ഓണത്തിന് സദ്യയ്‌ക്കൊപ്പം പായസവും വേണം. എന്നാലേ സദ്യകഴിച്ച ഫീലുണ്ടാവൂ.. അതിനായി വറൈറ്റിയാണ് ഇപ്പോള്‍ പായസങ്ങള്‍. നമുക്കിന്ന് ആപ്പിള്‍ - സേമ്യ പായസം വച്ചു നോക്കാം. ആപ്പിളാണെങ്കില്‍ വിലക്കുറവില്‍ ഇപ്പോ ലഭ്യവുമാണ്. അടിപൊളി രുചിയുള്ള ഈ പായസം ഉണ്ടാക്കാന്‍ മറക്കല്ലേ...

ചേരുവ

സേമ്യ - 250 ഗ്രാം
ആപ്പിള്‍ - 4
പാല്‍ - 3 കപ്പ്
നെയ്യ് - ആവശ്യത്തിന്
പഞ്ചസാര- 4 സ്പൂണ്‍

കണ്ടന്‍സ്ഡ് മില്‍ക്ക് - അര കപ്പ്
ഫ്രഷ് ക്രീം - രണ്ട് ടേബിള്‍ സ്പൂണ്‍
കശുവണ്ടി - 15

ഉണ്ടാക്കുന്ന വിധം

ഒരു പാന്‍ ചൂടാകുമ്പോള്‍ അതിലേക്ക് നെയ്യൊഴിച്ച് സേമ്യ വറുക്കുക. വേറൊരു പാത്രത്തില്‍ പാല്‍ തിളപ്പിക്കുക. പാല്‍ തിളച്ചു വരുമ്പോള്‍ വറുത്തുവച്ച സേമ്യ ഇട്ടുകൊടുക്കുക. തുടര്‍ച്ചയായി ഇളക്കിക്കൊടുക്കണം. ഇതിലേക്ക് പഞ്ചസാരയും കണ്ടന്‍സ്ഡ് മില്‍ക്കും ചേര്‍ത്തുകൊടുക്കുക.

ALSO READ: കാബേജ് വട കിടുവാണേ... കഴിച്ചാല്‍ വീണ്ടും വീണ്ടും ചോദിക്കുന്ന വട

ഒന്നു കുറുകി വരുമ്പോള്‍ ഇതിലേക്ക് ഫ്രഷ് ക്രീം ചേര്‍ക്കുക. ശേഷം അരിഞ്ഞുവച്ച ആപ്പിളും ചേര്‍ത്ത് നന്നായി ഇളക്കുക. കുറച്ച് ബട്ടര്‍ ചൂടാക്കി അതില്‍ കശുവണ്ടി വറുത്തിട്ട് അലങ്കരിക്കാം.  അടിപൊളി രുചിയില്‍ പായസം റെഡി. 

What’s an Onam Sadya without payasam? To add a flavorful twist to the traditional feast, try this delicious Apple-Semiya Payasam. With apples now available at lower prices, this recipe is both budget-friendly and unique in taste.