കാഞ്ഞങ്ങാട്: സമസ്ത കേരള ജംഇയ്യത്തുൽ ഉലമയുടെ ആത്യന്തിക ലക്ഷ്യം ആത്മീയ പുരോഗതിയും പരലോക മോക്ഷവുമാണെന്നും അതിനെ ഭൗതിക താൽപ്പര്യങ്ങൾക്കും താത്കാലിക നേട്ടങ്ങൾക്കും വേണ്ടി ദുരുപയോഗം ചെയ്യാൻ ശ്രമിക്കുന്നവർ സമസ്തയുടെ അന്ത:സത്ത മനസ്സിലാക്കാത്തവരാണെന്നും സമസ്ത കേരള ഇസ്‌ലാം മത വിദ്യാഭ്യാസ ബോർഡ് ജനറൽ സെക്രട്ടറിയും നൂറാം വാർഷിക സ്വാഗത സംഘം വർക്കിംഗ് ചെയർമാനുമായ എം.ടി.അബ്ദുല്ല മുസ്‌ലിയാര്‍ അഭിപ്രായപ്പെട്ടു. 

കാഞ്ഞങ്ങാട് ബിഗ് മാൾ ഓഡിറ്റോറിയത്തിൽ കഴിഞ്ഞ ദിവസം നടന്ന ജില്ലാ സ്വാഗത സംഘം കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

സമസ്ത വാർഷിക സമ്മേളനം നടത്തുന്നത് ആരോടെങ്കിലും മൽസരിക്കാനോ ഊറ്റം കൊള്ളാനോ അല്ല പകരം സംഘടന വിഭാവനം ചെയ്യുന്ന ആദർശ പ്രതിബദ്ധതയും ജീവിത വിശുദ്ധിയും കൂടുതൽ തിളക്കത്തോടെ ഉയർത്തിപ്പിക്കാനാണ്. സമ്മേളനത്തിന് ആതിഥ്യം അരുളാൻ കാസർകോട്ടുകാർക്ക് വലിയൊരു സുവർണാവസരം കൈവന്നിരിക്കയാണ്. അവരത് സമുചിതമായി നിർവഹിക്കുമെന്നും അദ്ദേഹം സൂചിപ്പിച്ചു.
ജില്ലാ സ്വാഗത സംഘം വർക്കിംഗ്‌ ചെയർമാൻ എം.എസ് തങ്ങൾ മദനി അധ്യക്ഷനായി. ജനറൽ കൺവീനർ സലാം ദാരിമി ആലമ്പാടി ആമുഖ ഭാഷണം നടത്തി. സമസ്ത വിദ്യാഭ്യസ മാനേജർ മോയിൻകുട്ടി മാസ്റ്റർ വിഷയാവതരണം നടത്തി.

ചെങ്കളം അബ്ദുല്ല ഫൈസി, സിദ്ദീഖ് നദ് വി ചേരൂർ, അബ്ദുൽ മജീദ് ബാഖവി, താജുദ്ദീൻ ദാരിമി,വി.എം ഇബ്രാഹിം ഹാജി കുണിയ , മൊയ്തു  മൗലവി ബാഖവി, സി.കെ.കെ മാണിയൂർ, സയ്യിദ് ഹാദി തങ്ങൾ, പി.എസ്  ഇബ്രാഹിം ഫൈസി, ഹുസൈൻ തങ്ങൾ മാസ്തിക്കുണ്ട്,
മുബാറക് ഹസൈനാർ ഹാജി, കല്ലട്ര അബ്ബാസ് ഹാജി, അസീസ് അഷ്റഫി പാണത്തൂർ, സി എം അബ്ദുൽ ഖാദർ ഹാജി, സോളാർ കുഞ്ഞഹമ്മദ് ഹാജി, വടക്കൻ കുഞ്ഞബ്ദുല്ല ഹാജി, എഞ്ചിനിയർ ശരീഫ്, ഫസൽ തങ്ങൾ, ഹമീദ് കുണിയ,സിറാജ് ഖാസിലേൻ, ഹംസ ഹാജി പള്ളിപ്പുഴ, അബൂബക്കർ സാലൂദ് നിസാമി, ഹാരിസ് ദാരിമി, മുഹമ്മദ് സഅദി, സുബൈർ ദാരിമി, ഇർശാദ് ഹുദവി ചടങ്ങിൽ സംബന്ധിച്ചു.

Samastha Kerala Jem-iyyathul Ulama is a prominent Islamic organization in Kerala, India, that focuses on spiritual guidance and salvation. The organization's primary objective is to provide spiritual enlightenment and promote Islamic values among its followers, with the ultimate goal of achieving spiritual salvation in the hereafter [1].