തിരുവനന്തപുരം: ക്ലിഫ് ഹൗസിന് മുന്നിൽ ‘സിപിഐഎം കോഴിഫാം’ എന്ന ബാനർ പതിപ്പിച്ച് യൂത്ത് കോൺഗ്രസ് പ്രതിഷേധ മാർച്ച്. പ്രതിപക്ഷ നേതാവിന്റെ ഔദ്യോഗിക വസതിയുടെ സുരക്ഷാ വീഴ്ചയിൽ പ്രതിഷേധിച്ചാണ് യൂത്ത് കോൺഗ്രസ്, മഹിള കോൺഗ്രസ്, കെഎസ്‌യു പ്രവർത്തകർ സംയുക്തമായി മാർച്ച് നടത്തിയത്. ഇന്ന് രാവിലെ പോസ്റ്റർ പതിപ്പിച്ച ശേഷമാണ് പ്രവർത്തകർ ക്ലിഫ് ഹൗസിലേക്ക് മാർച്ച് നടത്തിയത്.

പോസ്റ്ററിൽ മുഖ്യമന്ത്രി പിണറായി വിജയൻ, എം. മുകേഷ്, ഗണേഷ് കുമാർ, കടകംപള്ളി സുരേന്ദ്രൻ, എ.കെ. ശശീന്ദ്രൻ, തോമസ് ഐസക്ക്, പി. ശശി എന്നിവരുടെ ചിത്രങ്ങൾ പതിപ്പിച്ചിരുന്നു. പ്രതിഷേധത്തിനിടെ പ്രവർത്തകർ ബാരിക്കേഡുകൾക്ക് മുകളിൽ കയറി മുദ്രാവാക്യം വിളിച്ചു. ഇതിനിടെ, പൊലിസും പ്രവർത്തകരും തമ്മിൽ സംഘർഷമുണ്ടായി. പ്രതിഷേധക്കാർക്ക് നേരെ പൊലിസ് ജലപീരങ്കി പ്രയോഗിച്ചു.

കഴിഞ്ഞ ദിവസം എസ്എഫ്ഐ പ്രവർത്തകർ  പ്രതിപക്ഷ നേതാവിന്റെ ഔദ്യോഗിക വസതിയുടെ മുന്നിൽ പോസ്റ്റർ പതിപ്പിച്ചിരുന്നു. ഇതിന് പിന്നാലെയാണ് യൂത്ത് കോൺഗ്രസിന്റെ ക്ലിഫ് ഹൗസിന് നേരെ പ്രതിഷേധം.

ALSO READ: വില്പന വർധിപ്പിക്കാൻ പുതിയ നീക്കവുമായി വിൻഫാസ്റ്റ്: വരുന്നത് ​ഗംഭീര ഇലക്ട്രിക് മോഡലുകൾ

Youth Congress staged a protest march to Cliff House, the official residence of the Opposition Leader, over security lapses, displaying a banner labeling it "CPI(M) poultry farm." The poster featured images of Chief Minister Pinarayi Vijayan and other leaders. Tensions escalated as protesters climbed barricades, leading to clashes with police, who used water cannons to disperse the crowd