റാസല്‍ഖൈമ: റാസല്‍ഖൈമ അല്‍ സഫിയിലെ ഒരു കുടുംബ വീട്ടിലുണ്ടായ ശക്തമായ വാതക സ്‌ഫോടനത്തില്‍ വീട്ടുജോലിക്കാരിക്ക് ഗുരുതര പരുക്ക്. 42 വയസ്സുള്ള ഫിലിപ്പീനി വീട്ടുജോലിക്കാരിക്കാണ് പരുക്കേറ്റത്. കഴിഞ്ഞ ദിവസം വൈകുന്നേരം കുടുംബം അടുത്തുള്ള വീട്ടില്‍ ഒത്തുകൂടിയിരിക്കുമ്പോഴാണ് എലി അടുക്കളയിലെ ഗ്യാസ് പൈപ്പ് കരണ്ടതിനെത്തുടര്‍ന്ന് സ്‌ഫോടനം ഉണ്ടായത്. ഒരു മാസമായി മാത്രം കുടുംബത്തോടൊപ്പം ജോലി ചെയ്തിരുന്ന വീട്ടുജോലിക്കാരി അപകടം നടക്കുമ്പോള്‍ വീട്ടില്‍ തനിച്ചായിരുന്നു. വൈകിട്ടുള്ള നിസ്‌കാരത്തിന്് ശേഷം തങ്ങള്‍ വലിയൊരു സ്‌ഫോടനം കേട്ടെന്നും ഞെട്ടിപ്പോയെന്നും, പക്ഷേ അത് സ്വന്തം വീട്ടില്‍ നിന്നാണെന്ന് ഒരിക്കലും പ്രതീക്ഷിച്ചിരുന്നില്ലെന്നും എമിറാത്തി സര്‍ക്കാര്‍ ജീവനക്കാരനും കുടുംബാംഗവുമായ 38കാരനായ മുസ്ബ മുഹമ്മദ് പറഞ്ഞു.

അടുക്കളയില്‍ കയറി സ്റ്റൗ അല്ലെങ്കില്‍ ലൈറ്റ് ഓണ്‍ ചെയ്തപ്പോഴാണ് വീട്ടുജോലിക്കാരി അറിയാതെ ദുരന്തത്തിന് കാരണമായതെന്നാണ് റിപ്പോര്‍ട്ട്. ലീക്കായ വാതകത്തിന് തീപിടിച്ച്, ശക്തമായ സ്‌ഫോടനത്തില്‍ അടുക്കള തകരുകയും പാത്രങ്ങള്‍ക്കും ഫര്‍ണിച്ചറിനും കാര്യമായ കേടുപാടുകള്‍ സംഭവിക്കുകയും സമീപത്തെ വീടുകള്‍ കുലുങ്ങുകയും ചെയ്തു.

അകലെയുള്ള നിരവധി വീടുകളില്‍ നിന്ന് സ്‌ഫോടന ശബ്ദം കേട്ടതായി അയല്‍ക്കാര്‍ പറഞ്ഞു. അടിയന്തര സംഘങ്ങള്‍ സ്ഥലത്തെത്തി വീട് ഒഴിപ്പിക്കുകയും പരുക്കേറ്റ വീട്ടുജോലിക്കാരിയെ സഹായിക്കുകയും ചെയ്തു. സ്‌ഫോടനത്തിനു ശേഷവും ഗ്യാസ് ചോര്‍ച്ച തുടര്‍ന്നു. ഇത് സ്ഥിതി വളരെ അപകടകരമാക്കി.

ശരീരത്തിന്റെ 98 ശതമാനവും പൊള്ളലേറ്റ നിലയില്‍ ഫുജൈറ ആശുപത്രിയിലേക്ക് കൊണ്ടുപോയ വീട്ടുജോലിക്കാരിയെ ഖലീഫ ആശുപത്രിയിലേക്ക് മാറ്റി. അവരുടെ പരുക്ക് ഇപ്പോള്‍ ഏകദേശം 68 ശതമാനമാണ്. ഇതിനകം ശസ്ത്രക്രിയയ്ക്ക് വിധേയയായിട്ടുണ്ട് മുസ്ബ മുഹമ്മദ് പറഞ്ഞു.

എലികള്‍ ഗ്യാസ് സംബന്ധമായ അപകടത്തിന് കാരണമായ ആദ്യത്തെ സംഭവമല്ല ഇതെന്ന് സ്ഥിരീകരിച്ച അധികൃതര്‍, ഇത് മാരകമായ ഗ്യാസ് ചോര്‍ച്ചയ്ക്ക് കാരണമാകുമെന്നും അറിയിച്ചു.

സിവില്‍ ഡിഫന്‍സ് ഉദ്യോഗസ്ഥര്‍ പതിവായി ഗ്യാസ് സുരക്ഷാ പരിശോധനകള്‍ നടത്തേണ്ടതിന്റെയും, അടുക്കളകളില്‍ ശരിയായ വായുസഞ്ചാരം ഉറപ്പാക്കേണ്ടതിന്റെയും, ചോര്‍ച്ച സംശയിക്കുകയാണെങ്കില്‍ ഉടന്‍ ഗ്യാസ് വാല്‍വുകള്‍ അടയ്‌ക്കേണ്ടതിന്റെയും പ്രാധാന്യം അധികൃതര്‍ താമസക്കാരെ ഓര്‍മിപ്പിച്ചു.

ALSO READ: സയണിസ്റ്റ് സൈന്യത്തിന് ഭക്ഷണപ്പൊതി കൊടുത്ത കാരിഫോറിലേക്ക് ആളുകള്‍ കേറുന്നില്ല; കുവൈത്തിലെയും ബഹ്‌റൈനിലെയും ശാഖകളും അടച്ചുപൂട്ടി

A 42-year-old Asian domestic worker was left fighting for her life after a powerful gas explosion ripped through a family home in Al Safi, Ras Al Khaimah. The blast, caused by a rat chewing through a kitchen gas pipe, happened late in the evening while the family was gathered at their mother’s nearby home.