ദോഹ: ഞായറാഴ്ച (സെപ്റ്റംബർ 7) അൽ തുറയ പ്ലാനറ്റോറിയത്തിൽ നടക്കുന്ന ചന്ദ്രഗ്രഹണ പരിപാടിയിലേക്ക് പൊതുജനങ്ങളെ ക്ഷണിച്ച് കത്താറ കൾച്ചറൽ വില്ലേജ്.

"ഏറ്റവും ആകർഷകമായ ആകാശ സംഭവങ്ങളിലൊന്നിന് സാക്ഷ്യം വഹിക്കാൻ നക്ഷത്രങ്ങൾക്കു കീഴെ മറക്കാനാവാത്ത ഒരു രാത്രിയിൽ ഞങ്ങളോടൊപ്പം ചേരൂ," കത്താറ സമൂഹ മാധ്യമങ്ങളിൽ കുറിച്ചു. 

ALSO READ: മെട്രോ സമയം ദീർഘിപ്പിച്ചു; നബിദിനത്തിലെ പ്രവൃത്തി സമയം പ്രഖ്യാപിച്ച് ആർടിഎ

വൈകിട്ട് 7 മണി മുതൽ 11 മണി വരെ കത്താറയിലെ അൽ തുറയ്യ പ്ലാനറ്റേറിയം - ബിൽഡിംഗ് 41-ലെ അപ്പർ ആംഫിതിയേറ്ററിലാണ് പരിപാടി നടക്കുന്നത്. 

ഖത്തർ മ്യൂസിയംസും ഖത്തർ കലണ്ടർ ഹൗസും സംയുക്തമായി മ്യൂസിയം ഓഫ് ഇസ്‌ലാമിക്‌ ആർട്ട് പാർക്കിൽ സംഘടിപ്പിക്കുന്ന പൊതു ചന്ദ്രഗ്രഹണ നിരീക്ഷണ പരിപാടിയോട് അനുബന്ധിച്ചാണ് ഈ പരിപാടിയും നടക്കുന്നത്.

ഞായറാഴ്ച നടക്കുന്ന പൂർണ ചന്ദ്രഗ്രഹണം കാണാനാണ് രണ്ട് പരിപാടികളും ലക്ഷ്യമിടുന്നത്. പൗരന്മാർക്കും താമസക്കാർക്കും ഗ്രഹണത്തിന്റെ എല്ലാ ഘട്ടങ്ങളും കാണാൻ അവസരമുണ്ടാകും.

ALSO READ: ഏവിയേഷൻ മേഖലയിൽ ജോലി അന്വേഷിക്കുന്നവർക്ക് ഇത് സുവർണാവസരം; എയർക്രാഫ്റ്റ് ടെക്നീഷ്യൻ തസ്തികകളിലേക്ക് അപേക്ഷകൾ ക്ഷണിച്ച് ഫ്ലൈദുബൈ

വൈകിട്ട് 7:27-ന് ചന്ദ്രഗ്രഹണത്തിന്റെ ഭാഗിക ഘട്ടം ആരംഭിക്കും, തുടർന്ന് 8:31-ന് പൂർണ ഗ്രഹണം ആരംഭിക്കും. ദോഹ സമയം രാത്രി 9:12-ന് ഗ്രഹണം അതിന്റെ ഉച്ചസ്ഥായിയിൽ എത്തും. 9:53-ന് പൂർണ ഗ്രഹണം അവസാനിക്കും, അവസാന ഭാഗിക ഘട്ടം 10:56-ന് പൂർത്തിയാകും.

ആഫ്രിക്ക, മിഡിൽ ഈസ്റ്റ്, യൂറോപ്പ്, ഏഷ്യ, ഓസ്‌ട്രേലിയ എന്നിവിടങ്ങളിലെ മിക്ക പ്രദേശങ്ങളിലും ഈ ചന്ദ്രഗ്രഹണം ദൃശ്യമാകും.

Katara Cultural Village is hosting a lunar eclipse program at the Al Thuraya Planetarium on Sunday, September 7, 2025. The event will take place from 7 PM to 11 PM at the Upper Amphitheater, Building 41. This astronomy event is open to the public, offering a unique opportunity to witness the lunar eclipse in a fascinating setting. Don't miss this chance to explore the wonders of the universe ¹.