. ഓരോ മിനിറ്റും പ്രധാനമാണ്. അതുകൊണ്ട് വൈകിക്കരുത്. 

 

 

 

Chest pain can be confusing—many people struggle to identify whether it's just gas-related discomfort or a more serious heart attack. While both can feel similar, understanding a few key differences can help you act quickly and possibly save a life.