കേരളത്തില്‍ സര്‍ക്കാര്‍ ഫാര്‍മസി കോളജുകള്‍, സ്വാശ്രയ ഫാര്‍മസി കോളജുകളില്‍ എന്നിവയില്‍ പോസ്റ്റ് ഗ്രാജ്വേറ്റ് (എംഫാം) കോഴ്‌സുകള്‍ക്ക് പ്രവേശനത്തിന് അപേക്ഷ ക്ഷണിച്ചു. നാല് സെമസ്റ്ററുകളിലായി രണ്ട് വര്‍ഷമാണ് കോഴ്‌സിന്റെ കാലാവധി. 

സര്‍ക്കാര്‍ = തിരുവനന്തപുരം, കണ്ണൂര്‍, കോഴിക്കോട് മെഡിക്കല്‍ കോളജുകളില്‍ ഫാര്‍മസി കോഴ്‌സുകളുണ്ട്. സ്വകാര്യ മേഖലയില്‍ 28 കോളജുകളില്‍ പ്രോഗ്രാമുകള്‍ ലഭ്യമാണ്. ഓരോ സ്വാശ്രയ ഫാര്‍മസി കോളജുകളിലെയും 50 ശതമാനം സീറ്റ് സര്‍ക്കാര്‍ ക്വാട്ടയില്‍ ലഭ്യമാണ്. 

യോഗ്യത

അംഗീകത സ്ഥാപനത്തില്‍ നിന്ന് ബിഫാം പൂര്‍ത്തിയാക്കിയവര്‍ക്ക് അപേക്ഷിക്കാം. ബിരുദം കേരള യൂണിവേഴ്‌സിറ്റി ഓഫ് ഹെല്‍ത്ത് സയന്‍സ് അംഗീകരിച്ചതായിരിക്കണം. 

ബിഫാമിന്റെ രണ്ട്, മൂന്ന്, നാല് വര്‍ഷ പരീക്ഷകളിലായി മൊത്തം 55 ശതമാനം മാര്‍ക്കോടെ വിജയിച്ചിരിക്കണം. പട്ടിക വിഭാഗക്കാര്‍ക്ക് 50 ശതമാനം മാര്‍ക്ക് മതി. 

ALSO READ: സ്കോൾ-കേരള ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ (ഡി.സി.എ) പ്രവേശന തീയതികൾ ദീർഘിപ്പിച്ചു  

അപേക്ഷ ഫീസ്

ജനറല്‍ സര്‍വീസ് വിഭാഗക്കാര്‍ക്ക് 600 രൂപയും, പട്ടിക വിഭാഗക്കാര്‍ക്ക് 300 രൂപയുമാണ് അപേക്ഷ ഫീസ്. 

അപേക്ഷ

വിശദമായ അപേക്ഷ വിവരങ്ങള്‍ www.cee.kerala.gov.in ല്‍ ലഭ്യമാണ്. സെപ്റ്റംബര്‍ 10 വരെ ഓണ്‍ലൈന്‍ അപേക്ഷ നല്‍കാം. വിശദമായ പ്രോസ്‌പെക്ടസും, മാനദണ്ഡങ്ങളും വെബ്‌സൈറ്റില്‍ ലഭ്യമാണ്. 

കൂടുതല്‍ Career വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

പി.ജി. ദന്തൽ സ്‌ട്രേ വേക്കൻസി

2025-26 അദ്ധ്യയന വർഷത്തെ പി.ജി. ദന്തൽ കോഴ്സുകളിലേക്കുള്ള സ്‌ട്രേ വേക്കൻസി അലോട്ട്‌മെന്റ് www.cee.kerala.gov.in ൽ പ്രസിദ്ധീകരിച്ചു. അലോട്ട്‌മെന്റ് സംബന്ധിച്ച വിവരങ്ങൾ വിദ്യാർത്ഥികളുടെ ഹോം പേജിൽ ലഭിക്കും. നിലവിൽ അലോട്ട്‌മെന്റ് ലഭിച്ച വിദ്യാർത്ഥികൾ അലോട്ട്‌മെന്റ് ലഭിച്ച കോളേജുകളിൽ സെപ്റ്റംബർ 8 ഉച്ചയ്ക് 12 മണിക്കകം പ്രവേശനം നേടണം. നിശ്ചിത സമയത്തിനുള്ളിൽ കോളേജുകളിൽ ഹാജരായി പ്രവേശനം നേടാത്ത വിദ്യാർത്ഥികളുടെ അലോട്ട്മെന്റ് റദ്ദാകും. വിശദവിവരങ്ങൾക്ക്: www.cee.kerala.gov.in, 0471 2332120, 2338487.

ബി.ടെക്/ബി.ആർക്ക് സ്‌പോട്ട് അഡ്മിഷൻ 

സംസ്ഥാനത്തെ 9 സർക്കാർ എൻജിനീയറിംഗ് കോളേജുകളിലേക്കും 3 എയ്ഡഡ് എൻജിനീയറിംഗ് കോളേജുകളിലേക്കും 2025-26 വർഷത്തെ ബി.ടെക്/ബി.ആർക്ക് കോഴ്‌സിലെ ഒഴിവുള്ള സീറ്റുകളിലേക്ക് സെപ്റ്റംബർ 9 ന് സ്‌പോട്ട് അഡ്മിഷൻ നടത്തും. 2025 ലെ കീം റാങ്ക് പട്ടികയിൽ ഉൾപ്പെട്ട എല്ലാ വിദ്യാർഥികൾക്കും തൃശൂർ സർക്കാർ എൻജിനീയറിംഗ് കോളേജിൽ സ്‌പോട്ട് അഡ്മിഷനിൽ പങ്കെടുക്കാം. ഒഴിവുകൾ അറിയുന്നതിനും വിശദവിവരങ്ങൾക്കും: www.gectcr.ac.in.