പാലക്കാട്: സംസ്ഥാനത്ത്  ട്രെയിനുകള്‍ക്ക് നിയന്ത്രണമുള്ളതായി റെയില്‍വേ അറിയിച്ചു. തിരുവനന്തപുരം ഡിവിഷന്‍ പരിധിയിലെ റെയില്‍വേ ട്രാക്കില്‍ പണികള്‍ നടക്കുന്നതിനാലാണ് ട്രെയിന്‍ സര്‍വിസുകള്‍ക്ക് നിയന്ത്രണം ഏര്‍പ്പെടുത്തിയിരിക്കുന്നത്. ചില സര്‍വീസുകള്‍ പൂര്‍ണമായി റദ്ദാക്കിയിട്ടുണ്ട്. റദ്ദാക്കിയ ട്രെയിനുകളും വഴിതിരിച്ചുവിടുന്നവയും അറിയാം

പൂര്‍ണമായി റദ്ദാക്കിയത്
ട്രെയിന്‍ നമ്പര്‍ 56605 ഷൊര്‍ണൂര്‍ ജങ്ഷന്‍-തൃശൂര്‍ പാസഞ്ചര്‍ ഒക്ടോബര്‍ ഏഴിന്.

ഭാഗികമായി റദ്ദാക്കിയത്
സെപ്റ്റംബര്‍ 18, 22, 26, 29 തീയതികളില്‍ ട്രെയിന്‍ നമ്പര്‍ 16325 നിലമ്പൂര്‍-കോട്ടയം എക്‌സ്പ്രസ് തൃപ്പൂണിത്തുറയില്‍ യാത്ര അവസാനിപ്പിക്കും. (ഈ ട്രെയിന്‍ സര്‍വിസ് തൃപ്പൂണിത്തുറക്കും കോട്ടയത്തിനും ഇടയില്‍ ഭാഗികമായി റദ്ദാക്കും)

സെപ്റ്റംബര്‍ 19ന് ട്രെയിന്‍ നമ്പര്‍ 12695 ഡോ. എം.ജി.ആര്‍. ചെന്നൈ സെന്‍ട്രല്‍-തിരുവനന്തപുരം സെന്‍ട്രല്‍ സൂപ്പര്‍ഫാസ്റ്റ് എക്‌സ്പ്രസ് കോട്ടയത്ത് യാത്ര അവസാനിപ്പിക്കും. (കോട്ടയത്തിനും തിരുവനന്തപുരം സെന്‍ട്രലിനും ഇടയില്‍ സര്‍വിസ് ഭാഗികമായി റദ്ദാക്കും)

ആലപ്പുഴ വഴി തിരിച്ചുവിടുന്ന ട്രെയിനുകള്‍
*ട്രയിന്‍ നമ്പര്‍ 16343 തിരുവനന്തപുരം സെന്‍ട്രല്‍-മധുര ജങ്ഷന്‍ അമൃത എക്സ്പ്രസ് സെപ്തംബര്‍ 20ന് തിരുവനന്തപുരം സെന്‍ട്രലില്‍നിന്ന് ആരംഭിക്കുന്ന യാത്ര മാവേലിക്കര, ചെങ്ങന്നൂര്‍, തിരുവല്ല, ചങ്ങനാശ്ശേരി, കോട്ടയം എന്നിവിടങ്ങളിലെ സ്റ്റോപ്പുകള്‍ ഒഴിവാക്കി ആലപ്പുഴ വഴി തിരിച്ചുവിടും. ഹരിപ്പാട്, അമ്പലപ്പുഴ, ആലപ്പുഴ, ചേര്‍ത്തല, എറണാകുളം ജങ്ഷന്‍ എന്നിവിടങ്ങളില്‍ സ്റ്റോപ്പുകള്‍ ഉണ്ടാവും.

*ട്രെയിന്‍ നമ്പര്‍ 22503 കന്യാകുമാരി-ദിബ്രുഗഢ് വിവേക് സൂപ്പര്‍ഫാസ്റ്റ് എക്‌സ്പ്രസ് സെപ്റ്റംബര്‍ 20ന് കന്യാകുമാരിയില്‍നിന്ന് ആരംഭിക്കുന്ന യാത്ര ചെങ്ങന്നൂരിലും കോട്ടയത്തും സ്റ്റോപ്പുകള്‍ ഒഴിവാക്കി ആലപ്പുഴ വഴി ഓടിക്കും. 
ആലപ്പുഴ, എറണാകുളം ജങ്ഷന്‍ എന്നിവിടങ്ങളില്‍ സ്റ്റോപ് അനുവദിക്കും.

