ഗുജറാത്ത്: ഗുജറാത്തിലെ ജുനാഗഡിലെ ആല്‍ഫ ഇന്റര്‍നാഷണല്‍ സ്‌കൂളിന്റെ ഹോസ്റ്റലില്‍ നിന്നുള്ള റാഗിങ് ദൃശ്യങ്ങള്‍ സമൂഹ മാധ്യമങ്ങളില്‍ വൈറല്‍. പിന്നാലെ കേസുമായി മാതാപിതാക്കളും. ഒരു വിദ്യാര്‍ത്ഥിയെ അഞ്ചോ ആറോ സഹപാഠികള്‍ ചേര്‍ന്ന് മര്‍ദ്ദിക്കുന്ന വീഡിയോയാണ് പുറത്തുവന്നിരിക്കുന്നത്.

ഒന്നര മാസത്തിന് ശേഷമാണ് സംഭവത്തിന്റെ വിഡിയോ പുറത്ത് വന്നതെന്ന് റിപോര്‍ട്ടുകള്‍ പറയുന്നത്. ഇതിന് പിന്നാലെയാണ് വിദ്യാര്‍ത്ഥിയുടെ മാതാപിതാക്കള്‍ പരാതി നല്‍കിയത്. പോലിസും ജില്ലാ വിദ്യാഭ്യാസ ഓഫിസറും അന്വേഷണം ആരംഭിച്ചെന്നും സംഭവത്തില്‍ ഉള്‍പ്പെട്ട വിദ്യാര്‍ത്ഥികളെ ഹോസ്റ്റലില്‍ നിന്നു പുറത്താക്കിയെന്നുമാണ് റിപോര്‍ട്ടുകള്‍ പറയുന്നത്.

11, 12 ക്ലാസുകളിലെ വിദ്യാര്‍ത്ഥികള്‍ തമ്മില്‍ 2025 ജൂലൈ 26ന് കായിക വിനോദവുമായി ബന്ധപ്പെട്ട വിഷയത്തില്‍ പരസ്പരം തര്‍ക്കിച്ചിരുന്നു. ഇത് പിന്നീട് ഹോസ്റ്റലില്‍ വച്ച് ചോദ്യം ചെയ്യുകയും അത് സംഘര്‍ഷത്തില്‍ എത്തുകയുമായിരുന്നുവെന്നാണ് റിപോര്‍ട്ടുകള്‍ പറയുന്നത്.

ALSO READ: കുന്നംകുളത്ത് കോൺഗ്രസ് നേതാവിനെ മർദിച്ച സംഭവം: തിരുവോണനാളിലും പ്രതിഷേധം; ഡിഐജി ഓഫീസിലേക്ക് യൂത്ത് കോൺഗ്രസ് ഇന്ന് മാർച്ച് നടത്തും

ഹോസ്റ്റലില്‍ വച്ച് വഴക്ക് കൂടുതല്‍ വഷളാവുകയും മറ്റ് വിദ്യാര്‍ത്ഥികള്‍ സംഘം ചേര്‍ന്ന് സഹപാഠിയെ ആക്രമിക്കുകയുമായിരുന്നു. കുട്ടികള്‍ തമ്മിലുള്ള സംഘര്‍ഷത്തിന്റെ വിഡിയോ ഒന്നര മാസത്തിന് ശേഷമാണ് സമൂഹ മാധ്യമങ്ങളിലൂടെ പുറത്തു വന്നിരിക്കുന്നത്. വിഡിയോ പുറത്ത് വരുന്നത് വരെ കുട്ടി സംഘര്‍ഷത്തെ കുറിച്ച് വീട്ടുകാരോട് പറഞ്ഞിരുന്നില്ലെന്നും വിഡിയോ കണ്ടതിന് ശേഷം കുട്ടിയുടെ അച്ഛനമ്മമാര്‍ സംഭവം അന്വേഷിക്കണമെന്ന് ആവശ്യപ്പെട്ട് കേസ് നല്‍കുകയായിരുന്നെന്നും പറയുന്നു.

 വിഡിയോയില്‍ അഞ്ചോ ആറോ വിദ്യാര്‍ത്ഥികള്‍ ചേര്‍ന്ന് സഹപാഠിയായ മറ്റൊരു വിദ്യാര്‍ത്ഥിയുടെ തലയ്ക്കും മുഖത്തും ക്രൂരമായി മര്‍ദ്ദിക്കുകയും ചവിട്ടിക്കൂട്ടുകയും ചെയ്യുന്നതിന്റെ ദൃശ്യങ്ങള്‍ ആണുളളത്.

a shocking case of ragging from alfa international school, junagadh, gujarat, has gone viral on social media. the video shows a group of 5–6 students assaulting a fellow student inside the school hostel. reports say the incident occurred on 26 july 2025 following a dispute over sports activities between class 11 and class 12 students. the matter escalated into physical assault inside the hostel.