റിയാദ്: സഊദിയിലേക്ക് എത്തുന്ന ഇന്ത്യക്കാരുടെ എണ്ണത്തില്‍ വന്‍ വര്‍ധന. കഴിഞ്ഞ തൊണ്ണൂറ് ദിവസത്തിനിടെ രണ്ടര ലക്ഷം വിസയാണ് ഇന്ത്യയിലെ സഊദി കോണ്‍സുലേറ്റ് അനവദിച്ചത്. വിവിധ രാഷ്ട്രങ്ങളില്‍ നിന്നുള്ള 30 ലക്ഷത്തോളം ആളുകള്‍ക്ക് വിസ അനുവദിച്ചതായി സഊദി വിദേശ കാര്യ മന്ത്രാലയം അറിയിച്ചു. ഏപ്രില്‍, മേയ്, ജൂണ്‍ മാസങ്ങളിലായി ആകെ 29,47,550 വികളാണ് സഊദി അനുവദിച്ചത്. ഇന്തോനേഷ്യയിലെ ജക്കാര്‍ത്ത, ബംഗ്ലാദേശിലെ ധാക്ക, ഇന്ത്യയിലെ മുംബൈ എന്നിവിടങ്ങളിലെ കോണ്‍സുലേറ്റുകളും എംബസികളുമാണ് ഏറ്റവും കൂടുതല്‍ വിസ അനുവദിച്ചത്.

ALSO READ: സൗദി: ഗര്‍ഭിണികളായ തൊഴിലാളികള്‍ക്ക് നിയമപരമായ അവധി നിഷേധിച്ചാല്‍ ആയിരം റിയാല്‍ പിഴ 

ജക്കാര്‍ത്തയിലെ സഊദി എംബസി 2,74,612 വിസകളാണ് അനുവദിച്ചത്. ധാക്ക എംബസി 2,59,404 വിസകളും മുംബൈ കോണ്‍സുലേറ്റ് 2,50,742 വിസകളും അനുവദിച്ചു. പാകിസ്ഥാനിലെ ഇസ്‌ലാമാബാദ് എംബസി 1,63,420 വിസകളും കറാച്ചി കോണ്‍സുലേറ്റ് 1,32,193 വിസകളും കൈറോ എംബസി 1,19,000 വിസകളും അനുവദിച്ചു. 

പോര്‍ട്ട് ഓഫ് സ്‌പെയിന്‍ കോണ്‍സുലേറ്റ് വെറും രണ്ടും കിന്‍ഷാസ കോണ്‍സുലേറ്റ് വെറും മൂന്ന് വിസകളുമാണ് ഈ മൂന്ന് മാസത്തിനിടെ അനുവദിച്ചത്.  

ALSO READ: 'കുറഞ്ഞ വിലയില്‍ കാര്‍': വ്യാജ പരസ്യം ചെയ്ത് തട്ടിപ്പ്; സഊദിയില്‍ പ്രവാസികള്‍ അറസ്റ്റില്‍ 

ഇതിനെല്ലാം പുറമേ വിവിധ രാഷ്ട്രങ്ങളില്‍ നിന്നുള്ള പൗരന്മാര്‍ക്ക് ഓണ്‍-അറൈവല്‍ വിസയും ഇ-വിസയും അനുവദിക്കുന്നുണ്ട്. സഈദി വിമാന കമ്പനികള്‍ വഴി മൂന്നാമതൊരു രാജ്യത്തേക്ക് സഞ്ചരിക്കുന്നവര്‍ക്ക് 96 മണിക്കൂര്‍ വരെ രാജ്യത്ത് തങ്ങാനുള്ള അനുവാദമുണ്ട്. ട്രാന്‍സിറ്റ് വിസയില്‍ സഊദിയില്‍ എത്തുന്നവര്‍ക്ക് ഉംറ ചെയ്യാനും മദീന സന്ദര്‍ശിക്കാനും കഴിയും.

Discover the massive rise in Indian tourists and workers heading to Saudi Arabia, with 250,000 visas granted in just 90 days. Explore the reasons behind this travel boom and its impact on India-Saudi relations