തിരുവനന്തപുരം: സിപിഎം നേതാവും മുൻമന്ത്രിയുമായ കടകംപള്ളി സുരേന്ദ്രനെതിരെ ഡിജിപിയ്ക്ക് പരാതി. സ്ത്രീകളോട് മോശമായി പെരുമാറി എന്നാണ് കേസ്. മന്ത്രിയായിരുന്ന കാലത്ത് കടകംപള്ളി സുരേന്ദ്രൻ മോശമായി പെരുമാറിയെന്ന് കാണിച്ച് പോത്തൻകോടി സ്വദേശിയായ പൊതുപ്രവർത്തകനും കോൺഗ്രസ് നേതാവുമായ മുനീറാണ് പരാതി നൽകിയത്.

കടകംപള്ളി സുരേന്ദ്രൻ തന്നോട് മോശമായി സംസാരിക്കുകയും സമീപിക്കുകയും ചെയ്തുവെന്ന് സ്വപ്ന സുരേഷ് വെളിപ്പെടുത്തിയിരുന്നു. ഈ വെളിപ്പെടുത്തലിന്റെ അടിസ്ഥാനത്തിൽ കടംപള്ളിക്കെതിരെ കേസെടുക്കണമെന്നാണ് പരാതിയിൽ ആവശ്യപ്പെട്ടിട്ടുള്ളത്. രാഹുൽ മാങ്കൂട്ടത്തിലിനെതിരെ യുവതികളുടെ വെളിപ്പെടുത്തലിന്റെ അടിസ്ഥാനത്തിൽ പൊലിസ് കേസെടുത്തിരുന്നു. പ്രത്യേക അന്വേഷണ സംഘം രാഹുൽ മാങ്കൂട്ടത്തിലിനെതിരെ അന്വേഷണം നടത്തുന്നതിനിടെയാണ് സിപിഎം നേതാവിനെതിരെ സമാന പരാതിയെത്തുന്നത്. 

കടകംപള്ളി സുരേന്ദ്രനെതിരെ വെളിപ്പെടുത്തൽ നടത്തിയ സ്ത്രീകളെ കണ്ടെത്തി അവരുടെ മൊഴി രേഖപ്പെടുത്തി കേസെടുക്കണമെന്നാണ് ഡിജിപിയ്ക്ക് നൽകിയ പരാതിയിൽ പരാതിക്കാരൻ മുനീർ ആവശ്യം ഉന്നയിച്ചിരിക്കുന്നത്.