ന്യൂഡൽഹി: ഇന്ത്യൻ സൂപ്പർ ലീഗ് ഫുട്‌ബോൾ ഡിസംബറിൽ തന്നെ നടക്കും. സുപ്രിം കോടതി പുതിയ സീസണിന് അനുമതി നൽകിയിരിക്കുകയാണ്. സൂപ്പർ കപ്പും മറ്റ് ആഭ്യന്തര ടൂർണമെന്റുകളും എ.ഐ.എഫ്.എഫിന്റെ നേതൃത്വത്തിൽ തന്നെ നടത്താനും കോടതി നിർദേശിച്ചു. 2025-26 ഫുട്‌ബോൾ സീസൺ കൃത്യ സമയത്ത് തന്നെ നടക്കുന്നുണ്ടെന്ന് ഉറപ്പാക്കണമെന്നും കോടതി പറഞ്ഞു. ഐ.എസ്.എല്ലിന്റെ സ്‌പോൺസർമാർക്കായി സുതാര്യമായ രീതിയിൽ ടെണ്ടർ നടപടികൾ നടത്തണമെന്ന് ജസ്റ്റിസുമാരായ പി.എസ് നരസിംഹ, ജോയ്മല്യ ബഗ്ച്ചി എന്നിവർ നിർദേശിച്ചു. 

ഐ.എസ്.എൽ സ്‌പോൺസറും പാർട്ണറുമായിരുന്ന എഫ്.എസ്.ഡി.എൽ പിൻമാറാൻ സന്നദ്ധത അറിയിച്ചിരുന്നു. ഈ സാഹചര്യത്തിലാണ് പുതിയ സ്‌പോൺസറെ കണ്ടെത്തുന്നത്. സൂപ്പർ കപ്പോടെയായിരിക്കും ഈ സീസണിന് തുടക്കമാവുക. ഒക്ടോബർ 15ന് അതുപോലെ പുതിയ ടെണ്ടർ നടപടികൾ പൂർത്തിയാക്കും. ഫിഫയുടെയും എ.എഫ്.സിയുടെയും നിയമങ്ങൾ പാലിച്ചുകൊണ്ടായിരിക്കും ടെണ്ടർ വിളിക്കുക. എല്ലാ സാമ്പത്തിക ബാധ്യതകളും തീർത്തുവെന്നും എഫ്.എസ്.ഡി.എൽ പറഞ്ഞു. ടെണ്ടർ നടപടികൾ സുതാര്യമാണെന്ന് ഉറപ്പാക്കാൻ സുപ്രിം കോടതിയുടെ നേതൃത്വത്തിൽ ജഡ്ജിമാർ ഉണ്ടാവും. എൽ.നാഗേശ്വര റാവുവാണ് നടപടികൾ പരിശോധിക്കുക. സഹായത്തിന് പ്രൊഫഷനലുകളെ അദ്ദേഹത്തിന് നിയമിക്കാം.

ALSO READ: യുഎഇ ക്രിക്കറ്റ് ടീം ക്യാപ്റ്റനായിരുന്ന മലയാളി താരം റിസ്‌വാന്‍ വിരമിച്ചു; രാജ്യാന്തര ക്രിക്കറ്റില്‍ സെഞ്ച്വറി നേടിയ ആദ്യ മലയാളിതാരം | CP Rizwan Retirement

ഐ.എസ്.എൽ ക്ലബുകൾ എ.ഐ.എഫ്.എഫിനെ ഓഗസ്റ്റ് ഏഴിന് കാണും. സുപ്രിം കോടതിയുടെ വിധി വന്ന പശ്ചാത്തലത്തിലാണിത്. മുന്നൊരുക്കത്തിന് 60 ദിവസമാണ് ക്ലബുകൾ ആവശ്യപ്പെട്ടിരിക്കുന്നത്. അതിന് ശേഷം മാത്രമേ ഐ.എസ്.എൽ തുടങ്ങാനാവൂ.

Supreme Court approves ISL matches to be held in December