ന്യൂഡല്‍ഹി: ഖത്തര്‍ അംബാസഡറായിരുന്ന മുതിര്‍ന്ന ഐ.എഫ്.എസ് ഉദ്യോഗസ്ഥന്‍ ദീപക് മിത്തലിനെ യു.എ.ഇയിലേക്കുള്ള ഇന്ത്യയുടെ പുതിയ അംബാസഡറായി വിദേശകാര്യ മന്ത്രാലയം നിയമിച്ചു. 2021 മുതല്‍ യു.എ.ഇയിലെ അംബാസഡറായി സേവനമനുഷ്ഠിക്കുന്ന സഞ്ജയ് സുധീറിന് പകരക്കാരനായാണ് ദീപക് മിത്തല്‍ അബൂദബിയിലേക്കെത്തുന്നത്. 1998 ബാച്ചിലെ ഐ.എഫ്.എസ് ഉദ്യോഗസ്ഥനാണ് ദീപക് മിത്തല്‍.  
അഫ്ഗാനിസ്ഥാനില്‍ നിന്ന് യു.എസ് അധിനിവേശസൈന്യം പിന്‍മാറിയതിന് പിന്നാലെ താലിബാനുമായി ഇന്ത്യ പുലര്‍ത്തിവന്ന നയതന്ത്രചര്‍ച്ചകള്‍ക്ക് നേതൃത്വം നല്‍കിയത്, ദോഹയിലെ ഇന്ത്യന്‍ എംബസിയിലിരിക്കെ ദീപക് മിത്തലായിരുന്നു. നരേന്ദ്രമോദി സര്‍ക്കാരിന്റെ നിര്‍ദേശപ്രകാരം 2021ല്‍ ദോഹയിലെ താലിബാന്റെ രാഷ്ട്രീയകാര്യാലയം മേധാവി ഷേര്‍ മുഹമ്മദ് അബ്ബാസ് സ്താനെക്‌സായിയുമായി കൂടിക്കാഴ്ച നടത്തി പുതിയ അധ്യായത്തിന് ദീപക് മിത്തല്‍ തുടക്കമിട്ടു. 1972ലാണ് യു.എ.ഇയുമായി ഇന്ത്യ നയതന്ത്രബന്ധം സ്ഥാപിച്ചത്. നിലവില്‍ ഇന്ത്യക്കാര്‍ ഏറ്റവും കുടുതല്‍ ജോലിചെയ്യുന്ന വിദേശരാജ്യമായ യു.എ.ഇ, ഇന്ത്യയുടെ അടുത്ത സുഹൃദ് രാജ്യങ്ങളിലൊന്നാണ്. 43 ലക്ഷം പ്രവാസ ഇന്ത്യക്കാരാണ് യു.എ.ഇയിലുള്ളത്.

The Ministry of External Affairs has appointed Deepak Mittal as the next Ambassador of India to the United Arab Emirates. The IFS officer from the 1998 batch has previously served as India's ua to Qatar.