ദുബൈ: ഇന്ന് നബി ദിനത്തോടനുബന്ധിച്ച് പ്രഖ്യാപിച്ച പൊതു അവധി ദിനത്തിലെ പ്രവര്‍ത്തന സമയം ദുബൈയിലെ ജനറല്‍ ഡയരക്ടറേറ്റ് ഓഫ് ഐഡന്റിറ്റി ആന്‍ഡ് ഫോറീനേഴ്‌സ് അഫയേഴ്‌സ് (ജി.ഡി.ആര്‍.എഫ്.എ) പ്രഖ്യാപിച്ചു. പൊതുജനങ്ങള്‍ക്ക് ഇടപാടുകളില്‍ സൗകര്യവും സേവനങ്ങളുടെ തുടര്‍ച്ചയും ഉറപ്പാക്കുന്നതിന്റെ ഭാഗമായാണിത്.

നബി ദിന അവധിയില്‍ ദുബൈ അന്താരാഷ്ട്ര വിമാനത്താവളത്തിലെ ടെര്‍മിനല്‍3 (അറൈവല്‍സ് ഹാള്‍) കസ്റ്റമര്‍ ഹാപിനസ് സെന്റര്‍ 24 മണിക്കൂറും (24/7) സാധാരണ രീതിയില്‍ പ്രവര്‍ത്തിക്കുമെന്ന് അധികൃതര്‍ അറിയിച്ചു. ഇത് യാത്രക്കാര്‍ക്കും ഉപയോക്താക്കള്‍ക്കും തടസ്സമില്ലാത്ത സേവനങ്ങള്‍ ഉറപ്പാക്കും. അതോടൊപ്പം, അല്‍ അവീര്‍ കസ്റ്റമര്‍ ഹാപിനസ് സെന്റര്‍ രാവിലെ 6 മുതല്‍ രാത്രി 10 വരെ പ്രവര്‍ത്തിക്കുന്നതാണ്.

ഡിജിറ്റല്‍ സേവനങ്ങളിലൂടെ തടസ്സമില്ലാതെ ഇടപാടുകള്‍ നടത്താന്‍ ആഗ്രഹിക്കുന്നവര്‍ക്ക്  ഔദ്യോഗിക വെബ്‌സൈറ്റ്,  മൊബൈല്‍ ആപ്പുകള്‍ വഴി സേവനം ലഭ്യമാണ്. വിസ, റെസിഡന്‍സി, മറ്റ് എമിഗ്രേഷന്‍ സേവനങ്ങള്‍ എന്നിവയുമായി ബന്ധപ്പെട്ട എന്ത് അന്വേഷണങ്ങള്‍ക്കും 24 മണിക്കൂറും പ്രവര്‍ത്തിക്കുന്ന ആമര്‍ കോള്‍ സെന്ററിലേക്ക് 800 5111 എന്ന ടോള്‍ ഫ്രീ നമ്പറില്‍ ബന്ധപ്പെടാവുന്നതാണ്. നബിദിനത്തോടനുബന്ധിച്ച് യു.എ.ഇ ഭരണാധികാരികള്‍ക്കും ജനങ്ങള്‍ക്കും ജി.ഡി.ആര്‍.എഫ്.എ ദുബൈ ഹൃദയം നിറഞ്ഞ ആശംസ നേര്‍ന്നു.

 The General Directorate of Identity and Foreigners Affairs in Dubai (GDRFA Dubai) has announced the working hours of its Customer Happiness Centers during the Prophet Muhammad’s birthday holiday, which falls on Friday, September 5, 2025, reaffirming its commitment to facilitating public transactions and ensuring continuity of services.