മയോണൈസ് എന്ന് പറയുമ്പോള്‍ തന്നെ അനാരോഗ്യകരം എന്നൊരു ബോര്‍ഡ് തെളിയും നമ്മുടെയുള്ളില്. കണ്ടമാനം ഓയില്‍ ..മുട്ട...കുട്ടികള്‍ക്കൊന്നും നമ്മള്‍കൊടുക്കാന്‍ പോലും ഇഷ്ടപ്പെടില്ല ഇത്. എന്നാല്‍ ഓയിലും മുട്ടയും ഒന്നുമുപയോഗിക്കാതെ ഒരു ഹെല്‍തി മയോണൈസ് തയ്യാറാക്കിയാലോ...

ആവശ്യമുള്ള ചേരുവകള്‍ 
അണ്ടിപ്പരിപ്പ്  കാല്‍ക്കപ്പ് 
വറ്റല്‍ മുളക്   മൂന്ന് 

പാല്‍         അര ലിറ്റര്‍
നാരങ്ങ നീര്/ വിനാഗിരി 

വെളുത്തുള്ളി    10 അല്ലി
കടുക്    കാല്‍ ടീസ്പൂണ്‍
ബട്ടര്‍   ഒരു ടേബിള്‍ സ്പൂണ്‍

തൈര്  മൂന്ന് ടേബിള്‍ സ്പൂണ്‍
ഉപ്പ് ആവശ്യത്തിന്
തേന്‍ കാല്‍ ടീസ്പൂണ്‍

ഉണ്ടാക്കുന്ന വിധം
സ്റ്റെപ് 1
ആദ്യം അല്‍പം വെള്ളം തിളപ്പിക്കുക. അതിലേക്ക് അണ്ടിപ്പരിപ്പ് ചേര്‍ക്കുക. അഞ്ച് മിനിറ്റോളം തിളപ്പിക്കുക. മൂന്ന് മിനിറ്റായാല്‍ വറ്റല്‍  മുളകും ചേര്‍ക്കുക. അഞ്ച് മിനുട്ടായാല്‍ തീ ഓഫ് ചെയ്ത് അടച്ചു വെക്കുക. 

സ്റ്റെപ് 2
പാല്‍ തിളപ്പിക്കാന്‍ വെക്കുക. തിളച്ചു വരുമ്പോള്‍ ഓഫ് ചെയ്ത് വിനാഗിരിയോ ചെറുനാരങ്ങാ നീരോ ഒഴിക്കുക. പിരിഞ്ഞു വന്ന ഉടനെ അരിപ്പയിലൂടെ ഒഴിച്ച് അരിച്ചെടുക്കുക. 

സ്റ്റെപ്3
വെളുത്തുള്ളിയും കടുകും ബട്ടറും ചൂടാക്കുക. വെളുത്തുള്ളി ഇളം ബ്രൌണ്‍ നിറമാവണം. 

സ്റ്റെപ്4
കുതിര്‍ന്ന അണ്ടിപ്പരിപ്പ്, മുളക്, പാല്‍ പിരിഞ്ഞ് റിച്ചു വെച്ചത്, വെളുത്തുള്ളി, കടുക് , ബട്ടര്‍ എന്നിവയെല്ലാം മിക്‌സിയിലേക്ക് ചേര്‍ക്കുക. ഇതിലേക്ക് തൈരും തേനും ആവശ്യത്തിന് ഉപ്പും ചേര്‍ത്ത് നല്ല മയത്തില്‍ അരച്ചെടുക്കുക. ഹെല്‍തി മയോണൈസ് തയ്യാര്‍.