എമിറാത്തി ഹൈസ്കൂൾ ബിരുദധാരികൾക്ക് വ്യോമയാന മേഖലയിൽ കരിയർ ആരംഭിക്കാനുള്ള അവസരം ഒരുക്കി ഫ്ലൈദുബൈ. കമ്പനിയുടെ എയർക്രാഫ്റ്റ് മെയിന്റനൻസ് ആൻഡ് എഞ്ചിനീയറിങ് അപ്രന്റീസ്ഷിപ്പ് പ്രോഗ്രാമിനായുള്ള അപേക്ഷകൾ ക്ഷണിച്ചു.

എയർലൈനിന്റെ യുഎഇ ദേശീയ വികസന സംരംഭങ്ങളുടെ ഭാഗമാണ് പൂർണമായും സ്പോൺസർ ചെയ്ത നാല് വർഷത്തെ പരിപാടി. യുവ എമിറാറ്റികളെ സർട്ടിഫൈഡ് എയർക്രാഫ്റ്റ് ടെക്നീഷ്യന്മാരാകാൻ സജ്ജമാക്കുന്നതിനുള്ള ക്ലാസ് റൂം പഠനവും പ്രായോഗിക പരിശീലനവും ഈ കോഴ്സിൽ നൽകുന്നുണ്ട്. 

അപേക്ഷിക്കാൻ യോഗ്യരായവർ:

1) 17 മുതൽ 24 വയസ്സുവരെയുള്ള യുഎഇ പൗരന്മാർ.

2) ഹൈസ്കൂൾ ബിരുദധാരികൾ, യോഗ്യതാ മാനദണ്ഡങ്ങൾ പാലിക്കുന്നവർ.

ALSO READ: സഊദി സന്ദർശനത്തിനായി യുഎഇ പ്രസിഡന്റ് റിയാദിലെത്തി; വിമാനത്താവളത്തിലെത്തി സ്വീകരിച്ചു സഊദി കിരീടാവകാശി

പ്രോഗ്രാമിന്റെ പ്രത്യേകതകൾ:

1) നാലുവർഷത്തെ സൈദ്ധാന്തികവും പ്രായോഗികവുമായ പരിശീലനം.

2) ഫ്ലൈദുബൈയുടെ മെയിന്റനൻസ് ആൻഡ് എഞ്ചിനീയറിങ് ടീമിനൊപ്പം പ്രവർത്തനക്ഷമമായ വിമാനങ്ങളിൽ പ്രവർത്തിക്കാനുള്ള അവസരം.

3) പരിശീലന പുരോഗതി രേഖപ്പെടുത്തുന്ന ഔദ്യോഗിക ലോഗ്ബുക്ക്.

4) ജിസിഎഎയുടെ എയർക്രാഫ്റ്റ് മെയിന്റനൻസ് എഞ്ചിനീയർ ലൈസൻസിന് (AMEL) അപേക്ഷിക്കാനുള്ള യോഗ്യത.

5) ഫ്ലൈദുബൈയിൽ സർട്ടിഫൈഡ് എയർക്രാഫ്റ്റ് ടെക്നീഷ്യനായി ജോലി നേടാനുള്ള അവസരം.

ഈ സംരംഭം എയർലൈനിന്റെ വളർച്ചക്ക് ആവശ്യമായ പ്രാദേശിക പ്രതിഭകളെ വളർത്തിയെടുക്കാൻ ലക്ഷ്യമിടുന്നു. “യുഎഇ ദേശീയ പ്രതിഭകളുടെ വികസനത്തിൽ നിക്ഷേപം നടത്താനും, വ്യോമയാന മേഖലയിൽ ദീർഘകാല കരിയർ നിർമ്മിക്കാനുള്ള അവസരം അടുത്ത തലമുറയ്ക്ക് ഒരുക്കുന്നതിനും ഞങ്ങൾ പ്രതിജ്ഞാബദ്ധരാണ്,” ഫ്ലൈദുബൈയുടെ സീനിയർ വൈസ് പ്രസിഡന്റ് ഓഫ് ഹ്യൂമൻ റിസോഴ്സസ് നാസർ ബിൻഖർബാഷ് വ്യക്തമാക്കി.

ALSO READ: സഊദി അധികൃതർ നൽകിയ രഹസ്യവിവരം; സസ്യ എണ്ണ കപ്പലിൽ ഒളിപ്പിച്ച 125 കിലോഗ്രാം കൊക്കെയ്ൻ പിടിച്ചെടുത്ത് ലെബനൻ

ഇതിനോടകം തന്നെ എയർലൈനിന്റെ ആദ്യ ബാച്ച് അപ്രന്റീസുകൾ പരിശീലനം പൂർത്തിയാക്കിയിട്ടുണ്ട്. പുതിയ ബാച്ചിലൂടെ, വളർന്നുവരുന്ന ഫ്ലീറ്റിനെ പിന്തുണയ്ക്കാൻ പ്രാദേശിക എഞ്ചിനീയർമാരുടെ എണ്ണം വർധിപ്പിക്കാനും ഫ്ലൈദുബൈ ലക്ഷ്യമിടുന്നുണ്ട്.

2025 സെപ്തംബറിൽ എയർലൈനിന്റെ കരിയർ പോർട്ടൽ വഴി പ്രോഗ്രാമിനുള്ള അപേക്ഷകൾ ആരംഭിക്കും. പൈലറ്റ് പരിശീലനം, കേഡറ്റ് പ്രോഗ്രാമുകൾ, ഇന്റേൺഷിപ്പുകൾ എന്നിങ്ങനെ യുഎഇ പൗരന്മാർക്കായി ഫ്ലൈദുബൈ മറ്റ് വികസന പദ്ധതികളും നടത്തുന്നുണ്ട്.

flydubai has announced the opening of applications for its Aircraft Maintenance and Engineering Apprenticeship program, offering Emirati high school graduates a chance to kick-start their careers in aviation. This fully sponsored, four-year program combines theoretical learning with hands-on training, preparing young Emiratis to become certified aircraft technicians.