ALSO READ: കൈയിൽ പണമില്ലെങ്കിലും ട്രെയിൻ ടിക്കറ്റ് ബുക്ക് ചെയ്യാം; റെയിൽവേയുടെ 'ഇപ്പോൾ ബുക്ക് ചെയ്യൂ, പിന്നീട് പണം നൽകൂ' സ്കീം

*ട്രെയിന്‍ നമ്പര്‍ 16347 തിരുവനന്തപുരം സെന്‍ട്രല്‍-മംഗളൂരു സെന്‍ട്രല്‍ എക്‌സ്പ്രസ് സെപ്റ്റംബര്‍ 20ന് തിരുവനന്തപുരത്തുനിന്ന് ആരംഭിക്കുന്ന യാത്ര മാവേലിക്കര, ചെങ്ങന്നൂര്‍, തിരുവല്ല, ചങ്ങനാശ്ശേരി, കോട്ടയം, പിറവം റോഡ് എന്നിവിടങ്ങളില്‍ സ്റ്റോപ്പുകള്‍ ഒഴിവാക്കി ആലപ്പുഴ വഴി ഓടിക്കും. 
ഹരിപ്പാട്, അമ്പലപ്പുഴ, ആലപ്പുഴ, ചേര്‍ത്തല, എറണാകുളം ജങ്ഷന്‍ എന്നിവിടങ്ങളില്‍ സ്റ്റോപ് അനുവദിക്കും.

ട്രെയിന്‍ നമ്പര്‍ 12624 തിരുവനന്തപുരം സെന്‍ട്രല്‍-ഡോ. എം.ജി.ആര്‍ ചെന്നൈ സെന്‍ട്രല്‍ സൂപ്പര്‍ഫാസ്റ്റ് എക്സ്പ്രസ് സെപ്റ്റംബര്‍ 20ന് തിരുവനന്തപുരത്തു നിന്ന് ആരംഭിക്കുന്ന യാത്ര മാവേലിക്കര, ചെങ്ങന്നൂര്‍, തിരുവല്ല, ചങ്ങനാശ്ശേരി, കോട്ടയം, തൃപ്പൂണിത്തുറ എന്നിവിടങ്ങളിലെ സ്റ്റോപ്പുകള്‍ ഒഴിവാക്കി ആലപ്പുഴ വഴി ഓടിക്കും. ആലപ്പുഴ, ചേര്‍ത്തല, എറണാകുളം ജങ്ഷന്‍ എന്നിവിടങ്ങളില്‍ അധിക സ്റ്റോപ്പുകളും ഒരുക്കും.

*ട്രെയിന്‍ നമ്പര്‍ 16312 തിരുവനന്തപുരം നോര്‍ത്ത്-ശ്രീ ഗംഗാനഗര്‍ പ്രതിവാര എക്സ്പ്രസ് സെപ്റ്റംബര്‍ 20ന് തിരുവനന്തപുരം നോര്‍ത്തില്‍നിന്ന് ആരംഭിക്കുന്ന യാത്ര ചെങ്ങന്നൂര്‍, തിരുവല്ല, കോട്ടയം എന്നിവിടങ്ങളിലെ സ്റ്റോപ്പുകള്‍ ഒഴിവാക്കി ആലപ്പുഴ വഴി തിരിച്ചുവിടും. 
ആലപ്പുഴ, എറണാകുളം ജങ്ഷന്‍ എന്നിവിടങ്ങളില്‍ സ്റ്റോപ് അനുവദിക്കും.

*ട്രെയിന്‍ നമ്പര്‍ 16319 തിരുവനന്തപുരം നോര്‍ത്ത്- ബംഗളൂരു ഹംസഫര്‍ ദ്വൈവാര എക്‌സ്പ്രസ്, സെപ്റ്റംബര്‍ 20ന് തിരുവനന്തപുരം നോര്‍ത്തില്‍നിന്ന് ആരംഭിക്കുന്ന യാത്ര ചെങ്ങന്നൂര്‍, തിരുവല്ല, കോട്ടയം എന്നിവിടങ്ങളിലെ സ്റ്റോപ്പുകള്‍ ഒഴിവാക്കി ആലപ്പുഴ വഴി ഓടിക്കും. 
ആലപ്പുഴ, എറണാകുളം ജങ്ഷന്‍ എന്നിവിടങ്ങളില്‍ സ്റ്റോപ് അനുവദിക്കും.

several train services in kerala cancelled and diverted due to track maintenance work in thiruvananthapuram railway division, says indian railways.