അബൂദബി: പൊതുസ്ഥലത്ത് വെച്ച് ഒരു കുട്ടിയെ ശാരീരികമായി ആക്രമിച്ച യുവാവിന് കടുത്ത ശിക്ഷ വിധിച്ച് അബൂദബി സിവിൽ ഫാമിലി കോടതി. കുട്ടിയ്ക്ക് നഷ്ടപരിഹാരമായി 100,000 ദിർഹം നൽകാൻ കോടതി ഉത്തരവിട്ടു. കോടതി രേഖകൾ പ്രകാരം പ്രതി പ്രായപൂർത്തിയാകാത്ത കുട്ടിയെ അപമാനിക്കുകയും അടിക്കുകയുമായിരുന്നു. ഇതോടൊപ്പം ഇയാൾ അശ്ലീല ആംഗ്യങ്ങളും കാണിച്ചിരുന്നു. സംഭവം കുട്ടിയിൽ ശാരീരികമായും വൈകാരികമായും ആഘാതം സൃഷ്ടിച്ചതായി ജഡ്ജിമാർ അഭിപ്രായപ്പെട്ടു.

ALSO READ: ഇസ്‌റാഈല്‍ പിന്തുണ: ബഹിഷ്‌കരണംമൂലം 4 രാജ്യങ്ങളില്‍ കാരിഫോര്‍ പൂട്ടി; നാലിടത്തും ഹൈപ്പര്‍മാക്‌സ് എന്ന അറബി പേരില്‍ തുറന്നു 

മറ്റുള്ളവർ മുഴുവൻ നോക്കിനിൽക്കെയാണ് ആക്രമണം നടന്നതെന്ന് കോടതി നിരീക്ഷിച്ചു. ഇതുസംബന്ധിച്ച് വെളിപ്പെടുത്തിയപ്പോൾ പലരും ഇരയെ ഭീഷണിപ്പെടുത്തിയതായും പരിഹസിച്ചതായും ജഡ്ജിമാർ ചൂണ്ടിക്കാട്ടി. കുട്ടികൾക്കെതിരായ അക്രമവും പീഡനവും ഗുരുതരമായ പ്രത്യാഘാതങ്ങൾ ഉണ്ടാക്കും എന്ന വ്യക്തമായ സന്ദേശമാണ് സംഭവം തുറന്നിടുന്നത്. 

യുഎഇയിലെ നീതിന്യായ വ്യവസ്ഥയിൽ പ്രായപൂർത്തിയാകാത്തവരുടെ അന്തസ്സും സുരക്ഷയും സംരക്ഷിക്കുന്നത് മുൻ‌ഗണനയായി തുടരുന്നുവെന്ന് അധികൃതർ അടിവരയിട്ടു. നഷ്ടപരിഹാരം, നിയമപരമായ ചെലവുകൾ, അനുബന്ധ ചെലവുകൾ എന്നിവ പ്രതിയിൽ നിന്ന് ഈടാക്കണമെന്ന് കുട്ടിയുടെ പിതാവ് കോടതിയോട് അഭ്യർത്ഥിച്ചിരുന്നു.

ALSO READ: 'ഗ്ലോബല്‍ വില്ലേജ് വിഐപി ടിക്കറ്റുകള്‍ ഡിസ്‌കൗണ്ട് വിലയില്‍'; വ്യാജ സന്ദേശങ്ങള്‍ക്കെതിരേ ജാഗ്രതാനിര്‍ദേശവുമായി ദുബൈ പൊലിസ് 

മറ്റൊരാൾക്ക് ദോഷം വരുത്തുന്ന ഏതൊരു കക്ഷിയും, പൂർണ്ണമായും യോഗ്യതയുള്ളവനല്ലെങ്കിൽ പോലും, നഷ്ടപരിഹാരത്തിന് ബാധ്യസ്ഥനാണെന്ന് യുഎഇ സിവിൽ ട്രാൻസാക്ഷൻസ് നിയമത്തിലെ ആർട്ടിക്കിൾ 282 ഉദ്ധരിച്ചുകൊണ്ടാണ് കോടതി വിധി പുറപ്പെടുവിച്ചത്. 

നിയമവിരുദ്ധമായ പ്രവൃത്തി, ആഘാതങ്ങൾ, ഇവ രണ്ടും തമ്മിലുള്ള കാര്യകാരണബന്ധം എന്നിങ്ങനെ മൂന്ന് ഘടകങ്ങളെ അടിസ്ഥാനമാക്കിയാണ് സിവിൽ ബാധ്യത നിലനിൽക്കുന്നതെന്ന് വിധിന്യായത്തിൽ വിശദീകരിച്ചു. ദോഷകരമായ പ്രവൃത്തി ചെയ്യുന്നത് മാത്രം പോരാ, പ്രകടമായ പരുക്ക് ഉണ്ടാകണമെന്നും തെളിയിക്കപ്പെട്ട നാശനഷ്ടങ്ങൾക്ക് അനുസൃതമായാണ് നഷ്ടപരിഹാരം കണക്കാക്കുന്നതെന്നും കോടതി നിരീക്ഷിച്ചു. ഇതിനെ തുടർന്നാണ് പ്രതിക്ക് കോടത് ഒരു ലക്ഷം രൂപ പിഴ വിധിച്ചത്.

A young man in the UAE has been ordered to pay a fine of AED 100,000 for attacking and humiliating children in a public place, as ruled by a local court. The case highlights the UAE's strict stance on public misconduct and child protection.