ഇംഫാൽ: മണിപ്പൂരിലെ ബിഷ്ണുപൂർ ജില്ലയിലെ നമ്പോൾ സബൽ ലെയ്കായിൽ അസം റൈഫിൾസ് ജവാൻമാർ സഞ്ചരിച്ചിരുന്ന വാഹനത്തിന് നേരെ അജ്ഞാതരായ തോക്കുധാരികൾ വെടിയുതിർത്തു. വാർത്താ ഏജൻസിയായ പിടിഐയുടെ പ്രാഥമിക റിപ്പോർട്ട് പ്രകാരം ആക്രമണത്തിൽ ഒരു ജവാൻ കൊല്ലപ്പെടുകയും മൂന്ന് പേർക്ക് പരുക്കേൽക്കുകയും ചെയ്തു. ഇംഫാലിൽ നിന്ന് 407 ടാറ്റ വാഹനത്തിൽ സഞ്ചരിക്കുകയായിരുന്ന അസം റൈഫിൾസ് സംഘത്തിന് നേരെയാണ് അ‍ജ്ഞാതർ  വെടിയുതിർത്തത്. 

വൈകുന്നേരം 6 മണിയോടെ നമ്പോൾ പൊലിസ് സ്റ്റേഷൻ പരിധിയിലാണ് ആക്രമണം നടന്നത്. ഇംഫാൽ വിമാനത്താവളത്തിൽ നിന്ന് ഏകദേശം 8 കിലോമീറ്റർ അകലെയാണ് ആക്രമണം നടന്ന സ്ഥലം.

ALSO READ: ഉമര്‍ഖാലിദും ഷര്‍ജീല്‍ ഇമാമും ഉള്‍പെടെയുള്ളവര്‍ക്ക് ഇന്നും ജാമ്യമില്ല; അപേക്ഷ പരിഗണിക്കുന്നത് സെപ്റ്റംബര്‍ 22ലേക്ക് മാറ്റി  

"ഇംഫാലിൽ നിന്ന് ബിഷ്ണുപൂർ ജില്ലയിലേക്ക് പോവുകയായിരുന്ന അസം റൈഫിൾസ് സംഘത്തിന്റെ വാഹനത്തിന് നേരെ ഒരു കൂട്ടം തോക്കുധാരികൾ പതിയിരുന്ന് ആക്രമണം നടത്തി, ഒരു ജവാൻ കൊല്ലപ്പെടുകയും മൂന്ന് പേർക്ക് പരുക്കേൽക്കുകയും ചെയ്തു," പിടിഐ റിപ്പോർട്ടിൽ ഉദ്ധരിച്ച ഒരു ഉദ്യോഗസ്ഥൻ പറഞ്ഞു.

പരുക്കേറ്റ സൈനികരെ ചികിത്സയ്ക്കായി ആശുപത്രിയിലെത്തിക്കാൻ നാട്ടുകാരും പൊലിസും സഹായിച്ചു. കൂടുതൽ അന്വേഷണത്തിനായി പ്രദേശം വളഞ്ഞിരിക്കുകയാണ്. 1949 സെപ്റ്റംബർ 21 ലെ മണിപ്പൂർ ലയന കരാറിനെതിരെ താഴ്‌വര ആസ്ഥാനമായുള്ള തീവ്രവാദ ഗ്രൂപ്പുകൾ ആഹ്വാനം ചെയ്ത ബന്ദിന് രണ്ട് ദിവസം മുമ്പാണ് ഈ ആക്രമണം.

In a shocking incident in Manipur's Bishnupur district, unidentified gunmen ambushed an Assam Rifles vehicle traveling from Imphal, resulting in the death of one jawan and injuries to three others. The attack occurred around 6 PM in Nambol Sabal Leikai, highlighting ongoing security challenges in the region amid ethnic tensions.